पोखरा । गण्डकी प्रदेश सभामा उत्पन्न गतिरोध अन्त्यका लागि नागरिक समाज पोखराले माग गरेको छ । समाजले शुक्रबार विज्ञप्ति निकालेर प्रदेश अधिवेशनका क्रममा देखा परेका परिदृश्यप्रति गम्भीर ध्यायाकर्षण भएको भन्दै स्वतन्त्र एवं निश्पक्ष छानबिनसहित गतिरोध अन्त्यको माग गरेको हो ।

सरकार फेरबदलको विषयको टुंगो संसदले नै लगाउनुपर्ने भएकाले विशेष अधिवेशनलाई प्रक्रिया बमोजिम अघि बडाइ विद्यमान राजनीतिक गतिरोधको अन्त्य गर्न पनि नागरिक समाजले अपिल गरेको छ ।

यस्ता अशोभनीय क्रियाकलाप सदाका लागि अन्त्य गर्दै सभ्य, सुसंस्कृत एवं नमुना प्रदेशका रुपमा परिपाटी बसाल्न प्रदेश सभाका सम्पूर्ण माननीयमा नागरिक समाज पोखराले आग्रह गरेको छ ।

विज्ञप्तिमा नागरिक समाज पोखराका अध्यक्ष इन्द्रकमल मानन्धर, संस्थापक अध्यक्ष रामबहादुर पौडेल, प्रवक्ता गोकुलबहादुर कार्की, संस्थापक शशि तुलाचन, पूर्व संयोजक विष्णुहरि अधिकारी, सल्लाहका वरिष्ठ अधिवक्ता तीलक पराजुली र संस्थापक पावित्रा जिसीले हस्ताक्षर गरेका छन् ।