पोखरा । लगातार प्राकृतिक अतिक्रमण बढ्न थालेपछि पोखरा महानगरपालिकाले प्रदेश सरकारको सहयोगमा तालमा मिसिने ४ वटा ठूला खोलाको तिरमा ड्याम बनायो । ढुंगा, माटो तालमा पस्नु अघि नै रोक्ने उद्देश्यले निर्माण गरिएको ड्याम पहिरिन थालेको छ । अँधेरी खोलामा बनाइएको सिल्ट्रेसन ड्याम २० मिटर भत्किएको छ ।
पानीको बहाव बढेको र ड्यामको गुणस्तर राम्रो नभएको कारण भत्किएको २३ नम्बरका वडाध्यक्ष विष्णु पराजुली बताउँछन् । ‘यसमा इञ्जिनियरको पनि केही गल्ती देखिन्छ । ठेकेदारले पनि लापरबाही गरेको छ । आँखा छलेर बालुवा र ढुंगामात्रै वालमा भरेको भेटियो,’ उनले भने, ‘बेलैमा मेयर’सावको ध्यानाकर्षण गराएका थियौं । वहाँहरुको भित्रको कुरा के हो थाहा छैन । तर यो भत्किने आँकलन पहिले नै थियो ।’ पहिले पनि केही स्थानीय र जनप्रतिनिधि महानगरपालिकामा डेलिगेसन समेत आएका थिए ।
फेवातालको जलाधार क्षेत्रबाट वर्षेनी ढुंगा र माटो सहितको लेदो बगेर तालमा मिसिँदा तालको आकार साँघुरो बन्दै गएको छ । ताल संरक्षणका लागि सर्वोच्च अदालतले तीन वटै सरकारका नाममा छुट्टाछुट्टै आदेश जारी गरेको छ । सोही आदेशपछि पोखरा महानगरपालिकाले सरसफाइ र संरक्षण गर्न सिल्ट्रेसन ड्याम बनाएको हो । ३४ करोड लागतमा निर्माण गरिएको ४ वटा ड्याममा १७ करोड प्रदेश सरकारको छ भने बाँकी पोखरा महानगरपालिकाको लगानी छ । तर ड्याम निर्माणको २ महिना नबित्दै भत्किन थालेपछि सरोकारवालाले निर्माण गुणस्तरको विरोध गरेका छन् ।
‘ढुंगा र बालुवाले मात्रै वाल चिनेर यो समस्या आएको हो । सिमेन्टको मात्रा नै थिएन,’ स्थानीय जनप्रतिनिधि भरत भण्डारीले भने, ‘उबेलाभन्दा सुनुवाइ भएन । अहिले त्यही ड्याम भत्किन थाल्यो ।’ उपयुक्त अनुगमन नहुँदा ठेकेदारले गुणस्तरहिन काम गरेको उनको भनाइ छ । पानी खस्ने ठाउँमा सानो भुवान पनि परेको उनले बताए । त्यसकै कारण थप क्षति हुन सक्ने अवस्था छ ।
यो खोलामा ड्याम निर्माणको ठेक्का खड्का कृष्ण पीके जेभीले पाएको थियो । यो ड्याम सबैभन्दा ठूलो प्याकेज हो । ९ करोड ६ लाखमा ड्याम बनाइएको थियो । सम्झौता अनुसार यही वर्षको पुस मसान्तसम्म ड्याम हस्तान्तरण गर्ने अवधि छ । मेयर मानबहादुर जिसीले ठेकेदारबाट महानगरमा ड्याम हस्तान्तरण नभएकोले बिग्रिएको क्षति ठेकेदारले नै ब्यहोर्ने बताए । ‘हस्तान्तरण भैसकेको छैन । केही लेवल मिलेको थिएन । मैले उतिबेलै काट्न निर्देशन पनि दिएको थिएँ,’ उनले भने, ‘समयमा नकाटेका कारण झरेको हो । अब बिग्रिएको बनाउने काम ठेकेदारकै हो । नोक्सानी उसैले ब्यहोर्छ ।’
महानगरले अँधेरी सहित बेतेइनी, लौरुक र हर्पन खोलामा पनि ड्याम बनाएको छ । श्री गीता जयनेपाल ईश्वर जेभीले ठेक्का पाएको बेतेइनीमा ५ करोड ४६ लाख लागत लागेको छ भने लौरुकमा ५ करोड ७५ लाख, हर्पनका लागि ७ करोड ८८ लाखमा सम्झौता भएको थियो । तीनवटै प्याकेज खड्का कृष्ण जेभीले पाएको हो । २०१८ सालमा १० वर्ग किलोमिटरमा फैलिएको फेवाताल २०६४ सालमा आइपुग्दा ४ दशमलव २० वर्ग किलोमिटरमा खुम्चिएको तथ्यांक छ । मेयर जिसीले तत्काल इञ्जिनियर खटाएर गुणस्तर मापन गर्ने बताए । ड्याम फुटेको थाहा पाएपछि मेयरको नेतृत्वमा कार्यपालिका सदस्यहरुले स्थलगत अनुगमन गरेका थिए ।
Related News
सम्बन्धित समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
hero news full width
मुख्य समाचार
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१