गलकोट, ७ वैशाख । धवलागिरि अञ्चल अस्पताल बागलुङमा पहिलो पटक सघन उपचार कक्ष निर्माण गरिएको छ । तीन शय्या क्षमताको आइसियुले एक हप्ताभित्रै सेवा दिन थाल्नेछ ।
साविक धवलागिरि अञ्चलका बागलुङ, म्याग्दी, मुस्ताङ र पर्वत जिल्लाका जनतालाई लक्ष्य गरी अस्पताल बागलुङमा आइसियु सेवा दिइनेछ । धौलागिरिमा आइसियु सेवासहितको सुविधासम्पन्न अस्पताल नहुँदा धौलागिरिवासी आइसियु सेवाकै लागि पोखरालगायत शहरमा जाँदै आएका थिए।
अस्पताल स्थापना भएको ६० वर्षपछि आइसियु सेवा शुभारम्भ हुन थालेको छ । संघीय सरकारको रु एक करोड र गण्डकी प्रदेश सरकारको रु ५० लाखको लागतमा अस्पतालमा आइसियु निर्माण भएको अस्पताल व्यवस्थापन समितिका अध्यक्ष केबी राना मगरले जानकारी दिनुभयो । “हाम्रो व्यवस्थापन समिति आएपछि अनवरत रुपमा आइसियुका लागि पहल गरिरहेका थियौँ ”, मगरले भन्नुभयो, “६० वर्षको इतिहास बोकेको अस्पतालले हालै आएर आइसियु सेवा दिने भएको छ ।” अस्पतालमा अहिले धमाधम आइसियुका उपकरण जडान भइरहेको छ । आइसियु सेवा प्रदान गर्नका लागि दक्ष जनशक्ति नभएको भन्दै अस्पतालले तीन स्वास्थ्यकर्मीलाई तालीमका लागि पोखरासमेत पठाएको छ भने आइसियुका लागि दरबन्दीसमेत प्रदेश कार्यालयसँग मागेको छ ।
निरन्तरको प्रयासपछि अञ्चल अस्पतालमा आइसियुका लागि बजेट विनियोजन गरेर सेवा प्रदान गर्न थालिएको संघीय सांसद डा सूर्य पाठकले बताउनुभयो । आइसियु निर्माणका लागि आवश्यक सामग्री बोलपत्रमार्फत खरीद गरिएको थियो । सामग्री उपलब्ध गराउन तयार भएका कम्पनीले बिहीबार नै सबै सामग्री उपलब्ध गराएकाले जडानको कामसमेत अन्तिम चरणमा रहेको अस्पतालका मेडिकल सुपरिटेन्डेण्ट डा शैलेन्द्र बी पोखरेलले जानकारी दिनुभयो ।
कोरोना भाइरस (कोभिड–१९)का संक्रमितको समेत उपचार गराउँदै आइरहेको अस्पतालमा हालै संघीय सरकारले दुई र प्रदेश सरकारले एक भेन्टिलेटरसमेत उपलब्ध गराइसकेका छन् । अस्पतालमा दुई जना कोरोना संक्रमितको उपचार भइरहँदा एउटा भेन्टिलेटरसमेत उपलब्ध थिएन।
Related News
सम्बन्धित समाचार
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
अकला आयोजना सञ्चालनमा खानेपानी संस्थान नै बाधक !
पर्यटनकर्मीलाई ‘पर्यटकमैत्री सेवा’ सम्बन्धी तालिम
सडक आश्रित मानवमुक्त जिल्ला कार्यान्वयनका लागि समन्वय बैठक
‘कुखुरा कल्याणमा केज प्रणाली अनुपयुक्त’
hero news full width
मुख्य समाचार
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१