पोखरा । गण्डकी प्रदेशका उद्योग, पर्यटन, वन तथा वातावरणमन्त्री विकास लम्सालले प्रदेशका सबै स्थानीय तहमा सरकारले औद्योगिक ग्राम बनाउने बताएका छन् । सरकारले अघिल्लो आर्थिक बर्षकै नीति तथा कार्यक्रम र बजेटबाट औद्योगिक ग्राम स्थापना गर्ने घोषणा गरिसकेको छ । बुधबार अन्नपूर्ण गाउँपालिका ३ लक्ष्मी देउरालीमा रहेको वनपाले सामुदायिक वन समूहका सदस्य तथा सरोकारवालासँगको अन्तरक्रियामा मन्त्री लम्सालले प्रदेशका सबै नागरिकलाई उद्यमी बन्न सुझाए । उनले नेपालको जंगलमा रहेका कु–काठको प्रयोग गर्दै उद्योग संचालनको अवधारणा अघि सार्नुपर्ने बताए । ‘काठ वनमा कुहिएर जान्छ । हामीले प्रयोग गर्न पाउँदैनौ,’ उनले भने, ‘हरियो वन नेपालको धन भनेको अर्काका लागि मात्रै होईन । हामीले हुर्काएका विरुवा हामीले पनि प्रयोग गर्न पाउनुपर्छ ।’ वनपाले सामुदायिक वनमा संचालन गरिएको लप्सी खेती उदाहरणीय भएको उनको भनाई छ ।
अर्थ तथा विकास समितिका सभापति दीपक कोइरालाले वनलाई जीवनस्तरसँग जोड्नुपर्ने बताए । उनले उद्यमलाई पुस्तान्तरण गर्न सके मात्रै समृद्धी सम्भव हुनेमा जोड दिए । ‘नेपाली जंगलमा काठ छ । फर्निचरका लागि विदेशबाट काठ ल्याउनुपर्छ,’ उनले भने, ‘यो कसरी न्यायोचित भयो ? सरकारले कानुन सच्याएर नागरिकलाई प्रयोग गर्न पाउने वाटो खोलिदिनुपर्छ ।’ हिजो गरिएका खेती अहिले नगर्दा वन क्षेत्र बढेर बाँदरले दुख दिन थालेको उनको बुझाई छ ।
सामुदायिक वन उपभोक्ता महासंघ गण्डकी प्रदेश अध्यक्ष कालीदास सुवेदीले एक वन एक उद्यममा जोड दिँदै वनपालेमा गरिँदै आएको लप्सी उद्योगको विस्तार गर्नुपर्ने बताए । अहिले वन ऐनमा धेरै त्रुटी भएकोले संशोधनका लागि मन्त्रीको ध्यानाकर्षण गराए । रुपा गाउँपालिका अध्यक्ष नवराज ओझाले सामुदायिक वन प्रत्यक्ष रुपमा जनताको आम्दानीसँग गाँसिनुपर्ने तर्क गरे ।
कार्यक्रममा जिल्ला वन अधिकृत केदार वराल, महासंघका जिल्ला अध्यक्ष विश्वनाथ लामिछाने, वडाध्यक्ष चन्द्रबहादुर गुरुङ, वन समूहको तर्फबाट कोषाध्यक्ष चुडामणि पौडेल लगायतले वन जनजीविकासँग जोड्न नसकिएकोप्रति गुनासो गरे । उनीहरुले वन्यजन्तुको संरक्षणका लागि वन क्षेत्रमा पोखरी निर्माण गर्नुपर्ने, उद्यमको पुस्ता हस्तान्तरण गर्नुपर्ने, उत्पादन बढाउनुपर्ने, एक्याप र सामुदायिक वन बीचको द्वन्द घटाउनुपर्नेमा जोड दिए । वन समूहका अध्यक्ष टीकाराम पौडेल(मदन) को अध्यक्षतामा भएको कार्यक्रममा उपाध्यक्ष सुशिला पौडेलले स्वागत तथा कार्यक्रमको संचालन सल्लाहकार चिरञ्जिवी पौडेलले गरेका थिए ।
यसैबीच, मन्त्री लम्सालको टोलीले बुधबार नै पोखरा–२५, हेमजा स्थित फुर्केटारी सामुदायिक वनद्वारा संचालित खानेपानी उद्योगको समेत निरीक्षण गरेका थिए ।
Related News
सम्बन्धित समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
मानव सेवा अश्रममा खाना खुवाइयो
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१