म्याग्दी। नेपाली कांग्रेसका वरिष्ठ नेता रामचन्द्र पौडेलले ओली सरकारलाई बिदाइ नगरे देशले थप संकट व्यहोर्नुपर्ने दाबी गरेका छन् ।
ओलीसँग सहकार्य गर्नु भनेको लोकतन्त्र विरोधीलाई समर्थन गर्नुसरह भएको बताउँदै पौडेलले संसदमा पेस हुने अविश्वासको प्रस्तावमा कांग्रेसले कुनै पनि हालतमा साथ दिनुपर्नेमा जोड दिए ।
कांग्रेस म्याग्दीका पूर्व सभापति डा भूपेन्द्रबहादुर खड्काको छैटौं दिनको पुण्यतिथिमा बेनीमा आयोजित श्रद्धाञ्जली सभामा बोल्दै पौडेलले ओलीको हरेक गतिविधि लोकतन्त्र विरोधी र संविधानको रक्षाका लागि बाधक भएकाले बर्हिगमन अपरिहार्य भएको बताएका हुन् ।
‘नयाँ राजनीतिक परिस्थितिमा काँग्रेसले ढुलमुल नीति लिने अवस्था छैन । खास कुरा गर्नुपर्दछ र जनातालई विश्वास दिलाउनुपर्दछ,’ उनले भने ।
नेता पौडेलले विकृत राजनीतिको अन्त्यका लागि कांग्रेसले अहिलेको अवस्थामा माओवादी केन्द्र र जनता समाजवादी पार्टी मिलेर नयाँ सरकारका लागि पहल गर्नुपर्ने विकल्प पनि उल्लेख गरे । ‘केपी ओलीको नेतृत्वमा निर्वाचन सम्भव नै छैन । निर्वाचन हुने अवस्था आए पनि अहिलेको सरकारले गर्न सक्दैन । गरेपनि ठूलो दुर्घटना हुन्छ’, उनले भने ।
नेता पौडेलले पार्टी सभापति शेरबहादुर देउवालाई सत्ता र नियुक्तिमा प्रधानमन्त्री ओलीको प्रलोभन देखाइरहेको समेत बताए । कम्युनिस्टमा आएको विघटनले मुलुकमा अस्थिरता निम्तिएको उनकोे भनाइ थियो । नीति र सिद्धान्तमा एकता नभएकाले कम्युनिस्टमा भाँडभैलो मच्चिएको उनले बताए । सत्तामा बाँडीचुँडी खानका लागि मिलेका कम्युनिस्ट भागबन्डा नमिलेका कारण एकता भंग भएको उनको भनाइ थियो ।
अधिकांश समय प्रधानमन्त्री ओलीविरुद्ध खनिएका नेता पौडेलले विकृत राजनीतिकै श्रृंखलालाई निरन्तरता दिनबाट रोक्न नयाँ सरकार आवश्यकता रहेको बताए ।
बेनी नगरपालिका–८ संगमचोक निवासी खड्काको गत मंगलबार ८० वर्षको उमेरमा काठमाडौंमा निधन भएको थियो । खड्का २०५६ देखि २०६७ सम्म २ कार्यकाल जिल्ला सभापति बनेका थिए ।
कांग्रेस जिल्ला सभापति खमबहादुर गर्बुजा खम्बिरले खड्काको सम्झनामा केही काम गरिने जानकारी दिए ।
Related News
सम्बन्धित समाचार
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
hero news full width
मुख्य समाचार
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१