पोखरा । कस्मेटिक व्यवसायी संघ कास्कीको आठौं वार्षिक साधारण सभा शनिबार पोखरामा भएको छ । सभाको उद्घाटन गर्दै पोखरा उद्योग वाणिज्य संघका अध्यक्ष नारायण कोइरालाले व्यवसायीका हकहितका लागि संस्थालाई मजबुत बनाउनुपर्नेमा जोड दिए ।
उनले कोरोना महामारीमा भएको लकडाउनबाट व्यवसायी बिस्थापित हुनुपर्नेसम्मको स्थिति आएको अवस्थामा पनि कर, ब्याज र घर भाडाको मार थेग्नु परेको उल्लेख गर्दै व्यवसायीका समस्या सुल्झाउन पोखारा उद्योग वाणिज्य संघ प्रयासरत रहेको बताए ।
संघका उपमहासचिव केशबहादुर खत्रीले कस्मेटिक व्यवसायमा महिलाहरुको सहभागिता उल्लेखनीय देखिएको बताए ।
कार्यक्रममा स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोला, कस्मेटिक व्यवसायी संघका अध्यक्ष विष्णुप्रसाद बास्तोला, निवर्तमान अध्यक्ष उमापति ढकाल, फेन्सी तथा रेडिमेड व्यवसायी संघ कास्कीका अध्यक्ष राजु पौडेल, कपडा व्यवसायी एसोसियसन कास्कीका अध्यक्ष विष्णु तिमिल्सिनाले शुभकामना मन्तव्य राखेका थिए ।
सभाका अध्यक्ष तथा संघका अध्यक्ष प्रेमप्रसाद सुवेदीले व्यावसायिक हकहितको लागि कार्यसमिति प्रतिबद्ध रहेर लागेको बताए । सभामा महासचिव शारदा भुजेल (सरु) ले वार्षिक प्रतिवेदन प्रस्तुत गरेकी थिइन् । प्रथम उपाध्यक्ष दुर्गा बरालले धन्यवाद ज्ञापन गरिन् ।
साधारण सभाको उद्घाटन समारोहबीच अग्रज कस्मेटिक व्यवसायी बुद्ध विशाल बजारको भरत स्टोरका भरत जयसवाल र व्यवसायीका सन्ततीमध्ये प्लस टुमा सर्वाेत्कृष्ट अंक ल्याउने छात्र सफल भट्टराईलाई सम्मान गरिएको थियो ।
Related News
सम्बन्धित समाचार
जग्गाधनीले रोके रुपाताल परियोजनाको काम
सफलको चिनीरहित दही बजारमा
फेवाबाट जलकुम्भी हटाउन अभियान सुरु
पोखरा जेसीजको ७ दिनमा, ७ कार्यक्रम
महिलालाई आत्मनिर्भर बनाउँदै वडा कार्यालय
hero news full width
मुख्य समाचार
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१कांग्रेस नेता खगेन्द्रराज रेग्मीको निधन
जेठ १, २०८१पहिले छाती नाप्न गल्ला आउँथे, अहिले एजेन्ट
वैशाख ३१, २०८१चेक बाउन्सको समस्याले व्यवसायी र प्रहरीलाई हैरान
वैशाख ३०, २०८१