पोखरा । महानगरपालिकाभित्रका सडकमा पार्किङ शुल्क उठाउन लगाएको ठेक्कामा १ वडाध्यक्षले विमती जनाएका छन् ।
पोखरा ४ का वडाध्यक्ष शंकरप्रसाद बास्तोलाले ठेक्का प्रक्रिया नै अपारदर्शी भएको भन्दै विमती जनाएका हुन् ।
समयमै सम्झौता हुनुपर्ने भए पनि कोरोनाको कारण देखाउँदै समय गुज्रिसकेपछि प्रक्रिया अगाडि बढाएको उनले बताए ।
धेरै समयपछि कार्यादेश दिने प्रक्रियामा गएको र सम्झौता भएको भन्दै उनको विमती थियो । उनले भने ‘टेन्डर प्रक्रियामै मेरो विमती छ, नियम विपरित पार्किङ शुल्क उठाउने काम वडा नम्बर ४ लाई मान्य छैन ।’
धेरैपछि काम सुरु हुँदा शंकास्पद देखिएको उनको भनाइ छ । महानगरको जुनसुकै क्षेत्रमा भएको आर्थिक चलखेल रोक्नको लागि आफूले प्रत्येक कार्यपालिका बैठक र नगरसभामा आवाज उठाउदै आएको उनले बताए । ‘पार्किङ शुल्क उठाउने विषयमा आर्थिक चलखेल भएको मलाई शंका लाएको छ,’ उनले भने, ‘यो विषयमा आर्थिक चलखेल भए पनि नभए पनि म महानगरमा हुने आर्थिक चलखेलको विरुद्धमा छु, अर्थको विषयमा आवाज बुलन्द पार्न छाड्ने छैन ।’
पार्किङको विषयमा शंका लागेर नै आफ्नो क्षेत्राधिकार भएको पोखरा महानगरपालिका वडा नम्बर ४ भित्र पार्किङ शुल्क नउठाउन मंसिरमै सिफारिस गरेको उनले बताए ।
बास्तोलाले मंसिर २८ गते महानगरपालिकाका प्रमुख प्रशासकीय अधिकृतलाई पत्र पठाउँदै वडाभित्र पार्किङ शुल्क नउठाउन सिफारिस गरेका हुन् ।
पोखरामा पार्किङ शुल्कको विषयमा चौतर्फी विरोध भइरहेको छ । यो विषय अदालतसम्म पनि पुगेको छ । उच्च अदालत पोखरामा यो मुद्दा विचाराधीन छ । वडाध्यक्ष पार्किङ शुल्क उठाइरहेको फेवा सावित्री जेभीलाई समेत सोही सिफारिस बोधार्थ पठाएका छन् । सिफारिस गरिएको एक महिना बितिसक्दा समेत महानगरपालिकाबाट कुनै प्रतिक्रिया नआएको वडाध्यक्ष बास्तोलाले बताए ।
Related News
सम्बन्धित समाचार
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१