नवलपरासी, १३ साउन । पूर्वी नवलपरासीको कावासोतीमा १०४ बर्षीय जेष्ठ नागरिकले सोमबार विहान घरको चारतला माथिबाट हाम फालेर आत्महत्या गरेका छन् ।

जिल्ला प्रहरी कार्यालय नवलपुरका अनुसार कावासोती ३ थकाली चोक निवासी १०४ बर्षीय बोधिलाल रेग्मीले छिमेकी गोविन्द क्षत्रीको घरको चारतलामाथिबाट हाम फालेर आत्महत्या गरेका जिल्ला प्रहरी कार्यालय नवलपुरले जनाएको छ ।

उनको घटना स्थलमै मृत्यु भएको प्रहरीले जनाएको छ । सोमबार विहान क्षत्रीको घरको छतमा रहेको मन्दिरको दर्शन गरी सोही छतबाट हामफालेर आत्महत्या गरेको प्रारम्भिक अनुसन्धानबाट खुल्न आएको प्रहरीले जनाएको छ ।