Worldlink ads

केपी ओलीलाई हटाएर माधव नेपाल बने नेकपा अध्यक्ष

adarsha samaj आदर्श समाज संवाददाता
पौष ७, २०७७
madhav nepal

काठमाडौं– सत्तारुढ दल नेकपाको दाहाल–नेपाल समूहले पार्टी अध्यक्षमा वरिष्ठ नेता माधवकुमार नेपाललाई चयन गर्ने निर्णय गरेको छ ।

बबरमहलस्थित एक पार्टी प्यालेसमा बसेका उक्त समूहको केन्द्रीय कमिटी बैठकले नेपाललाई अध्यक्षमा चयन गरेको हो।

नेपाललाई अध्यक्ष बनाउन वरिष्ठ नेता झलनाथ खनालले प्रस्ताव गरेका थिए ।

यसअघि स्थायी कमिटी सदस्य भीम रावलले अध्यक्ष केपी शर्मा ओलीलाई अध्यक्षबाट हटाउने प्रस्ताव गरेका थिए । ओलीलाई आजकै मितिबाट अध्यक्ष पदबाट बर्खास्त गर्ने निर्णय बैठकले गरेको छ ।

बैठकमा नेकपाका ४ सय ४१ मध्ये ३ सय १५ जना केन्द्रीय सदस्य उपस्थित थिए ।

नवनिर्वाचित अध्यक्ष नेपाललाई पार्टीका कार्यकारी अध्यक्ष पुष्पकमल दाहालले बधाई दिएका छन् । अब आफूहरु पार्टी विधानको मर्म र भावनाअनुसार अघि बढ्ने दाहालले बताए ।

बैठकले स्थायी कमिटी सदस्यमा कृष्णबहादुर महरालाई निर्वाचित गरेको छ।

बैठक पर्सी बिहीबारसम्मका लागि स्थगित भएको छ।

Related News

सम्बन्धित समाचार

    hero news full width

    sanil ads

    wordlink ads

    Recent Posts

    भर्खरै