पोखरा । तन्दुरुस्त रहन १ व्यक्तिले बर्सेनि ९१ लिटर दूध पिउनुपर्छ । नेपालको जनसंख्या र दूध उत्पादनको अनुपात त्यस अनुसार छैन । अहिलेको उत्पादनले एक व्यक्तिका भागमा ७२ लिटर दूध पर्छ । तर गण्डकी प्रदेशमा भने माग भन्दा बढी उत्पादन हुन्छ । प्रदेशमा उत्पादन भएको दूधले प्रत्येक व्यक्तिलाई १ सय ६ लिटर भन्दा बढी पुग्छ । यो उत्पादन मागभन्दा झण्डै १५ लिटर बढी हो ।
दूधमा मात्रै होइन, गण्डकी प्रदेश मासु र अन्डामा समेत आत्मनिर्भर छ । प्रतिवर्ष १४ किलो मासु एक व्यक्तिलाई आवश्यक पर्छ । गण्डकीमा उत्पादित मासुले प्रतिव्यक्ति १८ किलो पुग्छ । देशभर भने मागभन्दा कम (१२ किलो) मात्रै उत्पादन हुन्छ । उता ४८ वटा अन्डा प्रतिव्यक्ति चाहिनेमा प्रदेशमा झण्डै ५२ वटा पुग्छ । अन्डामा नेपाल पहिले नै आत्मनिर्भर भइसकेको छ । गण्डकीमा माछा उत्पादन पनि विस्तारै बढ्दै गएको छ । अहिले उत्पादित माछाले हरेक व्यक्तिलाई २ किलोको दरले पुग्छ । यो तथ्यांक अझै बढ्ने आँकलन गरिएको छ ।
पछिल्ला वर्षमा गण्डकी प्रदेश सरकारले कृषि र पशुजन्य उत्पादनमा लगानी बढाएको छ । पशुपंक्षी तथा मत्स्य विकास निर्देशनालयको पूरा बजेटमध्ये झण्डै ६० प्रतिशत बजेट दूधको क्षेत्रमा छ । यो वर्ष ३३ करोड २० लाख रुपैयाँ दुग्ध विकास क्षेत्रमा लगानी हुने निर्देशक डा. मनबहादुर पुनले जानकारी दिए । उनका अनुसार उन्नत जातका पाडी र बाच्छी हुर्काउने, उत्पादनमा आधारित प्रोत्साहन सहयोग, पशुमा पूर्ण खोप, घुम्ती गोठ संरक्षण, चरन खर्क सुधार, पकेट कार्यक्रम र भैंसी विकास कार्यक्रम, उद्योग स्थापना लगायतका कार्यक्रममा सरकारले सहयोग गर्दै छ ।
मत्स्य पकेट कार्यक्रमका लागि ५५ लाख विनियोजन गरिएको छ भने भ्याक्सिन बैंक बनाउन ७० लाख छ । पशु कल्याण सहयोग कार्यक्रममा ३० लाख, आधारभूत विद्यालयका विद्यार्थीलाई पोषण कार्यक्रम चलाउन ३० लाख २५ हजार, दाना उद्योग स्थापना १ करोड, अनुसन्धानमा आधारित लिमे पारकोटे भैंसी संरक्षण कार्यक्रम ३० लाख, मूल्य शृंखलामा आधारित उद्योग स्थापना ६०, पशु हाटबजार स्थापना ७० लाख, दुग्ध चिस्यान केन्द्र स्थापना १ करोड, कोल्डरुम स्थापनामा १ करोड ५० लाख छुट्याइएको निर्देशनालयले जानकारी दिएको छ ।
किसानहरुले उत्पादन लागत बढेको गुनासो गरेका छन् । उनीहरुले उत्पादन लागत घटाउन उन्नत नश्लको विकास हुनुपर्ने, घाँसेबालीको विकास, गुणस्तरीय पशु औषधी आवश्यक पर्ने र चिकित्सकको सहज उपलब्धता आवश्यक रहेको बताए ।
‘वडा वडामा दक्ष प्राविधिक खटाउनुप¥यो । पशु बिरामी हुँदा किसान नै सदरमुकाम धाउन नपरोस्,’ उनीहरुले भने, ‘अनुत्पादक गाई भने राज्यले व्यवस्थापन गर्नुपर्छ । बाच्छाबाच्छी र पाडापाडी हुर्काउने हो भने त्यसको लागत सरकारले व्यहोर्नुपर्छ ।’ किसानहरुले उत्पादन र खपतको तथ्यांक संकलन गरेर उद्योग बनाउन र अन्तर्राष्ट्रिय बजारीकरणमा सहयोग गर्न आग्रह गरे ।
दूधको न्यून मूल्य हुँदा किसान हतोत्साही बन्न पुगेका व्यावसायिक किसान दीपक तिमिल्सिना बताउँछन् । ‘बेलाबेलामा दूधको मूल्य बढाउनुपर्छ । किसानले नै मूल्य तोक्न पाए पो सहुलियत हुन्छ,’ उनले भने, ‘उत्पादनमा आधारित अनुदान कार्यक्रममा व्यावसायिक फार्मलाई सहभागी नगराउनु नै दुखद हो । आगामी वर्षदेखि अनिवार्य समावेश गराइयोस् ।’ उनले बिमाको सीमा नतोक्न पनि आग्रह गरेका छन् । प्रदेशभन्दा बाहिरबाट आएको दूधलाई खुला रुपमा बेच्न प्रतिवन्ध लगाउनुपर्ने र यहिँको उत्पादनलाई बजारीकरण गरिनुपर्ने उनको सुझाव छ ।
डेरी व्यवसायी ज्ञानेन्द्र बजगाईं दूध ढुवानी सहज बनाइदिन माग गर्छन् । ‘ढुवानीमा समस्या छ । ट्यांकरमा अनुदान दिए अलि सहज हुन्थ्यो,’ उनले भने, ‘स्टोरेजको व्यवस्था छैन । बटर राख्न कोल्ड स्टोर चाहियो ।’ उनले धुलो दूध बेच्न अन्तर्राष्ट्रिय बजारमा सहजीकरण गरिदिन आग्रह गरेका छन् । दुग्धजन्य वस्तु आयात गर्दा भन्सार दर बढाउनुपर्ने सुझाव बजगाईंले दिए ।
भूमि व्यवस्था, कृषि तथा सहकारी मन्त्रालयकी सचिव शवनम सिवाकाेटीले सरकार किसान केन्द्रित बनेको बताइन् । उनले किसानका समस्या समाधान गर्न कटिबद्ध रहेको प्रतिबद्धता जनाइन् । जिल्लास्तरका कार्यालयमा केही दिनभित्रै कर्मचारी व्यवस्थापन मिलाएर बजेट कार्यान्वयन द्रूत बनाउने बताएकी छन् । किसानले सरकारका सूचना नहेर्ने र फेरिएका प्रावधानबारे ज्ञान नहुँदा बढी समस्या भएको सिवाकाेटीकाे भनाइ छ । ‘विभिन्न कार्यक्रमको सूचना निस्किरहेको हुन्छ । त्यसलाई हेर्नुस् र आफूलाई अनुकुल पर्ने कार्यक्रममा आवेदन दिनुस्,’ उनले भनिन्, ‘प्रावधानहरु फेरिएका हुन्छन् । त्यसको ज्ञान पनि किसानसँग हुनुपर्छ ।’ कार्यक्रममा मन्त्रालयका वरिष्ठ अधिकृत गृष्म नेउपानेले प्रदेशको कृषि व्यवसाय सम्बन्धि नयाँ व्यवस्थाबारे सहजीकरण गरेका थिए ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१