पोखरा । वरपाण्डेथुम ज्येष्ठ नागरिक चौतारीले पोखरा ३३ मा उन्नत जातको बोका हस्तान्तरण गरेको छ । ज्येष्ठ नागरिक सिप विकास कार्यक्रमअन्तर्गत वडाका उद्यमशील किसान तिलकराज आचार्यलाई बोयर जातको बोका हस्तान्तरण गरेको हो ।

बाख्रा पालनबाट ज्येष्ठ नागरिकको आर्थिक जीवनस्तरमाथि उठाउनका लागि बाख्रा पालनलाई प्रोत्साहन गर्ने प्रदेश सरकारको नीतिअनुरुप बोयर जातको बोका हस्तान्तरण गरेको चौतारीका सचिव मोती भुजेलले बताए ।

चौतारीले मञ्जु आचार्य, डिलमाया भुजेल, यशोदा आचार्य, ओमबहादुर बानिया, तिलकराम आचार्य, गंगाराम लम्साल, टीकाबहादुर नेपाली, शान्ति भुजेल, गुरुप्रसाद भुवार्इं, कलिमाया भुजेल, नरहरि आचार्य, उजेली लम्साल लगायत १२ घरपरिवारका ज्येष्ठ नागरिकलाई दुई वटाका दरले उन्नत जातका बाख्रा पाठी वितरण गरेको थियो ।

अन्नपूर्ण फार्मस् फार्म आर्वाबाट ९५ प्रतिशतको बोयर बोका खरिद गरी किसानलाई दिइएको हो । बोयर बोकाबाट उचित प्रतिफल लिन सकिने भन्दै किसान तिलकराज आचार्यले खुसी व्यक्त गरे ।