एक मित्रले मोवाइलमा दुःख पोख्दै हुनुहुन्थ्यो ? उहाँको हेल्मेट एभरेष्ट बैंकको नयाँबजार शाखाबाट हराएछ । भएछ के भने कामको सिलसिलामा उहाँ त्यस शाखामा जाँदा गेटमा राखिएको हेल्मेट राख्ने दराजमा हेल्मेट छोडेकोमा आउँदा उहाँको नयाँ हेल्मेट लगेर सो ठाउँमा पुरानो थोत्रो हेल्मेट छोडिएको रहेछ । त्यस शाखाका हाकिमलाई गुनासो गर्दा हेल्मेटको जिम्मेवारी त्यो बैंकको होइन , हेल्मेटको सुरक्षा आफ्नै जोखिममा राख्नु पर्ने जवाफ दिइएछ ।
सुन्दा सामान्य लाग्ने यो घटना मलाई बास्तवमै संवेदनशील बनायो । केही दिन अघिमात्र भक्तपुरको बाणिज्य बैंकको एक शाखाबाट करिव ५ लाख चोरीको आशंकामा सोही शाखाका सुरक्षाकर्मीलाई पक्राउ गरिएको समाचार आएको छ ।
दिन प्रतिदिन विभिन्न बैंक तथा वित्तीय संस्थाहरुमा भएका विभिन्न घटनाक्रमहरु बाहिर प्रकाशमा आइरहेको छ । केही आन्तरिक कार्य प्रणाली – नियन्त्रण प्रणालीसँग सम्बन्धित छन् भने केही यस्तै चोरी, डकैती, साटिने घटनासँग सम्बन्धित छन् ।
किन भइरहेछ बैंक वित्तीय संस्थामा बदमासी :
बैंक तथा वित्तीय संस्था भनेका आकाशका जुन तारा पक्कै पनि होइनन् । ग्राहककै भरमा ब्यापार गरिखाने सेवामुखी संस्था हुन् । यो कुरा त्यस संस्थामा काम गर्ने प्रत्येक पेशाकर्मीको मगजमा जहिले पनि ताजा हुनुपर्छ । गर्ने विशुद्ध पेशा हो, पाउने विशुद्ध बेतन हो । त्यो भन्दा अरु यो पेशामा छँदैछैन । यदि कसैले यो भन्दा बढी आफ्नो पेशामा आशा गर्छ भने त्यसले ल्याउने परिणतिले समस्याको विजारोपण गर्छ । एउटा जिम्मेवार पदमा आसिन पेशाकर्मीले आफ्नो पेशागत दायराभन्दा बाहिर जानु भनेको त्यो संस्था रोगी बन्नु हो । यदि त्यो रोग त्यो संस्थाको ठूलैलाई लागेको छ र निराकरण समयमै गर्न सकिएन भने भविष्य जोखिमपूर्णमात्र होइन अन्धकार नै हुन जान्छ । क्रमबद्ध रुपमा समस्याग्रस्त भएका वित्तीय संस्थाहरुको दृष्टान्तबाट यही सावित भएको छ ।
जिम्मेवार पदमा रहेर गरिनेगैर जिम्मेवारीपूर्ण कार्यले बैंकिङ क्षेत्रमा पनि धेरै थोरै कालो बादल लागेको छ । हरेक क्षेत्रमा राम्रा नराम्रा पक्ष र मानिस हुन्छन् नै योबाट बैंकिङ क्षेत्र पनि अलग छैन । छोटो समयमै लखपति, करोडपति हुने महत्वाकांक्षाको भुमरीमा परेर गरिएको गैर जिम्मेवार कार्यले पनि यो क्षेत्रप्रति सर्वसाधारणको विश्वासलाई ठेस पुग्न गएको छ । बैंक वित्तीय संस्थाबाट सेवा शुल्क, ब्याज तिरेर लगेर दुर्इ पैसा कमाएका ग्राहकहरुको सिको न त सो संस्थाका कर्मचारीले गर्न हुन्छ, न त अदृष्य सहकार्य नै ।
विषयको संवेदनशिलता :
हेल्मेट हरायो । हराएकोले फेरि नयाँ किन्ला । तर यो अवस्था सामान्य होइन । कतै न कतै केही मिलिरहेको छैन । स्थितिले यही बताउँछ । कुनै पनि बैंक तथा वित्तीय संस्थामा रहेको निक्षेप त्यो संस्थाको निजि सम्पत्ति होइन , न त ती संस्था मालिक नै । ती त सिर्फ संरक्षक र परिचालक मात्र हुन् । ग्राहकले माग गरेको जुनसुकै अवस्थामा निक्षेप भुक्तानी दिनु यिनीहरुको दायित्व हो । सर्वसाधारणबाट निक्षेप संकलन गरी उनीहरुलाई नै लगानी गरेर संचालन गरिने भएकोले पनि यो क्षेत्र विशेष संवेदनशील छ । किनकी जोखिमको मात्रा ज्यादा रहने गर्दछ । यो संवेदनशीलता नबुझने मनुवाहरुको फन्दामा परेको संस्थाको गति यस्तै हो भन्न सकिने अवस्थामा रहँदैन ।
बैंकका शाखा प्रमुखलाई प्रश्न –
१. हाकिम साव झ् तपाईले तपाईकै शाखामा आउने कर्मचारीको खाली हेल्मेटको त रक्षा गर्न सक्नु हुन्न भने जनताको रगत पसिनाको कमाइले जोडेको धनको रक्षा कसरी गरिरहनु भएको छ ?
२. आन्तरिक नियन्त्रण प्रणालीमा भएको कमजोरीले नै विभिन्न बैंक तथा वित्तीय संस्थाहरुमा विविध किसिमका समस्या खडा भएको छ । के तपाईको शाखाको आन्तरिक प्रणाली ठिक छ ? ठिक छ भने ग्राहकले बैंकको दराजमा छोडेको हेल्मेटको सुरक्षा गर्नु तपाईको आन्तरिक नियन्त्रण प्रणालीभित्र पर्छ कि पर्दैन ?
३. तपाईको बैड्ढको मुख्य द्वारमा सुरक्षाकर्मी त होलान् नै । एउटा हेल्मेटको ब्यवस्थापन गर्न ठूलै पहाड खसाउनु छैन । एउटा सामान्य टोकन सिस्टमबाट पनि सो सजिलै ब्यवस्थापन गर्न सकिने ठाउँ छ यति पनि गर्न नसक्नु तपाईको कमजोरी होइन – यदि जोखिम ग्राहकलाई थोपर्नु हुन्छ भने किन हेल्मेट राख्ने ठाउँ तोक्नु हुन्छ ?
४. तपाईले तपाईको बैंकको शाखाको ग्राहकको हेल्मेट हराएकोमा नैतिक जिम्मेवारी लिनुपर्ने हो कि होइन ?
अन्त्यमा,
मख्ख नपरौं, मग्न नहोऔं । कुरा हेल्मेटको हो तर विषय समग्र नियन्त्रण प्रणालीको हो । सामान्य हेल्मेटको त सुरक्षा नहुने ठाउँमा त्यो ग्राहकको बैंकप्रतिको दृष्टिकोण कस्तो होला । जनताको धन हो, जनताको यो कुरा सपनामा पनि नबिसौर्ँ। प्रत्येक विषयमा ग्राहकप्रति बैंक तथा वित्तीय संस्थाहरु जिम्मेवार हुनै पर्दछ ।
जिम्मेवारीपन नै असल ग्राहक सेवाको परिचायक हो । ठूला चमकदार साइनबोर्ड, सुकिलोमुकिलो पहिरन त सिर्फ एउटा माध्यम हो असली कुरा त ग्राहकको सन्तुष्टी र सेवामा छ । यदि यो नै छैन भने जागिर खानेको कुनै शान छैन, मान छैन । पुग्नु पर्ने जतिको ध्यान यसमा पुगोस् ।
Related News
सम्बन्धित समाचार
कास्की कांग्रेसको शिखर पुरूषको अवसान
जून ओर्लेको रात र त्यसको आलोक
नयाँ बिहानी: आदर्श समाजको २९ औं वर्ष
गण्डकी प्रदेश प्रशिक्षण प्रतिष्ठानका ४ वर्ष र आगामी कार्यदिशा
राणा कालमै हलो जोत्ने क्रान्तिकारी पं. मुक्तिनाथ
hero news full width
मुख्य समाचार
साना योजना सिधै प्रदेश र स्थानीय सरकारलाई हस्तान्तरणः प्रधानमन्त्री
मुस्ताङको लोमान्थाङमा वैकल्पिक सडक निर्माण
वैशाख २८, २०८१सूर्यदर्शन सहकारीको अनुसन्धान प्रतिवेदन बुझाइयो
वैशाख २७, २०८१पूर्वन्यायाधीशको निधनपछि गण्डकी सरकार विरुद्धको रिटसहित सर्वोच्चका सबै सुनुवाइ स्थगित
वैशाख २७, २०८१आगलागीले सुन्तलाको बगैंचा सखाप
वैशाख २७, २०८१पोखराका घरको नक्सापास अब अनलाइनबाटै, युएनडिपीको सहयोग
वैशाख २६, २०८१