पोखरा । कोरोना संक्रमणको महामारीपछि सुचारु इङ्लिस प्रिमियर लिगमा आर्सनलले लगातार दोस्रो हार ब्यहोरेको छ ।
तीन महिना लामो समयसम्म स्थगित प्रिमियर लिग सुचारु भएपछि आर्सनलले खराब प्रदर्शन गर्दै आएको हो । पहिलो खेलमा शीर्ष दोस्रो स्थानको म्यानचेस्टर सिटीसँग ३–० को लज्जाजनक हार ब्यहोरेको आर्सनलले दोस्रो खेलमा ब्राइटनसँग २–१ को हार खेप्यो ।
शनिबार राति भएको खेलमा ब्राइटनका लेविस डंक र नेल माउपेले गोल गरे । आर्सनलका निकोलस पेपेले गोल गरेका थिए । खेलका ३ वटै गोल दोस्रो हाफमा सम्भव बनेको थियो । दोस्रो हाफको ६८ औं मिनेटमा डिबक्सको लेफ्ट कर्नरबाट उत्कृष्ट गोल गर्दै पेपेले आर्सनललाई अग्रता दिलाएका थिए । पेपेले आर्सनललाई दिलाएको उक्त अग्रता लामो समय टिकेन । त्यसको ७ मिनेट पछाडी नै ब्राइटनले आर्सनलको अग्रतालाई तोडिदियो । दोस्रो हाफको ७५ औं मिनेटमा ब्राइटनका डंकले गोल गर्दै खेललाई बरारीमा ल्याए । इन्जुरी समयमा माउपेले गोल गरेपछि आर्सनल स्तब्ध बन्यो ।
यसैगरी, शनिबार राति नै भएको अर्को खेलमा लेस्टर सिटी बराबरीमा रोकिएको छ । रेलिगेसन जोनमा रहेको वाटफोर्डसँग १–१ को बराबरीमा लेस्टर रोकिएको हो । पहिलो हाफ गोलरहित बराबरीमा सकिएको खेलको ९० औं मिनेटमा बेन चिलवेलले गोल गर्दै लेष्टरलाई अग्रता दिलाएका थिए । तर, खेलको इन्जुरी समयमा क्रेग डसनले गोल गर्दै वाट्फोर्डलाई हारबाट जोगाउँदै अंक बाँड्न मद्दत गरे ।
जारी इङ्लिस प्रिमियरसीपको लिगमा ४० अंक जोडेको आर्सनल नवौं स्थानमा छ । त्यस्तै, ३२ अंकका साथ ब्राइटन १५ औं स्थानमा छ । वाट्फोर्डसँगको बराबरीसँगै लेस्टर ५४ अंकका साथ तेस्रो स्थानमा छ । वाट्फोर्ड २८ अंकका साथ १६ औं स्थानमा छ । शीर्ष स्थानको लिभरपुलको ८२ अंक छ । दोस्रो स्थानको सिटीको ६० अंक छ ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१