पोखरा । पोखरा र चित्रकलासँगै जोडिने नाम हो दुर्गा बराल वास्त्यायन । उनले नै सुरुमा पोखरालाई पानी रङको पाठशालाका रुपमा चिनाए । वास्त्यायनलाई पछ्याउँदै बुद्धि गुरुङले कुची समाए । सुरुआती अवस्थामा वास्त्यायनकै शैलीमा चित्र कोर्ने उनको कुची खारिँदै गयो । रङसँग रमाउन सिके उनी । अनि आफ्नै शैली स्थापित गरे । अर्का कलाकार यादवचन्द्र भुर्तेल पनि पानी रङमै आफ्नो कला पस्कन माहिर । यी ३ कलाकारका चित्रले सन् १९९० को दसकमा पोखरा मात्र होइन देश विदेशमा तहल्का नै पिट्यो । पानी रङका चित्रको बिक्री पनि उसैगरी बढ्यो ।
सन् १९९४ मा ‘द न्यु आर्ट सर्कल’ ले काठमाडौंमा पानी रङका चित्र प्रदर्शनी गर्यो । त्यति नै बेला अग्रज कलाकार लैनसिंह वाङदेलले पोखरालाई पानी रङको पाठशाला भनेर नामकरण गरिदिएका थिए । रङसँग गहिरोसँग खेल्न सकिने, लामो समयसम्म पनि नबिग्रिने यस्ता चित्रप्रति नयाँ पुस्ताको आकर्षण समेत बढ्दै गयो । नयाँ पुस्ताका पोखरेली कलाकारहरुले पानी रङमा बेजोड कला प्रस्तुत गर्दै आएका छन् ।
आइडब्लुएस ग्लोबल नेटवर्कको १२ औं वार्षिकोत्सव तथा विश्व पानी रङ दिवसको अवसर पारेर प्रदर्शनी गरिएको
पोखरालाई पानी रङको पाठशालाका स्थापित गराउने ३ अग्रज कलाकार, दुर्गा बराल, बुद्धि गुरुङ र यादवचन्द्र भुर्तेलका पुराना चित्र पोखरा आर्ट ग्यालरीमा प्रदर्शन गरिएको छ । आइडडब्लु एस हेमकान्ती आर्ट ग्यालरीको आयोजनामा मंगलबार सुरु भएको प्रदर्शनी बिहीबारसम्म चल्ने छ । आइडब्लुएस ग्लोबल नेटवर्कको १२ औं वार्षिकोत्सव तथा विश्व पानी रङ दिवसका अवसर पारेर प्रदर्शनी गरिएको आयोजक संस्थाकी अध्यक्ष हेमकान्तीले बताइन् ।
प्रदर्शनी उद्घाटन गर्दै अग्रज साहित्यकार सरुभक्तले ‘मास्टर अफ मोमेन्ट’ शीर्षकमा सुरु भएको प्रदर्शनीले पोखराको कलाकारिताको इतिहास झल्काएको बताए । पोखराले पानी रङको चित्रकारितामा प्रशिद्धि पाउनुमा यी ३ कलाकारको ठूलो योगदान रहेको बताए । उनले भने, ‘यस महत्वपूर्ण प्रदर्शनीमा सोनामधन्य चित्रकारहरुको कलाशिल्पका पुराना आयाम देख्न पाइने र समकालीन युवा चित्रकारका लागि प्रेरणाको बिम्ब हुने विश्वास गरेको छु ।’ पोखराबाट उठेका यी त्रिमुर्ति कलाकारले राष्ट्रिय अन्तर्राष्ट्रिय कलाजगतमा राम्रैसँग धक्का दिएको पनि उनी बताए । प्रदर्शनीमा राखिएका चित्रहरु अवलोकन गर्दा कलाबाट इतिहासको जानकारी पाइने अनुभूति आफूलाई भएको सरुभक्तको भनाइ थियो ।
कार्यक्रममा अग्रज कलाकारहरु वात्स्यायन, बुद्धि गुरुङ, यादवचन्द्र भुर्तेलले कलाकारिताका क्रममा आफूले भोगेका अनुभूति व्यक्त गरे । ज्योति गुरुङको अध्यक्षतामा भएको कार्यक्रम सञ्चालन हेमकान्ती गुरुङले गरेकी थिइन् ।
प्रदर्शनीमा पुरानो पोखरा, वरपरका गाउँ घान्दु्रक, घाचोकका तत्स्थानीयदेखि जीवनशैलीसँग जोडिएका अर्धअर्मुत खालका चित्रसम्म राखिएको छ । सन् १९९९ मा काडमाठौंबाट अपहरण गरेर कान्दाहार पुर्याएको जहाजको घटना प्रतिबिम्बित गर्न र प्रोट्रेट चित्रसमेत प्रदर्शनीमा राखिएको छ ।
Related News
सम्बन्धित समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
hero news full width
मुख्य समाचार
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१