१. भौतिक पूर्वाधार तथा यातायात मन्त्री विमलेन्द्र निधिले गत आइतबार सर्लाहीको रानीगञ्जमा बर्दीबास-सिमरा विद्युतीय रेलमार्गको शिलान्यास गरेपश्चात् यातायातको क्षेत्रमा एउटा नयाँ उत्साह थप भएको छ। बर्दीबास-सिमरा खण्ड एक सय आठ किलोमिटर छ भने त्यो पूरा गर्न छ वर्ष लाग्ने अनुमान गरिएको छ।
२. त्यसो त नेपालमा करिब सय वर्ष पहिले रेलमार्गको कल्पना गरिएको थियो। त्यसबेला नेपालको अमलेखगञ्जबाट भारतको रक्सौलसम्मको ४० किलोमिटर लामो रेल मार्ग बनाइएको थियो। त्यहीअन्तर्गत अहिले २५ किलोमिटरको जयनगर-जनकपुर रेलमार्ग चालु छ। त्यो पुरानो रेल भए पनि त्यसले स्थानीय जनताको सेवा गरिरहेको छ।
३. अहिले सरकारले मेची-महाकाली दु्रत विद्युतीय रेल मार्ग निर्माण गर्ने अठोट गरी त्यसको बर्दीबास-सिमरा खण्डको काम सुरु गर्न लागेको हो। त्यो खण्ड सकिना साथ सरकारले अर्को खण्डको काम थाल्ने अपेक्षा गरिएको छ। करिब सय वर्षपछि रेल सेवा विस्तार गर्न लागेकोमा सबैले आशाको दृष्टि राखी त्यसलाई हेरिरहेका छन्।
४. सरकारले जनाए अनुसार मेची-महाकाली द्रुत विद्युतीय रेलमार्ग मेचीको काँकडभिट्टादेखि महाकाली अञ्चलको गण्डाचौकासम्म जोड्ने छ। त्यो मार्ग पूरा भएपछि त्यसको लम्बाई नौ सय ४५ किलोमिटर हुनेछ। त्यो रेलको गति प्रतिघण्टा १६० हुनेछ। त्यो काम पूरा गर्न ७० अर्ब लाग्ने अनुमान गरिएको छ। त्यसमा १०६ स्टेशन हुनेछन्।
५. कुनै बेला पूर्व-पश्चिम राजमार्गलाई नेपाल र नेपालीको भाग्य रेखाको रूपमा लिइएको थियो भने यो मेची-महाकाली रेलमार्गलाई पनि त्यस्तै महत्त्वको रूपमा लिइएको छ। यो बनेपछि उत्तर-दक्षिण रेलमार्ग जोड्न सजिलो हुनेछ भने अर्को यसले भारतको विभिन्न रेलमार्गसँग जोड्ने काममा पनि उत्तिकै सघाउ पुर्याउने छ। देशको ६ ठाउँबाट अन्तर्देशीय सेवा उपलब्ध गराउने प्रावधान राखिएको छ।
६. यसलाई जति ठूलो प्रोजेक्ट भनिन्छ, उति महत्त्वपूर्ण प्रोजेक्ट पनि हो। त्यसमा पनि रेल मार्गलाई अन्य मार्गभन्दा सस्तो र सुरक्षित पनि मानिन्छ। ढुवानी गर्न पनि यो सुलभ सरल हुन्छ। यसले यातायातको क्षेत्रमा ठूलो परिवर्तन ल्याउन सक्दछ।
७. सरकारले ठोस काम केही गरेन भन्ने गुनासो आइरहेको बेला यो ठूलो कामको शिलान्यास भएको छ।सरकारले रेलमार्गको विभिन्न कामको ठेक्का समेत गरिसकिएकोले त्यो बन्छ भन्ने भएको छ। आगामी बजेटमा त्यसको लागि पर्याप्त बजेट विनियम गरी अघि बढ्यो भने यो रेलमार्ग यो सरकारको महत्त्वपूर्ण उद्धार हुनेछ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१