पोखरा ।  पोखरामा पर्यटकलाई सास्ती दिने ९ जनालाई कास्की प्रहरीले पक्राउ गरेको छ । मंगलबार पोखरा पृृथ्वीचोक, मुस्ताङचोक क्षेत्रबाट उनीहरुलाई पक्राउ गरेको प्रहरीले जानकारी दिएको छ ।

पर्यटक बाटो छेक्ने, झोला तान्ने, होटल मिलाइदिन्छौं भनेर पैसाको बार्गेनिङ गर्नेलाई पक्राउ गरेको जिल्ला प्रहरी कार्यालय कास्कीका निमिक्त सूचना अधिकारी प्रहरी निरिक्षक सूर्यबहादुर रानाले बताए ।

पक्राउ पर्नेमा पोखरा ९ का वर्षिय रुपेन्द्र श्रेष्ठ, मोहन आचार्य, नारायण अधिकारी, श्यामप्रसाद शर्मा, विकास कुँवर, बिमल ठकुरी विकास श्रेष्ठ, पोखरा १३ का रन्जन खड्का र पोखरा १७ का सविन नेपाली रहेका छन् ।

पक्राउ परेका विरुद्ध सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसूर अन्तर्गत अभद्र गर्न नहुने मुद्वामा ५ दिनको म्याद थपेर अनुसन्धान प्रक्रिया अगाडि बढाइएको छ ।