अन्नपूर्ण । पूर्व विद्यार्थी मञ्च संगम मावि चन्द्रकोटको अध्यक्षमा नवीन गुरुङ चयन भएका छन् । शनिबार अन्नपूर्ण गाउँपालिकाको चन्द्रकोटमा भएको पहिलो अधिवेशनबाट उपाध्यक्षमा शिवभक्त देवकोटा, सचिवमा लक्ष्मीनारायण देवकोटा, कोषाध्यक्षमा आशबहादुर गुरुङ र सहसचिवमा चूडामणि देवकोटालाई चयन भए ।

सदस्यमा ताराप्रसाद गुरुङ, प्रेमप्रसाद चापागाई, सम्पूर्ण गुरुङ, दिनेश कुमार जिसी, आशबहादुर विक, सुनील देवकोटा र मनोज क्षत्री चयन भए ।
मञ्चका आजीवन सदस्य एवं विद्यालयका पूर्व शिक्षक एकदेव देवकोटाको संयोजकत्वमा गठित ३ सदस्यीय निर्वाचन मण्डलले उक्त नयाँ कार्यसमिति सर्वसम्मत रुपमा चयन गरेको हो । निर्वाचन मण्डलको सदस्यमा राजमान गुरुङ र नारायण क्षत्री थिए ।

कार्यक्रममा अन्नपूर्ण गाउँपालिकाका अध्यक्ष युवराज कुँवरले शिक्षाको स्तर माथि उकास्न विद्यार्थी संख्यामा भन्दा पनि शैक्षिक गुणस्तर वृद्धिमा जोड दिए । उक्त कार्यक्रममा संगम माविको भौतिक तथा शैक्षिक विकासका लागि मञ्च मार्फत् यसैवर्ष आर्थिक सहयोग गर्ने विभिन्न ३१ जना सहयोगदातालाई खादा र प्रशंसा–पत्रद्वारा सम्मान गरिएको थियो ।

कास्की जिल्लाको अन्नपूर्ण गाउँपालिका ६, चन्द्रकोटस्थित संगम माध्यमिक विद्यालयमा अध्ययन गरेका भूतपूर्व विद्यार्थीहरुलाई संगठित गरी पारस्परिक भाइचारा सम्बन्धको अभिवृद्धि गर्ने उद्देश्यले २ वर्ष अघि मञ्च स्थापना भएको हो ।