पोखरा, २ फागुन । निलगिरि ईङ्गलिस बोर्डिङ्ग स्कुलको ३१ औं वार्षिक पुरस्कार वितरण कार्यक्रम सम्पन्न भएको छ । उक्त कार्यक्रम पोखरा महानगरपालिका शैक्षिक प्रशासन महाशाखाका प्रमुख गंगाबहादुर गुरुङ्गको प्रमुख आतित्यतामा सम्पन्न भएको हो । प्रमुख अतिथि गुरुङले भाषा शिक्षाको मेरुदण्ड भएको बताए । उनले भाषामा अब्बल विद्यार्थी अध्ययनमा पनि संधै उत्कृष्ट रहने बताए । कक्षा कोठाको सिकाई सबैभन्दा उत्कृष्ट सिकाई भएकाले शिक्षकले विद्यार्थीलाई कक्षा कोठामा सिकाईएका ज्ञानलाई ब्यवहारमा उतार्न सिकाउनुपर्नेमा जोड दिए ।
यसैगरी कार्यक्रमको अध्यक्षता गर्दै विद्यालय ब्यवस्थान समितिका अध्यक्ष रामु गुरुङ्गले अभिभावक घरमा पनि आफ्ना बालबालिकाको अध्ययनप्रति रुची राख्नु पर्ने र उनीहरुलाई उचित वातावरण दिनुपर्ने बताइन् ।साथै गुरुङ्गले एसइई. परीक्षाको तैयारी गरीरहेका आफ्ना विद्यार्थीलाई अब्बल नतिजा ल्याउनेगरी मिहिनेत गर्न समेत सुझाव दिइन् । कार्यक्रममा २०७५ सालको वार्षिक परीक्षामा प्रथम, द्वितीय, तृतीय स्थान हासिल गर्न सफल विद्यार्थी लगायत ंअनुशासन, सरसफाइ र नियमित हाजिरी शीर्षकका पुरस्कार समेत वितरण गरेको थियो । एसइई परीक्षामा सर्वोत्कृष्ट ग्रेड ल्याउन सफल ४ जना विद्यार्थीलाई निलगिरि विद्यापदकले सम्मान गरिएको थियो । सम्मानित हुने विद्यार्थीहरुमा आयुषलाल लामा, एञ्जिला गुरुङ्ग, चीजा गुरुङ्ग र विवश भुजेल रहेका छन् । यसैगरी छात्र र छात्राको तर्फबाट विद्यालय प्रथम हुन सफल आयुषलाल लामा, एञ्जिला गुरुङ्ग र चीजा गुरुङ्गलाई आर्जना स्मृति अक्षयकोषद्वारा सम्मान तथा छात्रवृत्ति प्रदान गरिएको थियो ।
उनीहरुलाई आर्जना स्मृति अक्षयकोषका संरक्षक दिलीप दोषी श्रेष्ठले जनही छ हजार, सात सय एकचालिस रुपैँया नगद र प्रमाण–पत्रले सम्मान गरेका थिए । उक्त पुरस्कार वितरण कार्यक्रममा २०७५ सालको आधारभूत तह परीक्षामा सर्वोत्कृष्ट अक्षराङ्क ल्याउने विद्यार्थीलाई सम्मान गरिएको थियो । कार्यक्रममा विद्यालयले सम्पन्न गरेको अन्तर–सदनात्मक छात्र÷छात्रा भलिबल प्रतियोगिताका विजयी सदनका खेलाडीहलाई मेडल तथा प्रमाण–पत्र प्रदान गरिएको थियो । सोही क्रममा १६ औं प्याब्सन स्पोर्टस मिटमा उत्कृष्ट खेलाडीको उपाधि पाएका खेलाडी छात्र अमिर रानालाई विद्यालयको तर्फबाट नगद २ हजार ५५ रुपैँया पुरस्कार स्वरुप प्रदान गरिएको थियो । यसैगरी प्रथम स्थान हासिल गराउन विशेष योगदान पु¥याएका शिक्षक एवं भलिवल खेल संयोजक नारायण जिसीलाई विद्यालयको तर्फबाट सम्मान गरिएको थियो ।
कार्यक्रममा अभिभावक यज्ञप्रसाद पंगेनी, बगालेटोल तमुसमाजका अध्यक्ष दिलबहादुर गुरुङ्ग, विद्यालय ब्यवस्थापन समितिका सदस्य दामोदर पराजुली, विद्यार्थीका तर्फबाट एञ्जिला गुरुङ्ग र चीजा गुरुङ्गले मन्तब्य राखेका थिए । कार्यक्रममा विद्यालयका संयोजक वसन्त सिग्देलले स्वागत मन्तब्य राखेका थिए भने सह–प्राचार्य अमृत सुवर्णकारले विद्यालयको शैक्षिक प्रतिवेदन प्रश्तुत गरेका थिए । विद्यालयको प्राङ्गणमा सम्पन्न भएको उक्त कार्यक्रमको सञ्चालन शिक्षकद्वय नारायण जिसी. र उदय सुवेदीले गरेका थिए ।
Related News
सम्बन्धित समाचार
व्यवसाय दर्ता र कर सचेतनाका लागि पोखरा महानगरले गर्यो क्याम्पसहरूसँग समझदारी
पिसिएममा पाइथन प्रोग्रामिङ तालिम
मर्दीखोला प्रतिष्ठानद्वारा शैक्षिक सामग्री र छात्रवृत्ति वितरण
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
hero news full width
मुख्य समाचार
सीता सुन्दास र बेदबहादुरलाई मन्त्री बनाउँदै खगराज
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१