स्याङ्जा । गण्डकी प्रदेशसभा सदस्य भागवतप्रकाश मल्लले आफनो क्षेत्र अन्र्तगत पर्ने पालिकाहरुलाई खाद्यान्न सहयोग गरेका छन् ।

मल्लले ३ वटा पालिकाका लकडाउनबाट प्रभावित विपन्न मजदुर परिवारलाई लक्षित गर्दै २ लाख १२ हजार मूल्य बराबरको खाद्य सामाग्री प्रदान गरेका हुन् । स्याङजाको क्षेत्र नं. २ (ख)प्रदेशबाट निर्वाचित मल्लले गल्याङ, चापाकोट नगरपालिका र कालीगण्डकी गाउँपालिकालाई क्रमशः ८० हजार, ७० हजार र ६२ हजार मूल्य बरावरका खाद्यान्न सहयोग गरेका हुन् ।

कोरोना भाइरस संक्रमणले भोग्नु परेको लडकडाउनका कारण श्रम गरेर तत्काल खाने वातावरण नभएका जनाउदै विपन्न तथा श्रमिक मजदूर परिवारलाई लक्षितगर्दै खाद्यान्न उपलब्ध गराइएको सांसद मल्लले जानकारी दिए ।