काठमाडौं। भारतले अनुदानमा दिएको कोरोना भाइरसविरुद्धको भ्याक्सिन आज बुधबार काठमाडौं आइपुग्दै छ। उसले दिने भनेको १० लाख डोज भ्याक्सिनमध्ये पहिलो खेप आज आउन लागेको हो।
आज बिहान एयर इन्डियाको विमानबाट भ्याक्सिन त्रिभुवन अन्तर्राष्ट्रिय विमानस्थलमा आइपुग्ने छ। विमानस्थलमा नेपालका लागि भारतीय राजदूत विनयमोहन क्वात्राले स्वास्थ्य मन्त्रालयका अधिकारीहरुलाई खोप हस्तान्तरण गर्ने कार्यक्रम छ। सुरुमा खोप टेकुस्थित स्वास्थ्य सेवा विभागमा भण्डारण गरिनेछ र त्यहाँबाट प्रत्येक प्रदेशको भण्डारण केन्द्रमा पठाइनेछ।
तोकिएका खोप केन्द्रहरुबाट पहिलो चरणमा स्वास्थ्यकर्मी, सफाइकर्मी, सुरक्षाकर्मी, एम्बुलेन्स चालक तथा शव व्यवस्थापन गर्ने टोलीलाई खोप दिइने मन्त्रालयले जनाएको छ। १० देखि १५ दिनमा खोप लगाउन सुरु गर्ने योजना मन्त्रालयको छ।
बेलायतको अक्सफोर्ड विश्वविद्यालय, एस्ट्राजेनेका कम्पनी र भारतको सिरम इन्स्टिच्युटले तयार गरेको कोभिसिल्ड भ्याक्सिन नेपालले पनि प्रयोग गर्न लागेको हो। भारतले ५ दिनअघि (१६ जनवरी) बाट खोप लगाउन सुरु गरेको छ। आफ्नो देशमा लगाउन थालेलगत्तै उसले नेपाल, बंगलादेशलगायत छिमेकी देशहरुलाई पनि अनुदानमा खोप दिएको हो।
हालैमात्र परराष्ट्रमन्त्री प्रदीप ज्ञवाली भारत भ्रमणमा गएका थिए। ज्ञवालीको टोलीमा स्वास्थ्य सचिव लक्ष्मण अर्याल पनि सहभागी थिए। यही भ्रमणको फलस्वरुप खोप आएको स्वास्थ्य मन्त्रालयका अधिकारीहरु बताउँछन्। मन्त्री ज्ञवाली भारतमै रहेका बेला औषधि व्यवस्था विभागले कोभिसिल्डलाई नेपालमा आपतकालीन प्रयोग गर्न अनुमति दिएको थियो।
नेपाल–भारत संयुक्त आयोगको बैठकमा भारतले नेपाललाई खोप दिने संकेत दिएपछि कोभिसिल्डलाई आपतकालीन प्रयोगको अनुमति दिइएको थियो। यसअघि भारतका लागि नेपाली राजदूत निलाम्बर आचार्यले पनि सिरम इन्स्टिच्युटका उच्च अधिकारीहरुलाई भेटेर खोपको पहल गरेका थिए।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१