पोखरा । नेपाली कांग्रेसका प्रदेश अधिवेशन बिहीबार सुरु हुँदैछ । तर अधिवेशन उद्घाटनको दिनसम्म पनि गण्डकी प्रदेशमा भने वरिष्ठ नेता रामचन्द्र पौडेल पक्षले अझै उम्मेदवारको टुंगो लगाउन सकेको छैन ।
प्रदेशमा संस्थापन र संस्थापन इतर प्यानल बन्ने पक्का छ । संस्थापन पक्षले सभापतिमा एक्लो उम्मेदवार अघि सारेको छ । संस्थापन इतरमा ५ जना आकांक्षी छन् । सबैको आफ्नै अडानले एक्लो उम्मेदवार तय हुन सकेको छैन । आफ्नो समूह तयार गर्न वरिष्ठ नेता रामचन्द्र पौडेल र महामन्त्री डा. शशांक कोइरालासहितका नेताहरु पोखरा आएका छन् । गण्डकीमा प्रदेश सभापतिका लागि आकांक्षी धेरै देखिएपछि वरिष्ठ नेता पौडेल, महामन्त्री डा. कोइराला, नेतृ कमला पन्त, धनराज गुरुङ, जीवन परियारसहितको टोली पोखरा आएको हो । बिहीबार बिहान कोइराला निवास महाराजगञ्जमा बसेको बैठकले सातै प्रदेशमा उम्मेदवार टुंगो लगाउन टिम नै बनाएर जिम्मा दिएको हो ।
बुधबार दिउँसैदेखि पोखरा लेकसाइडस्थित टीका रिसोर्टमा बसेको बैठकले निष्कर्ष दिन सकेन । बिहीबार बिहान ८ बजे बैठक बस्ने गरी स्थगित भएको पौडेल पक्षीय एक नेताले बताए । नवलपुरका महेन्द्रध्वज जिसी, तनहुँका रघुनाथ पौडेल तथा कास्कीका शुक्रराज शर्मा, यज्ञबहादुर थापा र देवराज चालिसे आकांक्षी छन् । स्रोतका अनुसार पहिलो चरणको बैठकबाट नवलपुरका जिसी र कास्कीका चालिसेमध्ये १ जनाले सभापतिको टिकट पाउने सम्भावना बढी छ । अर्का उम्मेदवार थापा भने ब्याक हुन राजी छन् । शर्माले अडान छोडेका छैनन् । ‘सबैले एक चरण कुरा राख्नुभयो । जिसी अलि ढिलो आउनुभएकोले कम प्राथमिकतामा परेको जस्तो देखिन्छ,’ पौडेल निकट स्रोत भन्छ, ‘भोलि बिहानै टुंगो लगाउने सल्लाह भएको छ ।’ पौडेलले अन्तिम समयमा जिसी रोजेपछि महामन्त्री कोइराला अलमलमा छन् । उनले चालिसेलाई समर्थन गर्ने बुझिन्छ ।
संस्थापनतर्फको प्यानल भने करिब टुंगिएको छ । पर्वतका अर्जुन जोशीको नेतृत्वमा टिम तयार गरिएको छ । स्रोतका अनुसार उपसभापतिमा स्याङ्जाका मेखलाल श्रेष्ठ र म्याग्दीका नेत्र महत तथा महामन्त्रीमा कास्कीका कुमार खड्का र गोरखाका ईश्वर पाण्डेको नाम सुनिएको छ । सहमहामन्त्री समेत गोरखाले पाएको छ । राजनराज पन्त र तनहुँका झुलबहादुर आले सहमहामन्त्रीको उम्मेदवार पक्का भएको छ । महिला सहमहामन्त्रीमा यसअघि कास्कीकी शारदा पौडेललाई अघि सारिए पनि अन्तिम अवस्थामा उनले केन्द्रीय सदस्यमा दाबी गरेपछि विकल्प खोजी भइरहेको छ ।
पौडेल पक्षबाट उपसभापतिमा किरणबाबु श्रेष्ठ र बागलुङका हरिकुमार श्रेष्ठ, महामन्त्रीमा कास्कीका कृष्ण केसी र नवलपुरका विष्णुप्रसाद लामिछाने तथा सहमहामन्त्रीमा कल्पना तिवारी, सरिता गुरुङ र ओमकला चालिसेको सम्भावना बलियो देखिन्छ । गोरखाका दीपकबाबु कँडेल महामन्त्रीमा उठ्ने चर्चा थियो । अहिले उनलाई सहमहामन्त्रीको टिकट दिने विषयमा आन्तरिक छलफल भैरहेको छ । अहिलेसम्मको चर्चा र छलफलबाट मनाङ, मुस्ताङ, म्याग्दी र लमजुङ पदाधिकारीविहीन हुने पक्का छ ।
उद्घाटन आज
नेपाली कांग्रेसको १४ महाधिवेशनअन्तर्गत प्रदेश अधिवेशन बिहीबार सातै प्रदेशमा एकसाथ उद्घाटन हुँदैछ । पार्टी सभापति एवं प्रधानमन्त्री शेरबहादुर देउवाद्वारा सातै प्रदेशको अधिवेशन एकै पटक उद्घाटन गर्ने कार्यक्रम तय भएको छ ।
यता, गण्डकी प्रदेशको अधिवेशन बिहीबार साढे १२ बजे पोखरा प्रदर्शनी केन्द्रमा हुने भएको छ । अधिवशेनका लागि गोपालमान श्रेष्ठको संयोजकत्वमा टोली खटिएको छ । कार्यक्रम श्रेष्ठकै अध्यक्षतामा हुने भए पनि प्रदेशमा समिति बनिनसकेकोले कुन मोडालिटीमा कार्यक्रम हुने भन्ने तय भइसकेको छैन ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
सिद्ध र कालिका क्रिकेटको फाइनलमा
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१