पोखरा, १ साउन । बैकल्पिक राजनीतिक शक्ति स्थापित गर्ने भन्दै समाजवादी पार्टी नेपाल प्रदेश नं. ४ गण्डकी प्रदेशका नेताको दुईदिने अन्तरक्रिया कार्यक्रम सम्पन्न भएको छ।
पार्टी समायोजन र भावी कार्ययोजना तयारीका बारेमा तनहुँको बन्दीपुरमा आयोजित भेलाका सहभागीले आउदो तीनवर्ष भित्रमा पार्टीलाई प्रदेश कै मुख्य पार्टी बनाउन जोड दिएका छन् । उक्त अवसरमा समाजवादी पार्टी नेपालका संघीय परिषद्का अध्यक्ष डा.बाबुराम भट्टराईले प्रदेश नं.४ मा तीन वर्षपछिको निर्वाचनमा ठूलो पार्टी हुने गरी अगाडी बढ्न नेता तथा कार्यकर्तालाई सुझाव दिए ।
दुईदिने भेलामा गण्डकी प्रदेशबाट प्रतिनिधित्व गर्ने केन्द्रीय सदस्यहरु र प्रादेशिक समितिका पदाधिकारीहरुको अन्तरक्रियात्मक भेलालाई सम्बोधन गर्दै डा. भट्टराईले भने—प्राविधिक कारणले हाल गण्डकी प्रदेश नामाकरण गरिएपनि यस प्रदेश तमुवान–मगराँत प्रदेश नै हो ।
प्रदेश नं ४ शासकीय भुमि, चेतनशील र आर्थिक हिसाबले पनि समृद्ध भएकाले समाजवादीको उर्बर भुमि हुने दावी उनको छ । माओवादी आन्दोलनको बिरासत, मधेश, जनजाति र थरुहट आन्दोलनसहितको बैकल्पिक शक्ति नै समाजवादी पार्टी भएको उनको जिकिर थियो ।
पार्टीका केन्द्रीय समितिका अध्यक्ष उपेन्द्र यादवले बैकल्पिक राजनीतिक शक्ति स्थापित अभियानमा जुटेको समाजवादी पार्टी छिट्टै नै ठूलो पार्टीको रुपमा विकास हुने दावी गरे । संघीय समाजवादी फोरम र नयाँ शक्ति पार्टीबीच एकीकरण भई गठित समाजवादी पार्टीको एकीकरण अभियान तल्लो तहसम्म तीव्र रुपमा लैजान निर्देशन समेत दिए ।
पार्टीलाई सशक्त र व्यवस्थित बनाउन महाधिवेशन अघि नै विधान अधिवेशन गरी नीति तथा विधानलाई व्यवस्थित तथा उत्कृष्ट बनाउने दावी गरे । यस अघि पार्टीका प्रदेश अध्यक्ष मोती रिजालले समायोजनसहित पार्टीका कार्ययोजना प्रस्तुत गरेका थिए । प्रदेश नं ४ का अध्यक्ष मोति रिजालको अध्यक्षतामा भएको दुई दिने अन्तरक्रियात्मक कार्यक्रममा केन्द्रीय सदस्य र प्रदेश पदाधिकारीहरुले पार्टी समायोजन र आगामी कार्ययोजनाका बारेमा विचारहरु प्रस्तुत गरेका थिए।
Related News
सम्बन्धित समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१