पोखरा । लायन्स क्लब इन्टरनेसनल डिष्ट्रिक ३२५ बि १ अन्तर्गत जोन–१९ र २० दोस्रो बैठक पोखरामा सम्पन्न भएको छ ।
कार्यक्रमका प्रमुख अतिथि स्वतन्त्र पत्रकार संघ नेपालका संस्थापक कृष्णप्रसाद बास्तोलाले सामाजिक सेवा क्षेत्रमा लायन्सले खेलेको भूमिकाको प्रशंसा गरे । उनले आगामी दिनमा थप प्रभावकारी सेवाका कार्य गर्न पनि सुझाव दिए ।
कार्यक्रम सम्पूर्ण क्लबका अध्यक्षहरुले पछिल्लो ३ महिनामा भएका क्लबका कार्यक्रमको रिर्पोटिङ तथा आगामी ३ महिनाका लागि कार्ययोजना प्रस्तुत गरेका थिए । कार्यक्रममा रिजन २० का रिजन चियरपर्सन अमृत बरालको विशेष आतिथ्यता थियो ।
सो अवसरमा रिजन–१० अन्तर्गतका क्लब लायन्स पोखरा सेन्ट्रल स्टेट, लायन्स पोखरा गण्डकी स्टेट, लायन्स पोखरा सेन्ट्रल गार्डेन, लायन्स पोखरा गुडविल, लायन्स पोखरा, लायन्स पोखरा पिस टाउन, लायन्स पोखरा गण्डकी दोभानका अध्यक्ष, प्रथम उपाध्यक्ष, सचिव तथा कोषाध्यक्ष लगायत २५ जनाको उपस्थिति थियो ।
जोन–१९ का जोन चियरपर्सन सरला तिमिल्सिनाको अध्यक्षतामा भएको कार्यक्रमको सञ्चालन जोन–२० का चियरपर्सन कृष्णप्रसाद तिमिल्सिनाले गरेका थिए ।