पोखरा । रुपा गाउँपालिकाको आयोजना तथा कास्की आदर्श समाज अन्तर्राष्ट्रिय समन्वय परिषद् नेपालको सहकार्यमा सेनेटरी प्याड बनाउने, प्रयोग तथा विसर्जन गर्ने सम्बन्धी तालिम सम्पन्न भएको छ । दुई दिवसीय तालिममा रुपा गाउँपालिकाका आधारभूत तथा माध्यमिक विद्यालयमा अध्ययनरत २७ जना छात्राको सहभागिता थियो ।
तालिमका सहभागीलाई प्रमाणपत्र वितरण गर्दै प्रमुख अतिथि रुपा गाउँपालिका उपाध्यक्ष लालसुवा गुरुङले छात्राहरूलाई दिइएको तालिम घर परिवार तथा छिमेकीले पनि सिप सिक्न सक्ने विश्वास व्यक्त गरिन् । कास्की आदर्श समाजकी केन्द्रीय उपाध्यक्ष शान्ति अधिकारीले संस्थाले महिलाको स्वास्थ्यसम्बन्धी प्रत्यक्ष सरोकार राख्ने कार्यक्रम आयोजना गरेको बताइन् ।
संस्थाको नेपाल च्याप्टरका संयोजक विश्वबन्धु थापाले विभिन्न संघ संस्थासँग सहकार्य गर्दै सामाजिक क्षेत्रमा अग्रसर रहेको जानकारी दिए ।
तालिम प्रशिक्षक शर्मिला ढुंगानाले महिलाले आफूलाई आइपर्ने स्वास्थ्य समस्या सुल्झाउन प्राप्त सिप महत्वपूर्ण हुने बताइन् । रुपा गाउँपालिका शिक्षा तथा खेलकुद शाखा प्रमुख सन्दीप पौडेलले सेनेटरी प्याडको निर्माण र प्रयोग मात्र होइन, विसर्जन राम्रोसँग गर्नु पनि महत्वपूर्ण कार्य भएको उल्लेख गरे ।
प्रशिक्षार्थी सदीक्षा पौडेलले तालिम महत्वपूर्ण भएको बताउँदै अरुलाई पनि सिकाउन आग्रह गरिन् । कास्की आदर्श समाज अन्तर्राष्ट्रिय महिला संयोजक तथा कार्यक्रम संयोजक पूजा गिरीको अध्यक्षतामा भएको कार्यक्रममा सहसंयोजक सावित्री गिरीले स्वागत तथा नेपाल च्याप्टर सचिव हरिबहादुर ढकालले सञ्चालन गरेका थिए ।
Related News
सम्बन्धित समाचार
अकला आयोजना सञ्चालनमा खानेपानी संस्थान नै बाधक !
गण्डकीका ४ सय ६७ स्थानमा डढेलो
फेवातालमा दुर्घटनामा परेका ५ जनाको उद्धार
३ पुस्तादेखिको कटुवाल पेसा धान्दै मनबहादुर
मस्र्याङ्दी जलासयमा मोटरबोट
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१