पोखरा । नेपालको राष्ट्रिय क्रिकेट टोलीले पाहुना टोली मलेसियासँगको मैत्रीपूर्र्ण एक दिवसीय क्रिकेटमा जित निकालेको छ ।
पोखरा रंगशालास्थित क्रिकेट मैदानमा सोमबार भएको खेलमा नेपालको भ्रमणमा रहेको टोलीलाई फराकिलो १ सय ३५ रनले हरायो । तीन खेलको श्रृंखलामा नेपालले १ को अग्रता बनाएको हो ।
नेपालले प्रस्तुत गरेको २ सय ७८ रनको लक्ष्य पछ्याएको मलेसिया ३७ दशमलव २ ओभरमा १ सय ४२ रनमा समेटिन पुग्यो । मलेसियाका लागि सेइद अजिज र एइनुल हाकिमले समान २८/२८ रन बनाए । भिरनदिप सिंहले २४ र महम्मद अफिफले १६ रनको योगदान दिए । पाहुना टोलीका अन्य ब्याटस्म्यानले गतिलो ब्याटिङ गर्नै सकेनन् ।
पाहुना टोलीलाई सामान्य स्कोरमा समेट्न करण केसी र कमलसिंह ऐरीले समान ३/३ विकेट लिए । कुसल मल्लले २ विकेट लिन सफल भए । अबिनाश बोहोरा र पारस खड्काको नाममा १/१ विकेट रह्यो । यसअघि, टस जितेर पहिले ब्याटिङ गरेको नेपालले ९ विकेट गुमाएर २ सय ७७ रनको उच्च योगफल तयार पारेको थियो ।
नेपालको जितमा आरिफ शेखले शतकीय १ सय १ रनको योगदान गरे । आरिफले १ सय ५ बलमा ७ चौका र ५ छक्का प्रहार गरे । सन्दीप जोराले ५८ र करण केसीले २५ रन जोडे । कप्तान ज्ञानेन्द्र मल्ल १९, पारस खड्का १५, कुशल मल्ल १४ र सुबास खकुरेल १२ रनमा पेभेलियन फर्किए । मलेसियाका महम्मद अफिफ र प्रभानदिप सिंहले समान ३/३ विकेट लिए । नाजरिल रहमानले २ विकेट लिए ।
मैत्रीपूर्ण दोस्रो खेल मंगलबार हुनेछ । पाहुना टोली सुनसरीको इनरुवामा सम्पन्न मनमोहन स्मृति कप क्रिकेट खेल्न नेपाल आएको थियो । नेपालको टोली भने माघको तेस्रो साता नेपालमै हुने अमेरिका र ओमानसँग आइसीसी विश्वकप लिग–२ को तयारी स्वरुप पोखराको बन्द प्रशिक्षणमा छ ।
Related News
सम्बन्धित समाचार
कसको हातमा पर्ला वर्ष खेलाडीको उपाधि ?
वर्ष खेलाडीको चर्चा
पराजुलीलाई उत्कृष्ट खेलकुद पत्रकारिता अवार्ड
महेन्द्रपुल युथ क्लब आयोजनामा बास्केटबल प्रतियोगिता हुने
को होला उत्कृष्ट प्रशिक्षक ?
hero news full width
मुख्य समाचार
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१