पोखरा । नवआदर्श सामुदायिक विकास समाजद्वारा आयोजित लामाचौर कप राष्ट्रिय महिला तथा पुरुष भलिबलको महिलातर्फको उपाधि नेपाल पुलिस क्लबले जितेको छ ।
राउण्ड रोविन लिगका आधारमा खेलाइएको प्रतियोगितामा सोमबार भएको खेलका आधारमा नेपाल पुलिस क्लब फाईनल पुगेको थियो । पोखरा रंगशालामा भएको लिगको अन्तिम खेलमा पुलिसले शसस्त्र प्रहरी बलको एपिएफ क्लबलाई ३–१ को सेटमा हराएर ८ अंकका साथ फाईनलमा स्थान सुरक्षित गरेको थियो । पुलिससँग २५–१९, २५–१७, २०–२५ र २५–२१ को सेटमा हारेको एपिएफ अघिल्ला खेलका आधारमा ४ अंक जोड्दै तेस्रो भयो । न्यू डायमण्ड भने अघिल्लो दिनमा ६ अंकका साथ दोस्रो स्थानमा थियो ।
सोमबार नै भएको फाइनल खेलमा नेपाल पुलिस क्लबले चन्द्रागिरी नगरपालिका न्यू डायमण्डलाई ३–१ को सेटमा हराएर उपाधि जितेको हो । पुलिसले डायमण्डलाई २५–१८, २२–२५, १४–२५ र २०–२५ को सेटमा पराजित गरेको हो ।
पुरुषतर्फ सोमबार लिग चरणका २ खेल भए । जसमा एपिएफले मणिमुकुन्दलाई पराजित गरेर ७ अंक बटुल्यो । २५–१७, २१–२५, २३–२५ र ३२–३४ को सेटमा हारेको मणिमुकुन्दको अघिल्ला खेलको आधारमा ५ अंक भयो । त्यसपछि भएको प्रतिस्पर्धात्मक खेलमा गण्डकीले पुलिसलाई ३–२ को सेटमा हराउँदै ९ अंक जोड्यो । पहिलो र दोस्रो सेट १५–२५, २३–२५ मा हारेको गण्डकीले उत्कृष्ट पुनारागमन गर्दै २५–२२, २५–१८ र १५–१० को सेटमा हराउँदै २ अंकसहित ९ अंक बनाएको हो । पुलिस पराजित भएपनि पाँचौ सेट खेलेकाले गण्डकीबाट १ अंक खोसेको थियो । यसअघिका खेलबाट पुलिसको तालिकामा ८ अंक भइसकेको थियो ।
तालिकामा गण्डकी र पुलिसको ९÷९ अंक भएपनि सेटका आधारमा पुलिस पहिलो र गण्डकी दोस्रो हुँदै फाइनल पुगेको प्रतियोगिताका टेक्निकल डेलिकेट अन्तर्राष्ट्रिय भलिबल रेफ्री टहलसिंह थापाले जानकारी दिए । फाईनल खेलमा १९–२५ र २५–२२ अंकमा गण्डकी र पुलिसले १÷१ सेट जितेको अवस्थामा खराब मौसमका कारण खेल सोमबारलाई सरेको थियो । मंगलबार बिहान फाईनल खेल सुरुबाटै हुने रेफ्री थापाले जानकारी दिए ।
उनका अनुसार तेस्रो र चौथो स्थानका लागि हुने भनिएको खेल समय अभावका कारण खेलाउन नसकिएको हो । अब अंक तालिकाको आधारमा तेस्रो स्थानको पुरस्कार प्रदान गरिने उनले बताए । तालिका अनुसार महिला र पुरुष दुबैतर्फ एपिएफ तेस्रो स्थानमा छ ।
प्रतियोगितामा महिला र पुरुषतर्फ उपाधि विजेता, उपविजेता र तृतीय हुने टिमले क्रमश समान नगद रु १ लाख ५० हजार १ सय ११, १ लाख १ सय ११ र ५० हजार १ सय ११ रुपैयाँका साथमा ट्रफी, मेडल र प्रमाणपत्र प्राप्त गर्नेछन् । त्यस्तै उत्कृष्ट विद्यागततर्फ समेत नगद पुरस्कार वितरण गरिने आयोजकले जनाएको छ ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
सिद्ध र कालिका क्रिकेटको फाइनलमा
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१