पोखरा । कोरोना प्रभावका कारण लामो समयसम्म बन्द रहेका शैक्षिक संस्था बिस्तारै खुल्न थालेका छन् । देशका प्रमुख सहरका विद्यालय केही साताअघिदेखि नै सञ्चालित भई भौतिक उपस्थितिमै पठनपाठन सुरु गरेका छन् भने केहीले असोज १ देखि सञ्चालन गर्ने तयारी भएको सार्वजनिक गरेका छन् । काठमाडौं उपत्यकामा निषेधाज्ञा खुकुलो पार्दै आवश्यक स्वास्थ्य सुरक्षा मापदण्ड पालना गरी भौतिक उपस्थितिमै विद्यालय सञ्चालन गर्न सकिने जानकारी सम्बन्धित प्रशासन कार्यालयले गराएको हो ।
तर, देशकै ठूलो सहरमध्ये पोखराका शैक्षिक संस्था कहिलेदेखि खुल्छन् ? भन्नेमा सबैको चासो छ । तीजपछिको पहिलो आइतबार अर्थात् भदौ २७ देखि अधिकांश ठाउँमा सम्बन्धित स्थानीय तहले विद्यालय सञ्चालन गरेका छन् भने केहीले दसैंपछि नै भौतिक उपस्थितिमै सञ्चालन गर्ने योजनामा छन् । असोज १ देखि निषेधाज्ञा झनै खुकुलो हुँदै जाने र देशका अधिकांश सहरमा विद्यालय खुल्ने लगायतका गतिविधि सञ्चालन हुने समाचार छ ।
पोखरा महानगर शिक्षा महाशा प्रमुख हेमप्रसाद आचार्यले पोखरामा असोज दोस्रो सातासम्म विद्यालय खोल्न सकिने बताए । उनले भने, ‘असोज १ देखि नै त सञ्चालन गर्न नसकिएला तर आवश्यक छलफल र सुझावबमोजिम असोज दोस्रो हप्तादेखि खुल्ने तयारी छ ।’ उनकाअनुसार शिक्षा महाशाखाको आह्वानमा सरोकारवाला पक्षसँग सोमबार बैठक डाकिएको छ ।
निजी तथा आवासीय विद्यालय अर्गनाइजेसन नेपाल (प्याब्सन) कास्कीका अध्यक्ष प्रेमप्रसाद शर्मा सुवेदी जिल्लाका विद्यालय असोज सुरु भएपछि खोल्दै जानुपर्ने पक्षमा छन् । उनले भने, ‘कतिञ्जेल स्कुल बन्द गर्नू । कोरोना संक्रमण जोखिम घट्दै गएकोले असोजदेखि विद्यालय सञ्चालन गर्नुपर्छ भन्नेमा हाम्रो जोड छ । त्यसअघि प्रशासनको निर्णय पनि कुर्नुपर्यो ।’
सरकारले विद्यालयल सञ्चालन गर्न सकिने वा नसकिनेबारे स्थानीय तहलाई अधिकार दिएको छ
एनप्याब्सन कास्की अध्यक्ष हेमन्त अधिकारीले विद्यालय जान नपाई दिनभर घरमै विद्यार्थीलाई छोड्न उनीहरुमा नकारात्मक भावना विकास हुने भएकोले आवश्यक सुरक्षा मापदण्ड अपनाएर बिस्तारै विद्यालय खोल्नुपर्नेमा जोड दिन्छन् ।
कास्कीमा प्याब्सनअन्तर्गत १ सय २, एन प्याब्सनअन्तर्गत ४५ विद्यालय सञ्चालनमा छन् । अघिल्लो वर्षको तथ्यांकमा मन्टेसरीसहित कक्षा १२ सम्म कास्कीमा कुल विद्यार्थीको संख्या १ लाख २५ हजार रहेको प्याब्सन कास्की अध्यक्ष शर्माले जानकारी दिए ।
सरकारले विद्यालयल सञ्चालन गर्न सकिने वा नसकिनेबारे स्थानीय तहलाई अधिकार दिएको छ । कोरोनाको दोस्रो भेरियन्ट सुरु हुँदाताका देशका प्रमुख ५ जोखिम जिल्लामा कास्कीसमेत सूचीकृत थियो । अहिले भने संक्रमण र मृत्यदर कमी हुँदै गएकोले जिल्ला प्रशासन कार्यालय कास्कीले निषेधाज्ञा खुकुलो पार्दै लगेको छ । गत वैशाख १५ देखि सुरु निषेधाज्ञा पुनः भदौ १८ मा थपेर मसान्तसम्म कायम छ । हाल कायम निषेधाज्ञा असोजदेखि अझै खुकुलो पारिने प्रशासनको तयारी छ । प्रमुख जिल्ला अधिकारी थानेश्वर गौतमले भने, ‘अब कतिञ्जेल बन्द गर्नु । मानिस भीडभाडमा समेत मास्क लगाउन अटेर गर्छन् । कसैले मान्दैनन् । अब सबै खोलिदिने हो ।’
हाल विश्वविद्यालय, क्याम्पस, विद्यालयलगायत सबै प्रकारका शैक्षिक संस्था, प्रशिक्षण केन्द्रहरु, तथा विद्यालयबाट भौतिक रुपमा उपस्थित भई सञ्चालन हुने पठनपाठन सञ्चालनमा निषेधाज्ञा छ । विश्वविद्यालय, लोकसेवा आयोग, विभिन्न परीक्षा बोर्डहरुबाट सञ्चालन हुने निर्धारित परीक्षाबाहेक अन्य परीक्षासमेत सञ्चालनमा रोक लगाइएको छ । तर कोरोनाका प्रभावले विद्यालयलगायत शैक्षिक संस्थामा भौतिक रुपमा उपस्थित भई पठनपाठन गर्न असम्भव भएपछि अनलाइन पढाइ भने जारी छ । अनलाइनको पढाइलाई विद्यार्थी, अभिभावक एवं शिक्षाविद् स्वयंले प्रभावहीन ठानेका छन् ।
गण्डकी प्रदेशभर हाल कोरोनाका कूल सक्रिय संक्रमित संख्या १ हजार रहेकोमा कास्कीमा ९ सय हाराहारीमा छन् ।
Related News
सम्बन्धित समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
hero news full width
मुख्य समाचार
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१