गण्डकी प्रदेश तेक्वान्दो संघले गण्डकी प्रदेशका ३८ जना खेलाडीलाई राहत वितरण गरेको छ ।
राहत वितरण गर्दै गण्डकी प्रदेशकी सामाजिक विकास मन्त्री नरदेवी पुनले कोभिड १९ का कारण मन्त्रालयले सबै क्षेत्रमा ध्यान पुर्याउन नसकेको बताउँदै भनिन–“स्वास्थ्य क्षेत्रमा ध्यान दिनुपर्ने भएकोले खेलकुदमा ध्यान पुग्न सकेको छैन, तर पनि हामी खेलकुद विकास विधेयक ल्याएर प्रदेशको खेलकुदलाई व्यवस्थित बनाउन प्रयास गर्दैछौ ।”
गण्डकी प्रदेश सभाको यहि अधिवेशनबाट प्रदेशको खेलकुद विकास विधेयक ल्याउनका लागि अन्तिम चरणमा पुगेको बताउँदै मन्त्री पुनले प्रदेशको खेलकुद समिति गठन भए संगै प्रदेशको खेलकुद गतिविधिहरु रफ्तारका साथ अघि बढ्ने बताइन । “खेलकुद विधेयक आए संगै गण्डकी प्रदेशले देशकै खेलकुदको नेतृत्व गर्ने गरि अघि बढ्नेछ”, उनले भनिन ।
कार्यक्रममा मन्त्रालयका सचिव डा.रामप्रसाद घिमिरे समस्याका बेला वितरण हुने यस्ता राहतले खेलाडीमा उत्साह जगाउने बताउँदै भने–“खेलकुद पदक जित्नका लागि मात्रै नभई अनुशासित र स्वस्थ्य जीवनका लागि पनि उत्तिकै महत्वपूर्ण छ ।”
सोअवसरमा संघका महासचिव रमेश पौडेल र कोषाध्यक्ष माइकल कर्माचार्यलेसमेत आइओएफटिसीलाई आभार व्यक्त गर्दै समस्यामा रहेका खेलाडी र प्रशिक्षकलाई आगामी दिनमा पनि सहयोग जारी रहने बताए ।
गण्डकी प्रदेश सामाजिक विकास मन्त्रालयमा आयोजित कार्यक्रममा संघले कोभिड १९ का कारण समस्यामा परेका खेलाडीलाई राहत वितरण गरेको हो । संघले ५ जिल्लाका ३८ जनालाई तीन हजारका दरले एक लाख १४ हजार नगद प्रदान गरेको संघका अध्यक्ष जगन गुरुङले जानकारी दिए ।
अमेरिका स्थित ‘इन्टरनेशनल ओपन फ्रेण्डसीप तेक्वान्दो च्याम्पियनसीप’ (आइ.ओ.एफ.टि.सी) को ८० हजार सहयोग र कार्यसमितीका पदाधिकारीबाट संकलित रकमबाट खेलाडीलाई राहत वितरण गर्न सहज भएको अध्यक्ष गुरुङले बताए ।
उनले भने–“कोभिड १९ का कारण खेलाडी मात्रै नभई धेरै तेक्वान्दोका डोजाङ र प्रशिक्षकसमेत समस्यामा छन्, यो सानो सहयोगले खेलाडीलाई राहत पुग्नेमा विश्वास लिएका छौं ।”
स्मरण रहोस् कास्की जिल्ला तेक्वान्दो संघले हालै पोखरामा रहेका २३ वटा डोजाङका प्रशिक्षकलाई समेत १०–१० हजारका दरले राहत वितरण गरेको थियो ।
Related News
सम्बन्धित समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
hero news full width
मुख्य समाचार
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१