पोखरा । सहरी विकास मन्त्री सीता गुरुङले देशलाई समृद्ध बनाउन गठबन्धन सरकार लागि परेको बताएकी छिन् । शनिबार पोखरामा तमु धिं नेपालको ३९ औं वार्षिक साधारण सभा तथा १६ औं महाधिवेशनमा सहरी विकास मन्त्री सीता गुरुङले सरकार पूर्वाधारमा लागि परेको बताएकी हुन् । ‘नेपालका सबै ठाउँमा पूर्वाधारको विकास हुन सकेको छैन । त्यसलाई सुधार गर्दै देश समृद्ध बनाउने अभियानमा गठबन्धनको सरकार लागिरहेको छ,’ मन्त्री गुरुङले भनिन्, ‘हामीले व्यवस्था परिवर्तन गरेर मात्र हुँदैन, अवस्था परिवर्तनका निम्ति सबैको साझा संकल्प र प्रतिबद्धता आवश्यकता छ ।’
गुरुङहरूको भाषा, कला, साहित्य संस्कृति बचाउनका लागि गुरुङ युवाहरू नेपालमै बस्ने वातावरण सिर्जना गर्नु आजको आवश्यक रहेको मन्त्री गुरुङले बताइन् । ‘युवाहरूको उत्साह र ऊर्जालाई सँगै समेटेर लैजान सकेनौं भने देशले आर्थिक, सामाजिक र भौतिक फड्को मार्न सक्दैन,’ उनले भनिन्, ‘त्यसपछि हाम्रो कला, भाषा, संस्कार, संस्कृतिहरूको पुस्तान्तरण पनि हुँदैन । सोही कारण नयाँ पुस्ताहरूलाई सँगै डो¥याएर लैजानुपर्ने आजको आवश्यकता देखिएको छ ।’ तमु धिं नेपाल, तमु ह्युला छोंज धिं गुरुङ राष्ट्रिय परिषद्, तमु प्हे ल्हु संघ जस्ता छरिएर रहेका गुरुङको संस्थालाई एकजुट भएर अगाडि बढ्न पनि मन्त्री गुरुङले सुझाव दिइन् ।
कार्यक्रममा प्रतिनिधि सभा सदस्य मनबहादुर गुरुङ, प्रदेश सभा सदस्यद्वय सरस्वती गुरुङ र वेदबहादुर गुरुङले गुरुङ, तमु ह्युला छोंज धि गुरुङ राष्ट्रिय परिषद्का अध्यक्ष कर्णबहादुर गुरुङ, तामाङ घेदुङ संघका अध्यक्ष दीपक तामाङ लगायतले संघसंस्थाको एकतामा जोड दिएका थिए ।
संस्थाका अध्यक्ष हुमबहादुर गुरुङले अधिवेशन लगत्तै तमु धिं र तमु ह्युला छोंज धिंबीचको एकताको पुनः थालनी गरिने बताए । यसभन्दा अघि पनि एकताको प्रयास भएको भए पनि नामका कारण घोषणा गर्न बाँकी रहेको उनको भनाइ थियो । ‘संस्थागत एकता अपरिहार्य छ । एकता नभई शक्ति प्राप्त हुँदैन अनि शक्ति नभई अधिकार प्राप्त गर्न गाह्रो पर्छ,’ उनले भने, ‘त्यसैले पनि हाम्रो अधिकारका लागि एकता अपरिहार्य छ । यसअघि पनि प्रयास भएकै हो । नामका कारण ढिला भएको हो अब अधिवेशन सकिएलगत्तै त्यसलाई सार्थकता दिन लाग्छौं ।’ साधारण सभाले सचिव जुनाकुमारी गुरुङको वार्षिक प्रतिवेदन र कोषाध्यक्ष गमबहादुर गुरुङको आर्थिक प्रतिवेदन सर्वसम्मतले पारित गरेको थियो ।
तमु धिंमा पुनः हुम
तमु धिं नेपालको अध्यक्षमा पुनः हुमबहादुर तमु निर्वाचित भएका छन् । १६ औं अधिवेशनका लागि उद्घाटन सत्र अगावै गरिएको उम्मेदवारी दर्ता प्रक्रियामा कार्यसमितिको पदाधिकारीमा एकल उम्मेदवारी परेसँगै तमु आगामी ३ वर्षे कार्यकालका लागि निर्विरोध निर्वाचित भएका हुन् ।
बिहीबार अध्यक्ष लगायत ९ पदीय पदाधिकारीको लागि उम्मेदवारी दर्तामा वर्तमान अध्यक्षसहितको पदाधिकारीहरूको एकल उम्मेवारीपश्चात् निर्वाचन समितिले निर्विरोध निर्वाचित भएको सूचना टाँस गरेको थियो ।
वरिष्ठ उपाध्यक्ष सुमे श्रीप्रसाद गुरुङ, प्रथम उपाध्यक्ष गीमाया गुरुङ, द्वितीय उपाध्यक्ष नारायण गुरुङ, महासचिव अधिवक्ता जुनाकुमारी गुरुङ, सचिव जुमकाजी गुरुङ, सहसचिव गोपाल गुरुङ, कोषाध्यक्ष गमबहादुर गुरुङ र सहकोषाध्यक्ष सु.तुलबहादुर गुरुङ निर्विरोध निर्वाचित भएको निर्वाचन समितिका सदस्य राजबहादुर गुरुङले जानकारी दिए ।
कार्यसमिति सदस्यका लागि निर्वाचित पदाधिकारीहरूले विभिन्न जिल्ला, क्षेत्र, लिंग लगायत समावेशितालाई ध्यान दिंदै संस्थागत सिफारिसको आधारमा मनोनयन गर्ने प्रावधान रहेको सदस्य गुरुङले बताए । निर्वाचन समितिमा प्रमुख निर्वाचन अधिकृत तमु धिं नेपालका संस्थापक उपाध्यक्ष शंकर गुरुङ, सदस्यहरू सल्लाहकार एवं पूर्व महासचिव रुद्रकुमारी गुरुङ मैना र आजीवन सदस्य एवं पत्रकार राजबहादुर गुरुङ रहेका थिए ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
सिद्ध र कालिका क्रिकेटको फाइनलमा
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१