पोखरा । सारंगी संरक्षणका अभियन्ता, चर्चित गायक एवं शब्द संकलक धनबहादुर गायककाे साेमबार बिहान निधन भएकाे छ ।
खोलामा नुहाउने क्रममा लडेर घाइते भएका गायककाे मनिपाल मेडिकल कलेज शिक्षण अस्पतालकाे आइसियुमा राखेर उनकाे उपचार भइरहेकाे थियाे । बिहान साढे ८ बजे उनकाे निधन भएकाे राष्ट्रिय लोक तथा दोहोरी गीत प्रतिष्ठान गण्डकी अध्यक्ष सुरेन्द्र गुरुङले बताए ।
उच्च रक्तचापका बिरामी गायक त्यसैका कारण खाेलामा पल्टेकाे अनुमान गरिएकाे छ । २०२१ साल वैशाख ६ गते पोखराको बाटुलेचौरमा उनी जन्मेका हुन् । उनकी आमा चदर गायक र बाबु बखतबहादुर गायक हुन् ।
क्रिस्चियन धर्म मान्दै आएका कलाकार गायकको क्रिस्चियन परम्पराअनुसार अन्त्येष्टि गरिने परिवारजनले जनाएको छ । शव अहिले अस्पतालबाट उनको निवास बाटुलेचौरमा अन्तिम श्रद्धाञ्जलीका लागि लगिएको छ ।
प्रविण गुरुङले गाएका सदावहार चर्चित यो दाजुको मिर्मिरे आँखा, बेली र चमेलीजस्ता गीतका सर्जक धनबहादुर युवापुस्तालाई सांरगीप्रति टिकाइराख्न प्रयासरत थिए ।
पाेखराकै बाटुलेचौर निवासी उनी सारंगी पाठशाला समेत चलाउँदै आएका थिए । जसमा बालबालिकालाई निशुल्क रुपमा सारंगी र मादल लगायत वाद्यवादन सामग्री बजाउन सिकाइन्छ ।
पोखरा महानगरपालिकाले गठन गर्न लागेको प्रज्ञा प्रतिष्ठान सदस्यका लागि उनकाे नाम सिफारिस भएको थियाे ।
Related News
सम्बन्धित समाचार
बेलायतमा ‘प्रकट’ र ‘पारिजात’को स्मरण
७ श्रष्टालाई गण्डकी प्रज्ञा प्रतिष्ठानको सम्मान
नरहरिको उपन्यास ‘शान्ति’ लोकार्पण
‘क्यानभास’ मा धार्चेको कलासंस्कृति र भूगोल
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१