पोखरा । राष्ट्रिय स्वतन्त्र पार्टी पोखरा महानगरपालिकाका मेयर धनराज आचार्यलाई ध्यानाकर्षण पत्र बुझाएको छ । रास्वपाको केन्द्रीय सार्वजनिक मामिला विभागले सोमबार आचार्यलाई ४ बुँदे ध्यानाकर्षण पत्र बुझाएको हो ।
सार्वजनिक सम्पत्तिको खोजी गरी महानगरको स्वामित्वमा ल्याएर संरक्षण गर्नुपर्ने, पोखरालाई ‘ग्रिन सिटी’ का रुपमा विकास रुख रोप्नुपर्ने, सार्वजनिक शौचालय निर्माण गर्नुपर्ने र पर्यटकीय सहर घोषणा गर्न व्यावहारिक कार्यान्वयनको आवश्यकता रहेको उनीहरूको ध्यानाकर्षण पत्रमा उल्लेख छ ।
नागरिकका समस्या समाधानमा महानगरपालिकाको पहल र समन्वय प्रभावकारी नरहेको रास्वपाको आरोप छ । ‘नीति, योजना र कार्यक्रम तथा गरिएका कतिपय निर्णय दूरगामी महŒवका भन्दा तत्कालीन परिस्थिति केन्द्रित मात्रै छन् । नागरिकलाई दिनुपर्ने सेवासुविधाको चुस्तदुरुस्त व्यवस्थापन, सेवाग्राहीको सहज पहुँच तथा मानवीय र पूर्वाधार विकासका क्षेत्रमा नगरबासीको अपेक्षा पूरा गर्न महानगरले आफूलाई अझै परिस्कृत गर्नुपर्ने छ । फोहोरको वैज्ञानिक विसर्जन, खानेपानीको सहजरसुलभ पहुँच, पार्किङ फुटपाथको प्रभावकारी व्यवस्थापन, सार्वजनिक यातायातको जनमैत्री सुधार, प्राकृतिक स्रोतको समुचित संरक्षण, पर्यटकमैत्री सेवा प्रवाहको सहजीकरण जस्ता क्षेत्रमा महानगरले अल्पकालीन, मध्यकालीन र दीर्घकालीन योजना बनाएर काम गर्नुपर्ने देखिन्छ,’ ध्यानाकर्षण पत्रमा उल्लेख गरिएको छ ।
सार्वजनिक सम्पत्तिको खोजी गरी महानगरको स्वामित्वमा ल्याएर संरक्षण गर्ने तथा अवैध अतिक्रमण र भोगचलन गरिएको भए हटाएर ती ठाउँमा सार्वजनिक पहुँच विस्तार र व्यावसायिक प्रयोजनमा लगाउँदा प्रतिस्पर्धाका आधारमा कर तथा भाडाको दायरामा ल्याउनुपर्ने उनीहरूको माग छ ।
पोखरालाई ‘ग्रिन सिटी’ का रुपमा विकास गर्न कृत्रिम हरियो रंगले पर्यटकीय नगर पोखराको पहिचान स्थापित हुन र टिक्न सक्दैन । हरियाली संरक्षण र वृक्षरोपण अभियान गर्नुपर्ने साथै चैतबाट रास्वपाले सुरु गर्ने हरेक महिना ५ वटा रुख रोप्ने अभियानमा सहयोग गर्न उनीहरूले माग राखेका छन् ।
पोखराका मुख्य मुख्य चोकमा सार्वजनिक शौचालय निर्माण गर्न, भत्किएका मुख्य, सहायक र भित्री सडक, दुर्घटनाको कारण बन्दै आएका खाल्डाखुल्डी समयमै टिकाउ हुने काम गर्न, चैत ३ गते पोखरालाई पर्यटकीय सहर घोषणा गरेर मात्र नहुने पर्यटकीय सहरको आधारभूत चरित्र र दिनुपर्ने, व्यावहारिक कार्यान्वयनका लागि निजी क्षेत्रसँगको सहकार्यमा आवश्यक र व्यावहारिक नीति, योजना र कार्यक्रम तय गर्नुपर्ने माग गरिएको छ ।
Related News
सम्बन्धित समाचार
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जग्गाधनीले रोके रुपाताल परियोजनाको काम
सफलको चिनीरहित दही बजारमा
फेवाबाट जलकुम्भी हटाउन अभियान सुरु
पोखरा जेसीजको ७ दिनमा, ७ कार्यक्रम
hero news full width
मुख्य समाचार
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
जेठ २, २०८१व्यास नगरपालिकामा मेयर चुनावको पुन मतगणना गर्न आदेश
जेठ २, २०८१पोखरामा बुद्ध जयन्तीको सप्ताहव्यापी कार्यक्रम
जेठ २, २०८१जिबी राईको राहदानी रद्द भएन
जेठ १, २०८१पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१