पोखरा । स्पेनको शीर्ष फुटबल लिग ला लिगा बिहीबार रातिदेखि पुनः सुचारु हुँदैछ । कोरोना भाइरसका कारण स्थगित यस सिजनको ला लिगा ९२ दिनपछि पुनः सुचारु हुन लागेको हो । तीन महिना भन्दा लामो समयपछि फर्किएको फुटबल प्रतिस्पर्धा भने सेभिल्लाका दुई क्लब सेभिल्ला र रियल बेटिसबाट हुनेछ ।
कोरोनाका कारण लिग स्थगित रहेको अवस्थामा सेभिल्ला ४७ अंकसहित लिगको तेस्रो स्थानमा छ । त्यस्तै, रियल बेटिस ३३ अंकसहित लिगको १२ औं स्थानमा छ । शीर्ष चारको दौडमा यथावत रहन सेभिल्लाका लागि यो खेल निकै महत्त्वपूर्ण बन्नेछ ।
उनीहरुको खेल नेपाली समय अनुसार विहान पौने २ बजे हुनेछ । सेभिल्लाको आफ्नै घरेलु मैदान रामोन साञ्चेज पिज्जुवान सेभिल्लामा खेल हुनेछ । दर्शकबिनाको बन्द रंगशालामा खेल हुनेछ । खेलाडीहरुलाई दर्शकहरुको छनक दिलाउन उक्त रंगशालामा विभिन्न प्रविधि जोडेर कृत्तिम दर्शकहरुको व्यवस्था गरिएको छ ।
अन्य बेलाको दर्शक रहेजस्तै रंगशालामा क्लबका झण्डा, ब्यानर र हुटिङलाई प्रविधिमार्फत जोडेको हुन्छ । प्रविधियुक्त रंगशालामा अघिल्लो समय भएको दुई क्लबबीचको ‘साउन्ड प्ले’ गरिनेछ । जसले गर्दा प्रतिस्पर्धी दुबै क्लबले आ–आफ्ना समर्थकहरुको अनुभूति लिनेछन् ।
क्लबका समर्थकहरुले खेल भइरहेको रंगशालामै पुगेर खेल हेर्न नपाएपनि प्रविधि जडानका कारण टिभी र अनलाइनमार्फत लाइभ हेरेर उत्साहपूर्वक खेलको रोमाञ्चकता लिनेछन् । स्पनेमा ला लिगा प्रशारण अधिकार पाएको टिभीसँग मिलेर लिगले यस्तो प्राविधिक व्यवस्था गरेको हो ।
यसअघि, भौतिक दुरी कायम राख्दै प्रशिक्षण सुरु गर्न क्लबहरुलाई स्पेनको स्वास्थ्य मन्त्रालयले अनुमति दिएको थियो । दर्शकविनाको रंगशालाहरुमा ला लिगाका खेलहरु हुनेछन् । लिगका खेल सुरु हुनुअघि सबै खेलाडीको स्वास्थ्य जाँच गरिनेछ । खेलाडी, प्रशिक्षक, अन्य कर्मचारी सबैले कडा स्वास्थ्य प्रोटोकल पालना गर्नुपर्नेछ ।
कोरोना संक्रमणको बढि जोखिम मोलेको स्पेनमा त्यहाँको सरकारले देशलाई लकडाउन गरेपछि मार्चबाट ला लिगा स्थगित भएको थियो । लिगको ११ औं चरणका खेलहरु बाँकी छन् । ला लिगामा २७ औं साताका खेलहरु सकिएको थियो ।
ला लिगाको २८ औं हप्ताको खेल ५ दिनमै सकाउने लिगको तयारी छ । सबै क्लबहरुले समान २७/२७ खेलहरु खेलिसकेका छन् । जस अनुसार पहिलो दिन १ खेल, दोस्रो दिन ४ खेल, तेस्रो दिन ३ खेल, चौथो दिनमा २ खेल र पाँचौं दिनमा एक खेल हुनेछन् ।
हालसम्म, लिग तालिकामा बार्सिलोना ५८ अंकसहित शीर्षस्थानमा छ । रियल मड्रिड ५६ अंकसहित दोस्रो स्थानमा छ । ४६ अंक सहित रियल सोसिडाड चौथो स्थानमा छ । समान ४६ नै अंक भएको गेटाफे पाँचौं स्थानमा छ । ४५ अंक भएको एथ्लेटिको मड्रिड छैटौं स्थानमा छ । ४२ अंक भएको भ्यालेन्सिया सातौं स्थानमा छ ।
बिहीबार राति एक खेल भएपछि अन्य खेल भने अर्को दिन मात्रै हुनेछ । जसमा लिग लिडर बार्सिलोनाले कोरोनापछिको पहिलो खेल जुन १४ मा अवे मैदानमा मालोर्कासँग खेल्नेछ । सोही दिन दोस्रो स्थानको रियल मड्रिडले मड्रिडस्थित आफ्नै घरेलु मैदान सान्टिएगो बर्नाबाउमा एइबारसँग खेल्नेछ ।
कोरोनाका कारण स्थगित भएपछि सुचारु हुने विश्वकै फुटबलमध्ये यो स्पेनिस ला लिगा दोस्रो हुनेछ । यसअघि, जर्मन बुन्डेसलिगा फुटबल सुचारु भइसकेको छ । यसपछि प्रिमियर लिग र इटालियन सिरी ए समेत सुचारु हुने मिति र खेल तालिकासमेत सार्वजनिक भइसकेको छ ।
Related News
सम्बन्धित समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
hero news full width
मुख्य समाचार
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१