पोखरा । एचआइभी संक्रमितमाथि समाजले त विभेद गर्छ नै । कहिले काहिँ त परिवारबाटै पनि उनीहरु अपहेलित हुन्छन् । सरकारले समेत उनीहरुमाथि विभेद गरेको छ । पश्चिमाञ्चल क्षेत्रीय अस्पतालको एआरटी सेन्टरमा अहिले झन्डै १३ सय जनाले एन्टिरेट्रो भाइरल सेवा लिँदै आएका छन् । तीमध्ये २ जनामा मिर्गौलाको समस्या रहेको पोखरा स्वास्थ्य विज्ञान प्रतिष्ठान अन्तर्गतको पश्चिमाञ्चल क्षेत्रीय अस्पतालमा सञ्चालित एड्स हेल्थकेयर फाउन्डेसनकी संयोजक डा. प्रीति आचार्य बताउँछिन् ।
पोखराका ठूला अस्पतालहरुमा डायलासिस सेवा उपलब्ध छ । सरकारले तोेकेका अस्पतालमा मिर्गौला बिरामीका लागि डायलासिस सेवा निशुल्क रुपमा लिने गरेका छन् । आर्थिक हैसियत सबल हुनेले निजी अस्पतालमा पैसै तिरेर पनि यो सेवा लिन्छन् । अहिले गण्डकी प्रदेश सरकारले जिल्ला अस्पतालहरुमा समेत डायलासिस सेवा विस्तार गरेको छ । तर मिर्गाैलाको समस्या भएका एचआइभी संक्रमित यो सेवाबाट वञ्चित छन् । डा. आचार्यका अनुसार पोखराका अस्पतालले दिएको चिठी लिएर उनीहरु काठमाडौंस्थित राष्ट्रिय मिर्गौला केन्द्रमा धाउनुपर्छ ।
एचआइभी संक्रमित मिर्गौला बिरामीले पोखरामा डायलासिस गर्न नपाउँदा काठमाडौं धाउनुपर्ने बाध्यता छ
पोखरादेखि काठमाडौं पुगेर पनि डायलासिस गर्न पाइने निश्चितता छैन । पोखरादेखि काठमाडौं जाँदा खर्च त हुने नै भयो । त्यहाँ पुगेर पनि सेवा पाइनेमा बिरामीहरु ढुक्क हुँदैनन् । किनभने सेवा लिनेको लाइन ठूलै हुन्छ । एचआइभी संक्रमित समेत रहेका मिर्गाैला बिरामीका लागि डायलासिस सुविधा काठमाडौंमात्रै केन्द्रित हुँदा बिरामीले ज्यानै गुमाउनु परेको छ । बेलैमा काठमाडौं जान नसकेकै कारण गएको असारमा मिर्गौला समस्या समेत रहेका एचआइभी संक्रमितको मृत्यु भयो । भनेको समयमा जान नपाउने र पिसिआर रिपोर्टको चाँजोपाँजो मिलाउँदा मिलाउँदै ती पुरुष संक्रमितको मृत्यु भएको हो । पश्चिमाञ्चल क्षेत्रीय अस्पतालमा एआरटी केन्द्र इन्चार्ज कल्पना आचार्य निर्धारण गरिएको समयमा पुग्न नसके काठमाडौंमा समेत डायलासिस गर्न नपाउने अवस्था रहेकाले संक्रमितहरु समस्यामा परेका बताउँछिन् ।
एचआइभी संक्रमित महिलाहरुको राष्ट्रिय महासंघले संक्रमितमाथि हुने गरेका विभेदका बारेमा पोखरामा शुक्रबार अन्तरक्रिया कार्यक्रम गरेको छ । कार्यक्रममा सहभागीहरुले संक्रमित महिलामाथि स्वास्थ्य सेवामा समेत अझै विभेद कायम रहेको बताए । आफ्ना समस्या सुल्झाउन उनीहरुले गण्डकी प्रदेश सभाका सांसदसमक्ष आग्रह समेत गरे ।
पश्चिमाञ्चल क्षेत्रीय अस्पतालको एकद्वार संकट व्यवस्थापन केन्द्रका फरेन्सिक विज्ञ डा. मदन बरालले संक्रमितको उपचार र हिंसाका घटनाका बारेमा जानकारी गराए । कार्यक्रममा गण्डकी प्रदेश सभा प्रदेश मामिला समिति सभापति कृष्ण थापा, सांसदहरु कृष्णबहादुर थापा, रोशन गाहामगर, मित्रकुमारी गुरुङ सुवेदी, मधु अधिकारी गुरुङ, इन्द्रधारा विष्ट सहभागी थिए । स्वास्थ्य कार्यालय कास्कीका प्रमुख बाबुराम आचार्यले संक्रमितहरुको स्वास्थ्य उपचारमा सरकार संवेदनशील रहेको भन्दै उनीहरुको गोपनीयता कायम राख्दै आफूहरुले काम गर्दैआएको बताए ।
Related News
सम्बन्धित समाचार
इन्द्रराज्यलक्ष्मी माविको ७१ औं वार्षिकोत्सव
छुट प्रदान गर्ने सम्झौता
‘मुख्यमन्त्रीको पिए हुँ’ भनी ठगी
सूर्यदर्शन सहकारीको अनुसन्धान प्रतिवेदन बुझाइयो
पूर्वन्यायाधीशको निधनपछि गण्डकी सरकार विरुद्धको रिटसहित सर्वोच्चका सबै सुनुवाइ स्थगित
hero news full width
मुख्य समाचार
आगलागीले सुन्तलाको बगैंचा सखाप
पोखराका घरको नक्सापास अब अनलाइनबाटै, युएनडिपीको सहयोग
वैशाख २६, २०८१कसको हातमा पर्ला वर्ष खेलाडीको उपाधि ?
वैशाख २६, २०८१गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१