पोखरा, १६ भदौ । पोखरा एयरपोर्ट । सोमवार हरितालिका दिनको दिन । छपक्कै रातो साडीमा सजिएका महिलाहरु हातमा चुरापोेते र टीका लिएर ब्यानरसहित कसैको पर्खाइमा थिए । करिब ९ बजेतिर बुद्ध एयरको विमान ल्याण्ड भयो । यात्रुहरु ओर्लिन सुरु गरे ।
कालो टिसर्ट र जिन्स हाफ पेन्टमा सजिएकी एक विदेशी सबैको आँखामा परे । किनकि पहिलो विदेशी को ओर्लिन्छ भन्नेमा सबैको नजर सोझिएको थियो ।
सँगै रहेका पोखरा पर्यटन परिषद् अध्यक्ष चिरञ्जीवी पोखरेलले ती विदेशीलाई पर्खाइमा रहेका महिलाहरुको हुलतिर आउन अनुरोध गरे । कौतुहलपूर्वक नजिकिएकी उनलाई महिलाहरुले च्याप्पै समाएर हातमा चुरा लगाइदिए । घाँटीमा पोते र निधारमा रातो टीका पनि । र, बाँकी थियो रातो साडी । पर्यटन व्यवसायी मीना भट्टराईले रातो साडी फनफनी बेरिदिइन् । न्यूजिल्याण्डबाट नेपाल घुम्न आएको बताउने बुनेईको एकै छिनमा रुप बदलियो ।
हिन्दू नारीहरुको महान पर्व हरितालिका तीज अवसरमा पोखरामा पर्यटक आकर्षण गर्न यस्तो कार्यक्रम गरिएको जनाइयो । नेपाल पर्यटन बोर्डको प्रवद्र्धनमा सामुदायिक सेवा केन्द्र एवं सामुदायिक प्रहरी सेवा बैदामको आयोजनामा पोखरामै पहिलो पटक सो कार्यक्रम गरिएको हो । आयोजक सामुदायिक बैदाम अध्यक्ष मीना भट्टराईले सम्भवतः नेपालमै पहिलो पटक आफूहरुले तीजको अवसरमा पर्यटकलाई नयाँ ढंगले स्वागत गरिएको दाबी गरिन् । उनले भनिन्, नेपाली कला, संस्कृति र चाडपर्व संरक्षणसँगै पर्यटन प्रवद्र्धनमा सघाउ पु¥याउन कार्यक्रम गरिएको हो ।’ पोखरा घुम्न आउने पर्यटकलाई पनि तीजमा यहाँ यस्तो खालको कार्यक्रम गरिन्छ है भन्नेबारे जानकारी हुने बताइन् ।
पोखरा पर्यटन परिषद् अध्यक्ष चिरञ्जीवी पोखरेलले धार्मिक एवं सांस्कृतिक तीजलाई पर्यटनसँग जोड्नु राम्रो पक्ष भएको बताउँछन् । उनले पोखरा कुनै न कुनै रुपमा ह्याप्पेनिङ सिटी हो भन्नेबारे पर्यटकलाई हुने र बसाइँ अवधि बढाउन सहयोग पुग्ने बताए ।
कार्यक्रममा विदेशीसँगै अन्य आन्तरिक महिला पर्यटकलाई पनि चुरा, पोते र टीका लगाएर स्वागत गरिएको थियो । विदेशी पर्यटक बुनेईले आफूलाई अचम्म लागेको भन्दै स्वागतप्रति खुसी व्यक्त गरिन्् । अन्त्यमा सबैजनाले सामूहिक फोटो खिचेर तीजको शुभकामना साटासाट गरेका थिए । भ्रमण वर्षको सन्दर्भमा सो कार्यक्रमले पोखरामा आन्तरिक एवं बाह्य पर्यटक बढाउन केही सहयोग पुग्ने पर्यटन व्यवसायीको विश्वास छ ।
विजय नेपाल
Related News
सम्बन्धित समाचार
होमस्टे महासंघ गण्डकीको प्रशिक्षण
पर्यटनकर्मीलाई ‘पर्यटकमैत्री सेवा’ सम्बन्धी तालिम
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
पोखरा भिलेज अब चारतारे
ढोरपाटन सिकार आरक्ष आसपासमा तीस घरबास सञ्चालन गरिने
hero news full width
मुख्य समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१