पोखरा । प्राइम सहकारी संस्था लिमिटेडको १२ औं साधारण सभा तथा तेस्रो अधिवेशनको शुभारम्भ समारोहमा आइतबार उत्कृष्ट सेयर सदस्यहरुलाई सम्मान गरिएको छ ।
सहकारीले उत्कृष्ट सञ्चालक सदस्य बाबुलाल पाण्डे, उत्कृष्ट महिला सदस्य विष्णुमाया भाशिमा, उत्कृष्ट बचतकर्ता सदस्य प्रदीप कोइराला, उत्कृष्ट सदस्य विनोद भण्डारीलाई सम्मान गरेको हो । सम्मानित व्यक्तिहरुलाई कार्यक्रमका प्रमुख अतिथि सहकारी रजिस्ट्रारको कार्यालय गण्डकी प्रदेशका रजिस्ट्रार उदयबहादुर पराजुली र सहकारीका अध्यक्ष निदेशप्रसाद कोइरालाले दोसल्ला, माला र प्रमाणपत्रले सम्मान गरेका थिए ।
सहकारी रजिस्ट्रारको कार्यालय गण्डकी प्रदेशका रजिस्ट्रार उदयबहादुर पराजुलीले सहकारीले क्षेत्रहरु पहिचान गरी उत्पादनमूलक क्षेत्रमा लगानी गर्नुपर्ने बताए । गजलकार एवं संस्थाका सल्लाहकार दिलीप श्रेष्ठले प्राइम सहकारी आरोह अवरोहबीच अघि बढेको स्मरण गरे । सहकारीका अध्यक्ष निदेशप्रसाद कोइरालाले सहकारीले नाफामूलक ढंगले मात्र नहेरी सामाजिक उत्तरदायित्वका कामहरु पनि गर्ने गरेको बताए ।
कार्यक्रममा संस्थाका सल्लाहकार उपेन्द्र पौडेल, राष्ट्रिय सहकारी बैंक पोखरा शाखाका प्रमुख नरेश पाण्डे, पोखरा उद्योग वाणिज्य संघका वरिष्ठ उपाध्यक्ष पवन प्रजापति लगायतले बालेका थिए । कोरोनाका कारण भौतिक उपस्थितिलाई मध्यनजर गर्दै साधारण सभाअन्र्तगत सेयर सदस्यहरुले सुझाव तथा हस्ताक्षर संकलन संस्थाको लेखनाथ र बगर सेवा केन्द्रसँगै गैह्रापाटनमा समेत असोज १५ गतेसम्म जारी रहने संस्थाका शाखा प्रमुख सुनील थापाले जानकारी दिए ।
सहकारीका अध्यक्ष निदेशप्रसाद कोइरालाको अध्यक्षतामा भएको कार्यक्रममा कोभिडका कारण निधन भएका संस्थाका सेयर सदस्यहरुको सम्झनामा मौन धारणा गरिएको थियो । कार्यक्रममा स्वागत संस्थाका उपाध्यक्ष शंकर कार्कीले गरेका थिए भने सहकारीको सिद्धान्त संस्थाका व्यवस्थापक निरु थापाले वाचन गरेकी थिइन् ।
Related News
सम्बन्धित समाचार
सीतालाई सामाजिक. बेदबहादुरलाई खानेपानी मन्त्रालयको जिम्मा
सीता सुन्दास र बेदबहादुरलाई मन्त्री बनाउँदै खगराज
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
महिलाको लगानीमा सरफ उद्योग सञ्चालन
स्वतन्त्र प्रेसले मात्र लोकतन्त्र सुदृढ हुन्छ : राष्ट्रपति
hero news full width
मुख्य समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१