पोखरा, ५ असाेज । चन्द्रप्रकाश बानियाँको ऐतिहासिक उपन्यास ‘महारानी’ ले यस वर्षको मदन पुरस्कार प्राप्त गरेको छ । जगदम्बा–श्री पुरस्कार गायिका तथा सङ्गीतकार शान्ति ठटाललाई दिइने भएको छ ।
मदन पुरस्कार गुठीको आइतबार बसेको बैठकले उक्त निर्णय गरेको हो । सबैभन्दा प्रतिष्ठित मदन पुरस्कारबाट साविकको धौलागिरी अञ्चलकै पहिलोपटक म्याग्देली लेखकको हातमा परेको हो ।
गुठीका अध्यक्ष कुन्द दीक्षितले १ सय ५१ पुस्तकमध्येबाट यसअघि ७ पुस्तक मदन पुरस्कारका लागि छनोट भएकामा अन्ततः महारानीले पुरस्कार प्राप्त गरेको आइतबार जनाएका हुन् ।
विसं २०७५ को मदन पुरस्कार पनि योगेश राजको ऐतिहासिक उपन्यास ‘रणहार’ लाई प्रदान गरिएको थियो ।
यसपालि बानियाँको महारानीसहित विमल निभाको जोकरको बन्दुक, तीर्थ श्रेष्ठको धर्सैधर्साको चक्रव्यूह, भुवन ढुंगानाको परित्यक्ता, योगी धर्ममहारसको महारसनिघण्टु (खण्ड १–३), ललित विष्टको मोहपथ र शारदा शर्माको यात्रामा पुस्तक मदन पुरस्कार सूचीमा परेका थिए ।
म्याग्दीको बेनी–५ पुलाचौरका बानियाँ पूर्व सांसद हुन् । राजनीतिबाट टाढा रहेर लेखन क्षेत्रमा सक्रिय बानियाँद्वारा लिखित उपन्यास ऐतिहासिक विषयमा आधारित छ । पर्वत राज्यको विषयमा लेखिएको उपन्यासबाट इतिहासका धेरै कुरा बाहिर ल्याएको छ । ३ सय ६८ पेजको यो उपन्यासका लेखक बानियाँका यसअघि ‘मृत्यु संस्कार मन्थन’, ‘कुलपूजा’, ‘एतिहासिक पर्वत राज्य’ प्रकाशित भइसकेको छ । बानियाँ केही दिनमा निबन्ध संग्रह ‘भौज्या’ प्रकाशनको तयारीमा छन् ।
यसैगरी गत ६ दशकदेखि नेपाली गीत–सङ्गीत क्षेत्रमा समर्पित रही विशिष्ट योगदान पु¥याएवापत गायिका तथा सङ्गीतकार शान्ति ठटाललाई २०७६ सालको जगदम्बा–श्री पुरस्कार दिने निर्णय गरिएको छ । विसं २०७५ को जगदम्बाश्री पुरस्कार वैरागी काइँलालाई प्रदान गरिएको थियो ।
गुठीले २०४५ सालमा रानी जगदम्बाको मृत्युपछि उनको सम्झना स्वरुप जगदम्बाश्री पुरस्कारको स्थापना गरिएको थियो ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
hero news full width
मुख्य समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१