पोखरा । गण्डकी प्रदेशमा पछिल्ला दिनमा कोरोना निको हुनेभन्दा संक्रमित संख्या बढेको छ । बुधबार २ सय १३ निको भएकोमा २ सय ९५ जनामा कोरोना पोजेटिभ देखिएको हो । अघिल्लो दिन मंगलबार पनि निको हुने तुलनामा संक्रमित बढी थिए । मंगलबार ३ सय ६६ जना संक्रमित हुँदा २ सय ८९ जना संक्रमणमुक्त भएका थिए ।
सरकारले केही दिनयता लकडाउन खुकुलो बनाएसँगै संक्रमितको संख्या बढेको हो । लकडाउन कडा हुँदा जेठ २३ देखि २९ सम्म १ हप्तामा ७ हजार ७३ जना निको भएका थिए । सोही अवधिमा ३ हजार ९ सय ७० जना संक्रमित भएका थिए । तर लकडाउन खुकुलो भएसँगै पछिल्लो साता १ हजार ९ सय ३७ निको हुँदा २ हजार ३ सय २९ जना संक्रमित भएका छन् । कास्कीमा असार ७ देखि गाडीमा जोरबिजोर लागु गरिएको छ । असार ७ देखि १५ सम्म निजीमा र असार १५ पछि सार्वजनिक सवारीमा जोरविजोर प्रणाली लागु गरिएसँगै मानिसको भीडभाड बढ्न थालेको छ ।
गण्डकीमा बुधबार १ हजार ६ जनाको नमुना परीक्षणमा एकतिहाइमा संक्रमण देखिएको छ । कुल परीक्षणमा करिब २९ प्रतिशत (२ सय ९५ जना) मा कोरोना पोजेटिभ देखिएको हो । तीमध्ये १ सय ४२ पुरुष र १ सय ५३ महिला छन् । कास्कीका १ सय ५३, मनाङ १, मुस्ताङ २, म्याग्दी २०, पर्वत, गोरखा ८, लमजुङ ३, तनहुँ २०, बागलुङ ११, स्याङ्जा १७ र नवलपुरका ५१ जना संक्रमित भएका हुन् ।
योसँगै गण्डकीमा संक्रमितको कुल संख्या ५८ हजार ७९ पुगेको छ । पछिल्लो २४ घण्टामा २ सय १३ जना निको भएसँगै प्रदेशमा संक्रमणमुक्त हुनेको संख्या ५३ हजार ८ सय ५२ पुगेको छ ।
नेपालमा थप २ हजार ७७ जनामा कोरोना भाइरस संक्रमण देखिएको छ । स्वास्थ्य मन्त्रालयले बुधबार दिएको जानकारी अनुसार ७ हजार ८ सय ३५ पिसिआर परीक्षणा थप २ हजार ७७ जनामा संक्रमण पुष्टि भएको हो । योसँगै नेपालमा संक्रमितको संख्या ६ लाख ५० हजार १ सय ६२ पुगेको छ ।
यस्तै, एन्टिजेन विधिद्वारा ४ हजार ६३ परीक्षणबाट ९ सय २ जनामा पोजिटिभ देखिएको छ । गएको २४ घण्टामा पिसिआर र एन्टिजेन विधिबाट ११ हजार ८ सय ९८ परीक्षणमा २ हजार ९ सय ७९ जनामा संक्रमण पुष्टि भएको मन्त्रालयले जनाएको छ । पछिल्लो २४ घण्टामा थप १ हजार ३ सय ३३ जना संक्रमणमुक्त भएका छन् । हालसम्म निको हुनेको संख्या ६ लाख १४ हजार ३ सय २७ रहेको छ ।
प्रदेशमा बुधबार कोरोना संक्रमणबाट मृत्यु २ जनाको मृत्यु भएको छ । प्रदेशमा नवलपुर र बागलुङमा १÷१ जनाको ज्यान गएको हो ।
नवलपुरको मध्यविन्दु नगरपालिका ११ की ६५ वर्षीय महिलाको भरतपुर अस्पताल चितवनमा उपचार क्रममा मृत्यु भएको हो । बागलुङ नगरपालिका २ की ८० वर्षीया कोरोना संक्रमित महिलाको धौलागिरी अस्पताल बागलुङमा उपचार क्रममा ज्यान गएको हो । योसँगै प्रदेशमा कोरोना संक्रमणबाट मृत्यु हुनेको संख्या ९ सय ७६ जना पुगेको छ । नेपालमा कोरोना संक्रमणबाट थप २८ जनाको मृत्युसँगै हालसम्म ९ हजार २ सय ९१ जनाको ज्यान गएको छ ।
Related News
सम्बन्धित समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
hero news full width
मुख्य समाचार
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१