पोखरा । पोखरा १२ स्थित शीतलादेवी सामुदायिक माध्यमिक विद्यालय गण्डकी प्रदेशकै उत्कृष्ट विद्यालय भएको औंल्याइएको छ । विद्यालयको ५९ औं वार्षिकोत्सव, अभिभावक दिवस एवं पुरस्कार वितरण समारोहका वक्ताले सो कुरा औंल्याएका हुन् ।
कार्यक्रम उद्घाटन गर्दै शिक्षा विकास निर्देशनालय गण्डकी प्रदेशका निमित्त महानिर्देशक अम्बिकाप्रसाद आचार्यले समग्र गण्डकी प्रदेशकै गर्व लायक विद्यालयमा शीलतादेवी पर्ने उल्लेख गर्दै अरु विद्यालयले शीतलादेवीका गतिविधिको अनुसरण गर्नुपर्ने औँल्याए । उनले माटेपानी प्राविको विकसित रुप हालको शीलतादेवी भएको स्मरण गर्दै विद्यालयले शैक्षिक जगतमा अनुकरणीय फड्को मारेको स्पष्ट पारे ।
राजनीतिक गतिविधि कम हुँदा विद्यालयले फड्को मार्ने जनाउँदै निमित्त महानिर्देशक आचार्यले संस्कारयुक्त शिक्षामा जोड दिए । बालबालिकाको प्रतिभा चिन्न अभिभावकलाई तथा बालसुलभ ढंगले पठनपाठन गराउन शिक्षकलाई उनले आग्रह गरे । राष्ट्रमा जस्तै अन्तर्राष्ट्रिय क्षेत्रमा पनि छवि निर्माणमा ध्यान दिन विद्यालयलाई उनले सुझाव दिए ।
शिक्षा विकास तथा समन्वय इकाइ कास्की प्रमुख लोकनाथ आचार्यले शीतलादेवी राष्ट्र तथा समग्र गण्डकी प्रदेशकै उत्कृष्ट विद्यालय रहेको दाबी गर्दै हालसम्म स्थापित गरिमा र प्रतिष्ठालाई जोगाइराख्नु चुनौतीपूर्ण रहेको औंल्याए । बच्चालाई अभावमा पनि जिउन सिकाउनुपर्ने भन्दै प्रमुख आचार्यले अबको शिक्षक प्रविधिमैत्री हुनुपर्ने स्पष्ट पारे ।
वडाध्यक्ष सन्तोष बास्तोलाले विगतको तुलनामा विद्यालयको अवस्था तीव्र गतिमा सुधार हुँदै गइरहेको धारणा राख्दै शिक्षामा राजनीति हुनुहुँदैन भन्ने मान्यताअनुसार आफूले कार्य गर्दै आइरहेको जनाए । व्यावहारिक भन्दा घोकन्ते शिक्षाकै कारण देश पछाडि परेको उनको ठहर छ ।
कार्यक्रममा विद्यालय सदस्य किरण केसी, शिक्षक अभिभावक संघका अध्यक्ष नरेन्द्रप्रसाद आचार्य, विद्यार्थी कृतिका नागिला लगायतले पनि धारणा राखेका थिए ।
कार्यक्रमबीच प्रधानाध्यापक बाबुराम अधिकारी, अक्षयकोषदाता भद्रकुमारी बस्याल, शिक्षकहरू निरा थापा, आशीष थापा क्षत्री, उपेन्द्रराज पोखरेल, रामचन्द्र पहारी र कर्ना गुरुङ सम्मानित भए ।
विद्यालय प्रतिवेदन प्रस्तुत गर्दै प्रधानाध्यापक अधिकारीले विज्ञान तथा सामाजिक प्रयोगशालालाई थप व्यवस्थित गर्ने लक्ष्य रहेको सुनाए । उनले यसै वर्षभित्र विद्यालयमा स्वास्थ्य इकाइ, चमेना गृह, हल तथा मन्टेसरी कक्षा व्यवस्थापन गरिने स्पष्ट पारे ।
समारोहमा शैक्षिक एवं अतिरिक्त क्रियाकलापतर्फका पुरस्कार साथै विभिन्न छात्रवृत्ति वितरण गरियो । त्यस्तै विद्यार्थी एवं शिक्षकहरूले विभिन्न प्रस्तुति राखे ।
विद्यालयका अध्यक्ष टीकाबहादुर कार्कीको अध्यक्षतामा भएको कार्यक्रममा प्रअ अधिकारीले स्वागत तथा शिक्षक बोधराज गौतमले संञलन गरे ।
नर्सरीदेखि कक्षा १२ सम्म पठनपाठन हुने विद्यालयमा हाल कुल १ हजार २ सय २३ विद्यार्थी छन् । विद्यालयमा १० जोड २ तर्फ विज्ञान र व्यवस्थापन विषयको पठनपाठन हुने गर्दछ ।
Related News
सम्बन्धित समाचार
माछापुच्छ्रे मावि व्यवस्थापनमा बमबहादुर
मनिपालमा अत्याधुनिक एमआरआई मेसिन
कास्कीमा एसइई उत्तरपुस्तिका परीक्षण रोकियो
स्याङ्जा जिल्लाकै पहिलो विद्यालयको ७१ औं वार्षिकोत्सव
माछापुच्छ्रे माविलाई बस सहयोग
hero news full width
मुख्य समाचार
क्षत्री समाज नेपालमा पोखराका रिव, महासचिवमा कृष्ण
यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१जलवायु परिवर्तन असर : मुस्ताङको स्याउ उकालो चढ्दै
वैशाख १५, २०८१