पोखरा । नेपाल कुष्ठरोग निवारण संघ, पोखरा शाखाको ४२ औ वार्षिक शाखा सभा भएको छ । कार्यक्रममा पोखरा १५ का वडाध्यक्ष तोरण बानियाले कुष्ठरोग नेपालबाट उन्मुलन भएको घोषणा गरेपनि बर्सेनि बढ्दो तथ्यांकले चिन्तित बनाएको बताए । ‘निवारण भैसकेको भन्छन् तर फिल्डमा त्यस्तो छैन,’ उनले भने, ‘तीनै तहका सरकार मिलेर यसको उन्मुलन तर्फ लाग्नुपर्छ ।’ वडाको तर्फबाट आफूहरुले सक्दो पहल गर्ने प्रतिबद्धता उनको छ । यसको नियन्त्रण र निर्मूल बनाउन सचेतना आवश्यक रहेको उनको भनाइ छ ।
संस्थाका केन्द्रीय उपाध्यक्ष नारायण शर्माले कुष्ठरोग निवारणका लागि कुष्ठरोग निवारण संस्थाको योगदान असामान्य रहेको बताए । ‘हामी सरकारभन्दा पहिला समाजमा पुगेर बिरामी खोज्छौं । बिरामीको उपचारका लागि व्यवस्था मिलाउँछौं,’ उनले भने, ‘वास्तवमै यो संस्थाको काम अतुलनीय छ । कुष्ठरोगको हिजोको जर्जर अवस्थामा संस्थाले गरेको काम प्रशंसनीय छ ।’ छिटपुट बाँकी बिरामीहरुलाई पनि खोजेर उपचारको दायरामा ल्याउन सक्दो पहल गर्ने उनले बताए । कुष्ठरोग कुनै पनि ब्यक्तिलाई लाग्न सक्ने र पहिचान हुनेबित्तिकै उपचार गराउन सके जटिल अवस्थाबाट जोगिने शर्माले सुनाए ।
कार्यक्रममा संस्थाका आजीवन सदस्य प्रकाशमान गुभाजु, गणेश गिरी लगायतले निजी स्वार्थभन्दा माथि उठेर सामाजिक सेवामा समर्पित गरेको भन्दै संस्थाको प्रशंसा गरे । सधारण सभामा शाखाका सचिव शान्ति सिग्देलले वार्षिक प्रतिवेदन र कोषाध्यष कल्पना राणाले आर्थिक प्रतिवेदन पेस गरेका थिए ।
सभापति सुभाष तझ्याको अध्यक्षतामा भएको कार्यक्रमको सञ्चालन आजीवन सदस्य महेन्द्र सापकोटाले गरे भने उपसभापति भोजराज पौडेलले स्वागत गरेका थिए । कार्यक्रममा बौद्ध धर्म उपासिका संघलाई कदरपत्र प्रदान गरिएको थियो भने केन्द्रीय उपसभापति नारायण शर्मालाई सम्मान गरिएको संस्थाले जनाएको छ । यस्तै, आजीवन सदस्यको प्रमाणपत्र हस्तान्तरण समेत भएको थियो ।
नेपालमा कुष्ठरोग प्रभावितको संख्या बर्सेनि बढेको छ । आर्थिक वर्ष २०७८/०७९ मा १ हजार ८ सय ५५ जना कुष्ठरोग पीडित रहेकोमा गत वर्ष २०७९/०८० मा त्यो बढेर २ हजार ८६ पुग्यो । ‘कुष्ठरोग अन्त्य भएको घोषणा गरे पनि बर्सेनि बढेको तथ्यांक सुनाउनु पर्दा असहज भएको छ,’ सभापति तझ्याले भने, ‘बर्सेनि बढेकोबढ्यै छन् । तैपनि निवारणका लागि हामीले सक्दो प्रयास गरेका छौं ।’ उनका अनुसार अहिले कुष्ठरोगको उपचार पहिलेजस्तो गाह्रो छैन । ‘हिजोका दिनहरुमा पत्ता लागे पनि उपचार र नियन्त्रण गर्न कम्तीमा ६ महिना लाग्थ्यो । अहिले १५ दिनमै नियन्त्रण हुन्छ,’ तझ्या भन्छन्, ‘आज पनि लमजुङ, गोरखा, बागलुङ, नवलपरासीलगायत जिल्लामा यसको दर बढ्दो छ ।’ उनका अनुसार नवलपरासीमा मात्रै ३० जना बिरामी छन् । बागलुङमा ४ जना बिरामी देखिएका छन् । गण्डकीको छुट्टै तथ्यांक छैन तर बिरामीको संख्या भने पोहोरभन्दा थपिएको छ ।
कुष्ठ प्रभावितको हेरचाह र औषधोपचार कुष्ठरोग निवारण संघले गरिरहेको छ । उनीहरुको हेरचाहका लागि काठमाडौं र पोखरामा आफ्नै आश्रम छ । पोखरा १५, टुटुंगामा आरोग्य आश्रम बनाएर ज्येष्ठ नागरिक र विपन्न तथा बेसहारा राखिएको छ । आश्रममा अहिले ११ जना आश्रित छन् । यसबाहेक ठूलीमझुवामा पुनस्र्थापित कुष्ठ प्रभावित परिवारलाई राखिएको छ । कुष्ठ प्रभावितका बालबच्चाको पढाइका लागि संस्थाले छात्रवृत्तिको व्यवस्था गरेको छ । हालसम्म १० जनाले यो सुविधा पाएकोमा अब १८ जनालाई छात्रवृत्ति प्रदान गर्न लागिएको उनले जानकारी दिए ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
सिद्ध र कालिका क्रिकेटको फाइनलमा
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१