पोखरा । गण्डकी प्रदेशको राजनीतिको चाबी लिएर बसेको राप्रपा आन्दोलनमा छ । राप्रपाले यही २७ चैतमा काठमाडौंकेन्द्रित आन्दोलनको मिति घोषणा गरिसकेको छ । त्यसअघि सत्ता समीकरणमा कुनै चासो नहुने राप्रपाले सार्वजनिक धारणा दिइरहेको छ ।
सरकारको नेतृत्व कांग्रेस संसदीय दलका नेता सुरेन्द्रराज पाण्डेले गरिरहेका छन् । तर उनी गत २३ फागुनदेखि अल्पमतमा परेका छन् । केन्द्रमा सत्ता गठबन्धन फेरिँदा यहाँ सत्ता साझेदार दल माओवादीका २ मन्त्री बर्खास्त गरेर मुख्यमन्त्री एक्सनमा उत्रिएकोमा माओवादीले भोलिपल्टै समर्थन फिर्ता लियो । अब मुख्यमन्त्री पाण्डेले सत्ता टिकाइराख्न यही २२ चैतभित्र विश्वासको मत लिनैपर्छ । उनी विश्वासको मत लिने कि राजीनामा दिने भन्ने टुंगोमा पुगेका छैनन् । जेहोस् आफ्नो कार्यकाल लम्ब्याउन हरतरहले कसरत गरिरहेका छन् ।
राप्रपाले संविधानको धारा १६८ (२) अनुसारको सरकारलाई विश्वासको मत पनि नदिने र नयाँ सरकारलाई हस्ताक्षर पनि नदिने रणनीति बुनिरहेको छ । ‘सम्भवतः गण्डकीमा उपधारा (२) अनुसारको सरकार अब रहँदैन,’ एक नेताले भने, ‘आन्दोलन अघि कुनै निर्णयमा राप्रपा पुग्दैन । त्यसो हुँदा (३) वा (५) को सरकार बन्छ ।’
उपधारा २ अनुसार दुई वा सोभन्दा बढी दलहरु मिलेर सरकार चलाउने हो । उक्त सरकारले विश्वास नपाए उपधारा ३ अनुसार सबैभन्दा ठूलो दलको सरकार बन्छ । गण्डकीमा २७ सिटसहित कांग्रेस सबैभन्दा ठूलो दल हो । सरकारलाई बहुमत पुग्न ३१ सिट चाहिन्छ । उक्त सिट संख्या नयाँ गठबन्धनको समीकरणसँग छैन । एमालेको २२ र माओवादीको ८ (सभामुखसहित) मात्र ३० सिट रहेको गठबन्धनले उतिबेला एकीकृत समाजवादीमा रहेका राजीव गुरुङले पार्टी छोडेर पाण्डे सरकारमा भौतिक पूर्वाधार विकास मन्त्री बनेका छन् ।
सरकारसँग अहिले २८ सिट छ । राप्रपालाई फकाउन मुख्यमन्त्री पाण्डे तोडबल गरिरहेका छन् । राप्रपाले समर्थन गरे ३० सिट उनले पु¥याउँछन् । माओवादीको चुनाव चिन्हबाट निर्वाचन जितेका नेपाल समाजवादी पार्टीका नेता फडिन्द्र देवकोटाले आफू अलग हुन पाउनुपर्ने माग राखिरहेका छन् । स्रोतका अनुसार राप्रपाले पनि पाण्डेलाई साथ दिए बहुमत पु¥याउन फडिन्द्रले ‘फ्लोर क्रस’ गर्ने सम्भावना छ । तर उनलाई माओवादीको ह्वीप लाग्ने भएकोले ‘रिस्क’ लिने सम्भावना नरहेको अर्काथरिको तर्क छ ।
देवकोटा भने केन्द्रबाट हुने निर्णय स्वीकार्ने बताउँछन् । केन्द्रमा नेसपा टुक्रिएको छ । देवकोटा भने डा. बाबुराम भट्टराईको पक्षमा खुलेका छन् । पाण्डेले संविधानले दिएको निर्धारित म्यादअघि नै विश्वासको मत लिने वा राजीनामा दिने सम्भावना ज्यादा छ । उनी सकेसम्म आफ्नै नेतृत्वमा उपधार २ को सरकारलाई निरन्तरता दिने र नभए उपधारा ३ मा जाने सोच बनाइरहेका छन् । एमाले–माओावादी गठबन्धन चाहिँ पाण्डे सरकार गिर्नेबित्तिकै आफूहरुले बहुमत पु¥याउने दाबी गर्छ ।
एमाले प्रमुख सचेतक गोविन्दबहादुर नेपाली राप्रपा नयाँ गबठन्धनमा सकारात्मक भएकोले यो सरकारले निरन्तरता नपाउने बताउँछन् । ‘राप्रपाले हामीलाई साथ दिन्छ । गण्डकीमा एमालेको नेतृत्वमा सरकार बन्छ,’ उनले भने । नयाँ गठबन्धनमा मुख्यमन्त्री कसले पाउने भन्ने रस्साकस्सी सकिएको छैन । केही दिनअघि गण्डकीको नेतृत्व एमालेले पाउने सहमति भएको समाचार आएको थियो । तर प्रधानमन्त्री पुष्पकमल दाहाल प्रचण्डले कुनै सहमति नभएको बताएका छन् ।
राप्रपा संसदीय दलका नेता पञ्चराम गुरुङले २७ गतेसम्म आफ्नो पार्टीले कसैलाई समर्थन नगर्ने बताए । ‘२७ गतेको आन्दोलन पूर्व निर्धारित कार्यक्रम हो । त्यसअघि कुनै पनि कुरामा हामीले सोचेको छैनौं,’ उनले भने, ‘यतिबेला जनसंघर्ष प्रमुख प्राथमिकता हो । सरकारसँग बुझाएका ४० बुँदे माग छन् । हामी सहकार्य र सहमतिबाट निकास निकालेरै जाने पक्षमा छौं । तर हाम्रा मागका बारेमा हामीसँग मत माग्नेले सहमति जनाउनुपर्छ ।’
४० बुँदे मागबारे चासो नदिएसम्म कसैलाई समर्थन नगर्ने उनको भनाइ छ । ‘जबसम्म हामीले राखेको कुरामा दलहरुले चासो दिँदैन, तबसम्म हामी कतै लाग्दैनौं । जसले सहकार्यको रुपमा लिन्छ अनि निर्णय लिन्छौं,’ उनले अघि थपे, ‘संसद् बिघटनमा गयो भने त्यसको दायित्व ठूला दलले लिनुपर्छ । जनताको म्याण्डेट सबै मिलेर शासन गर्नु भन्ने छ । ठूला दलले यसलाई बुझे भने हामी सहकार्य गर्न तयार छौं ।’ गुरुङले सरकार बनाउने र भत्काउने कुरामा कुनै चासो नभए पनि टुंगोमा पुग्नुपर्ने अवस्था रहेको बताए ।
‘सरकार अल्पमतमा छ भन्ने थाहा छ । सरकार बनाउनु र भत्काउनुमा चासो छैन । तर पनि टुंगोमा पु¥याउन त आवश्यक भैहाल्यो । हामीले चाहेर हुन्छ भने प्रणाली नै परिवर्तन गर्ने हो । नभए हाम्रा मागबारे दललाई सहमत गराउने हो,’ उनले भने । राप्रपाले गण्डकीको परिस्थितिबारे प्रतिवेदन केही दिनमा केन्द्रमा पठाउने उनले बताए ।
Related News
सम्बन्धित समाचार
पौडी खेल्दा डुबेर पोखरामा २ बालकको मृत्यु
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
hero news full width
मुख्य समाचार
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१