हेमजा । ढिकुरपोखरीवासी आफ्नो गाउँलाई दूधगाउँको पहिचान दिन लागिपरेका छन् । खेतीकर्ममा बाँदर र असिनाले सताएपछि उनीहरु व्यावसायिक पशुपालनतर्फ आकर्षित भएका हुन् । गाउँलेहरुले मिनी जर्सी र होलिस्टेन जातका गाई तथा मुर्रा क्रस र स्थानीय जातका भैंसी पाल्न थालेका छन् ।
मराउँचेका किसान बलराम पौडेलले आफूहरु यतिबेला ढिकुरपोखरीलाई दूधगाउँ बनाउने उद्देश्यसाथ पशुपालनमा होमिएको बताउँछन् । अर्का किसान इन्द्रप्रसाद अधिकारीले दूध बिक्रीबाट वार्षिक साढे ४ लाखदेखि ५ लाख रुपैयाँसम्म कमाउँदैआएको बताए । दैनिक १ सय लिटर दूध उत्पादन गर्ने उनको लक्ष्य छ ।
पौडेल र अधिकारीजस्तै ढिकुरपोखरीका सयौं घरपरिवार किसान यतिबेला व्यावसायिक दूध उत्पादनमा होमिएका हुन् । सो अभियानमा स्थानीय नागडाँडा दुग्ध उत्पादक सहकारी संस्थाले सहजीकरण गर्दै बजारीकरण व्यवस्था गरेको छ ।
संस्थाले सहरको पैसा गाउँ ल्याउन भूमिका खेलेको सहकारीका व्यवस्थापक यमप्रसाद अधिकारीले जनाए ।
ढिकुरपोखरी क्षेत्रभर ६ स्थानमा दुग्ध संकलन केन्द्र स्थापना गरेको छ । जसमा दैनिक करिब ५ सय घरपरिवार किसानले २ हजार ५ सय लिटर दूध संकलन गर्दै आएका छन् । संकलित दूध प्रशोधन गरी पोखरामा बिक्री हुँदै आएको छ ।
दूधको गुणस्तर कायम राख्दै परिणाम बढाउन किसानलाई उन्नत जातका डालेघाँस, भुइँघाँस, जै घाँसका बिउँबिरुवा वितरण, नाम्ले जुकाको निःशुल्क औषधि वितरण तथा कृत्रिम गर्भाधानलाई प्रोत्साहन गरिएको छ । त्यस्तै, गोठ तथा भकारो सुधार, उत्पादन आधारमा पशु सेवा विज्ञ केन्द्रसँग अनुदान माग तथा गाउँपालिकासँग पनि सहकार्य गरिएको छ ।
सहकारीमा ६ सय ३१ घरपरिवार किसान आवद्घ छन् । तीमध्ये मराउँचेका युवराज पौडेलले सबैभन्दा बढी दैनिक ४० लिटर दूध बेच्छन् । ढिकुरपोखरीमा हाल ५० बढी फार्म रहेको अनुमान छ । ढिकुरपोखरी हालको अन्नपूर्ण गाउँपालिका वडा १ देखि ३ सम्मको भाग पर्दछ ।
Related News
सम्बन्धित समाचार
बुद्धजयन्तीमा याङ्जाकोटमा मेला
जेसीज सप्ताहमा रक्तदान
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
hero news full width
मुख्य समाचार
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१