रुपनारायण ढकाल-पोखरा, १२ फागुन । निर्माणाधिन कालिगण्डकी कोरिडोरका लागि चालू आर्थिक बर्षको ६ महिनामा ४५ करोड ९३ लाख रुपैयाँ खर्च भएको अर्थ मन्त्रालयले जनाएको छ । यो रकम बार्षिक लक्ष्यको १६ दशमलव १ प्रतिशत रहेको चालू बजेटको अर्धवार्षिक समिक्षामा उल्लेख गरिएको छ । चालू आर्थिक बर्षका लागि सो कोरिडोरका लागि भने दुई अर्ब ८५ करोड रुपैयाँ विनियोजन गरिएको थियो ।
नवलपरासीको गैंडाकोटदेखि मुस्ताङको कोरलासम्म यस कोरिडोरको कूल लम्बाई चार सय ३५ किलोमिटर रहेको छ । आयोजनाको कूल अनुमानित लागत २८ अर्व ८० करोड रुपैयाँ रहेकोमा गत आर्थिक बर्ष सम्म पाँच अर्व ३३ करोड रुपैयाँ खर्च भएको अर्थमन्त्री युवराज खतिवडाले जानकारी दिएका छन् । हालसम्म बेनी जोमसोम कोरला खण्डको एक सय ८६ किलोमिटरमा सम्पूर्ण ट्रयाक खोलिसकिएको जनाइएको छ । मालढुंगा–राम्दी–गैंडाकोट खण्डको कूल २४५ किलोमिटर मध्येबाट निर्माण कार्य भइरहेको र रिडी मालढुंगा सडक खण्डको कूल ८० किलोमिटर मध्ये ३८ किलोमिटर ट्रयाक खोल्ने कार्य सम्पन्न भइसकेको जनाइएको छ ।
यसैगरी बेनी–जोमसोम–कोरला खण्डमा ५४ किलोमिटर ग्राभेल विच्छाउने कार्य तथा मालढुंगा–राम्दी–गैंडाकोट सडक खण्डमा एक किलोमिटर सडक चौडा, ११ किलोमिटर ग्राभेल र पाँच वटा पुल निर्माण कार्य पनि सम्पन्न भइसकेको जनाइएको छ । नेपाली सेनाद्वारा निर्माण भइरहेको खण्डमा साडे ६ किलोमिटर ट्रयाक चौडा गर्ने काम पनि सम्पन्न भएको बताइएको छ । कोरिडोरको उत्तर दक्षिण जोड्ने बेनी–जोमसोम–कोरला १ सय १० किमी सडकको ७ वटा प्याकेजमध्ये ३ प्याकेज निर्माण भई हस्तान्तरण समेत गरिएको छ । यी तीन प्याकेज सम्पन्न हुँदा ८५ प्रतिशत प्रगति भएको दाबी गरिएको छ । करिडोरको उत्तरी कोरला नाकासँग सीमा जोडिएको छोसेर–कोरला २५ किमी, ताङ्बे–चैले ११ किमी र जोमसोम–ताङ्बे १८ किमी ग्राभेल सडक सहित ३ वटा प्याकेज निर्माण भइसकेका छन् । रहेका ४ वटा प्याकेज पनि निर्माणको अन्तिम चरणमा भएको बताइएको छ ।
केही हप्ता अघि सम्म कञ्चनजंघा लामा मोतीदानको झैते–चराङ १९ किमी सडक खण्डको ६८ प्रतिशत, सप्तकोशी जलाधार कन्ट्रक्सनले पछि आएर जिम्मा पाएकोे चराङ–छोसेर २५ किमी सडक ५५ प्रतिशत र कञ्चनजंघा लामा बिरुवा जेभीको भेना–झैते १२ किमी सडकको ९५ प्रतिशत काम पूरा भएको जनाइएको छ । बेनी–जोमसोम खण्डमा रहेका ४ वटा प्याकेज मध्ये औसत प्रगति ५५ प्रतिशत भएको जनाइएको छ ।
गण्डकी प्रदेश र प्रदेश–५ का जनताले समृद्धीको एक मुख्य आधारको रुपमा यो कोरिडोर सडकलाई लिने गरिएको छ । उत्तरी छिमेकी राष्ट्र चीन र दक्षिणी छिमेकी राष्ट्र भारतलाई जोड्ने महत्वपूर्ण व्यापारिक मार्ग मात्र होइन पर्यटकीय मार्ग पनि कालिगण्डकी कोरिडोरलाई लिन सकिन्छ । चीनबाट बौद्ध धर्मावलम्बी लुम्बिनीमा र भारतका हिन्दू मुक्तिनाथसम्म तान्ने धार्मिक पर्यटकीय सडकको रुपमा समेत यसलाई लिने गरिएको छ । यस सडक खण्डमा पर्ने मुक्तिनाथ, गलेश्वर, सेतिबेनी, रुद्रबेनी, रिडी, रानीमहल, रामदी, उत्तरबाहिनी महालिंगेश्वर धाम, देवघाट यही मार्गका धार्मिक केन्द्र हुन् ।
Related News
सम्बन्धित समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
hero news full width
मुख्य समाचार
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१