पोखरा । पोखरा नगर, उपमहानगर हुँदै महानगर भएको आइतबार ७ वर्ष पूरा भएको छ । २०७३ साल फागुन २७ गते ३३ वटा वडामा विभाजित भएर पोखरा महानगर स्थापना गरिएको थियो । २०१६ सालमा १३ वडासहित गठित पोखरा नगरपालिका, पोखरा नगर पञ्चायत २०५२ मा विस्तारित भई १८ वडाको उप–महानगरपालिका बन्यो । गणतन्त्र स्थापनापश्चात् २०७१ मंसिर १६ गते पोखरा उपमहानगरपालिका आसपासका तत्कालीन गाउँ विकास समितिहरू मिलाएर २९ वटा वडा पुर्याएर पोखरा उपमहानगरपालिकामा रूपान्तरित भयो ।
२०७२ सालमा नेपालको संविधान जारी भएपछि राज्य पुनः संरचना हुँदा साबिकको पोखरा उप–महानगरपालिका, लेखनाथ नगरपालिका र आसपासका गाविसहरू मिलाएर २०७३ फागुन २७ गते पोखरा लेखनाथ महानगरपालिका गठन भयो । पोखरा महानगरपालिका नगर सभाको सिफारिसबमोजिम नेपाल सरकार (मन्त्रिपरिषद्) को २०७५ साउन २३ गतेको निर्णयअनुसार पोखरा लेखनाथबाट लेखनाथ हटाएर पोखरा महानगरपालिका कायम भयो ।
तत्कालीन पोखरा महानगर लेखनाथ महानगरपालिका बनेको मितिलाई आधार मानेर पोखरा महानगरले आफ्नो वार्षिकोत्सव मनाइरहेको छ । हरेक वर्ष सभागृह हलमा औपचारिक कार्यक्रम मात्र गरेर जन्मोत्सव मनाउँदै आएको पोखराले यो वर्ष पृथक रुपमा वार्षिकोत्सव मनाएको छ । यो वर्ष शिलान्यास गरी पोखराले जन्मोत्सव मनाएको हो । यद्यपि पोखरा सभागृहमा पनि जन्मोत्सव समारोह आयोजना गरिएको थियो ।
यही क्रममा आइतबार पोखराका मेयर धनराज आचार्यले पोखरा घरको शिलान्यास गरेका छन् । आर्ट ग्यालरी, पुस्तकालय र पर्यटकीय सूचना केन्द्रसहितका पूर्वाधारयुक्त बन्ने पोखरा घरको मेयर आचार्यले शिलान्यास गरेका हुन् ।
पोखरा पृथ्वीचोकमा बन्न लागेको भवन १८ महिनाभित्र सक्ने गरी शिलान्यस गरिएको हो । अण्डर ग्राउण्डसहित ५ तलाको बन्ने उक्त भवनको माथिल्लो भागमा घन्टाघर बनाइने महानगरले जनाएको छ । अन्डर ग्राउन्डमा ४० वटा मोटरसाइकल पार्किङ गर्न मिल्ने ठाउँ रहनेछ । पहिलो तलामा कोसेली घर र सूचना केन्द्र रहनेछ । दोस्रो तलामा पुस्तकालय र मिटिङ हल, ३३४.८९ स्क्वायर मिटर क्षेत्रफल रहने तेस्रो तलामा आर्ट ग्यालरी र मिटिङ हल बन्नेछ ।
पोखरा घर निर्माणका लागि निर्माण कम्पनीसँग भ्याटबाहेक ५ करोड १ लाख ४६ हजार ५ सय ५१ रुपैयाँ ३९ पैसामा निर्माण गर्ने सम्झौता भएको छ । महानगरका पूर्वाधार विकास महाशाखाका प्रमुख सुरेन्द्र पाण्डेका अनुसार ६ करोड, ९३ लाख ४७ हजार २ सय ७० रुपैयाँ ७८ पैसा लागत अनुमान गरिएकोमा निर्माण कम्पनीले सो रकममा निर्माण गर्ने सम्झौता गरेको हो । निर्माण कम्पनीले यस अगाडि पोखरा ७ को कार्यालय भवन निर्धारित समयभन्दा धेरै नै अगाडि सम्पन्न गरेकाले समयमै सक्ने अपेक्षा राखिएको उनले बताए ।
भवनको शिलान्यासपछि मेयर आचार्यले पोखरा घरले समग्र पोखराको बिस्तृत जानकारी दिने बताए । पोखरा घर परम्परागत वास्तुकला र पछिल्लो प्रविधिको प्रयोग गरिकन काठको बार्दलीसमेत रहेको बन्ने उनले सुनाए ।
प्रमुख आचार्यले पोखरा घर पोखरा घुम्नेहरूका लागि एउटा महŒवपूर्ण स्थल बन्ने र विस्तृत जानकारी दिने स्थल बन्ने बताए । पोखराका कला क्षेत्रका बादशाह दुर्गा बराल र प्राध्यापक विश्व श्रेष्ठलाई साक्षी राखेर पोखरा घरलाई पोखराकै लागि उपयोग हुने र बन्ने महŒवपूर्ण संरचनाको शिलान्यास गरिएको उनको भनाइ छ । पोखरा घरमा रहने घन्टा घरले आफूहरूलाई हरेक समयको महŒव बुझेर काम गर्न प्रेरित गर्ने उनको भनाइ थियो ।
पोखरा घर सञ्चालनका लागि विगतमा महेन्द्रपुलमा भत्काइएको जीर्ण भवनमा रहेका संस्थाहरूसँग नै सहकार्य गर्ने उनले प्रष्ट पारे । जीर्ण भवन कसैको नभएर पोखरा महानगरकै रहेको र पोखरा घर पनि महानगरकै बन्ने कुरा नबिर्सन उनले सुझाए । ‘महेन्द्रपुलको जीर्ण भवन भत्काउँदा आफ्नै घर भत्काएजस्तो गरियो । त्यो महानगरको थियो र सबै हिसाबले अध्ययन गरेरै योजनासहित भत्काइएको थियो,’ उनले भने, ‘कसैका निजी घर भत्काइएको जस्तो गरियो । त्यसो नगरियोस् । महेन्द्रपुलमा रहेका संस्थाहरूकै सहकार्य यहाँ पनि हुनेछ । तर यो भवन महानगरकै भवन हो भन्ने नबिर्सनुहोला ।’
महानगरका प्रमुख प्रशासकीय अधिकृत श्यामकृष्ण थापाले भवन निर्माणका लागि स्रोतको कमी नहुने बताए । महानगरका प्रमुख आचार्यको नेतृत्वमा पोखरामा उल्लेख्य विकास निर्माणका काम भइरहेको र त्यसको रिजल्ट क्रमश देख्न पाइने उनले बताए ।
पूर्वाधार महाशाखा प्रमुख सुरेन्द्र पाण्डेले पोखरा घर कस्तो र कति लगतमा बन्ने भन्ने जानकारी दिए । निर्माण कम्पनी कोजु इन्जिनियरिङ÷आरुसी÷एबिसी जेभीका सञ्चालक होमनाथ ढकालले निर्धारित समयभन्दा ५ महिना अगाडि नै भवन निर्माण गरेर सक्ने दृढता प्रकट गरे ।
पोखरा ९ का वडाध्यक्ष दीपेन्द्र मर्सानीले लामो समयको प्रतीक्षापछि पोखरा घरको शिलान्यास गरिएको बताए । पोखरा महानगरका प्रमुख आचार्यको सोचअनुरूप विकास निर्माणको काम अगाडि बढेको उनले धारणा राखे ।
महानगरले आइतबार नै खुइते खोला (घट्टे खोला) पुलको शिलान्यास गरेको थियो । पोखरा महानगरपालिका वडा नं.१९ को लामाचौर माछापुच्छ«े सडक खण्डमा पर्ने खुइते खोला (घट्टे खोला) मोटरेबल पुलको नगर प्रमुख धनराज आचार्यले शिलान्यास गरेका हुन् ।
२ करोड ८२ लाख ९७ हजार १ सय ३१ को लागतमा निर्माण सम्पन्न हुने पुल ८ दशमलव ४ मिटर चौडा र १६ मिटर लम्बाइको हुनेछ । पुलको दुवैतर्फ १.२ मिटरको फुटट्रयाक पनि हुनेछ । सिंगल स्पानको डबल लेन पुल निर्माणको काम २०८१ को कात्तिकभित्र सम्पन्न गर्नुपर्ने सम्झौतामा उल्लेख छ । पुलको उचाइ जमिनबाट ११ मिटर अग्लो हुनेछ ।
खुइतेखोलामा निर्माण हुने पुलले पोखरा महानगरपालिकाको माथिल्लो क्षेत्र र माछापुच्छ«े गाउँपालिकालाई दीर्घकालीनमा रूपमा जोड्ने विश्वास गरिएको छ । त्यस क्षेत्रको कृषि उपजहरूको बजारीकरण र पर्यटन प्रवद्र्धनात्मक गतिविधिहरूमा यसको यसको योगदान उल्लेखनीय हुनेछ ।
महानगरले आइतबार बिहानै रक्तदान कार्यक्रम पनि आयोजना गरेको थियो । उक्त रक्तदान कार्यक्रममा ५७ युनिट रगत संकलन भएको छ । पोखरा महानगरपालिका स्वास्थ्य महाशाखाको संयोजनमा सम्पन्न कार्यक्रममा ५७ जनाले रक्तदान गरेका कार्यक्रमका संयोजक एवं जनस्वास्थ्य निरीक्षक दीपेन्द्र सुनारले जानकारी दिए ।
दिवसको समारोह भने पोखरा सभागृहमा भएको थियो । सभालाई पोखरा महानगरपालिकाका प्रमुख धनराज आचार्य, उपप्रमुख मन्जुदेवी गुरुङ, प्रमुख प्रशासकीय अधिकृत श्यामकृष्ण थापा, महानगर सल्लाहकार परिषद्का संयोजक आनन्दराज मुल्मी, दलका नेताहरू दिवसमान प्रधानांग र राधिकाकुमारी शाही योगी, महानगरका प्रवक्ता मोतीराज तिम्सिना, कर्मचारी संगठनका प्रतिनिधिहरू लगायतले शुभकामना दिए ।
आगामी वर्षदेखि महानगरपालिकाले नगरपालिका घोषणा भएको दिनलाई स्थापना दिवसका रूपमा पुस २ गतेलाई मनाउने बताएको छ ।
दिवसका अवसरमा महानगरपालिकामा सञ्चालित विद्यालयका उत्कृष्ट शिक्षक, विद्यार्थी र विद्यालय, हरूलाई सम्मान र लामो समय शिक्षण गरेका शिक्षकहरूलाई दीर्घ सेवा सम्मान प्रदान गरेको थियो ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
सिद्ध र कालिका क्रिकेटको फाइनलमा
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१