नवलपुर । कावासोती नगरपालिकाले १ हजार ६ सय ६६ परिवारलाई राहत खाद्य सामाग्री प्याकेज बितरण गरेको छ ।
लकडाउनका कारण नगरका दैनिक ज्याला मजदुरीमा आश्रित तथा बिपन्न नागरिकका लागि प्रत्येक वडालाई छुट्याएर पठाएको १९ लाख ९९ सय हजार २ सय ८० रुपैयाँ बरावरको राहत रकमवाट कुल १ हजार ६ सय ६६ परिवारका लागि नगरपालिकाले बनाएको मापदण्डका आधारमा प्रतिपरिवार १५ केजी चामल, २ केजी दाल, १ केजी नून, आधा लिटर तेल र १ वटा नुहाउने तथा हात धुने साबुन बितरण गरेको नगर उपप्रमुख एवं कोरोना रोकथाम तथा राहत बितरण समितिका संयोजक प्रेमशंकर मर्दनियाले बताए ।
उनले शनिवारसम्म राहत कोषमा ५ लाख ८१ हजार ३ सय पच्चीस रुपैयाँ नगद तथा जिन्सी समेत गरी संकलन भएको तथ्याङक अद्यावधिक रहेको बताए ।उपप्रमुख मर्दनियाले अव भने नगरपालिकाद्वारा स्थापित राहत कोषमा दाता तथा सहयोगी संघसंस्था एवं ब्यक्तिहरुद्वारा प्रदान गरिएको प्याकेज वडामा पठाइने समेत बताए । शुक्रबारदेखि बितरण थालिएकोमा अव केही वडाहरुमा मात्र राहत पुर्याउन बाँकी रहेको छ ।
नगरपालिकाको राहत कोषमा आजसम्म ३ सय ११ प्याकेज संकलन भएको उनले जानकारी दिए ।नगरपालिकाले प्रति एक प्याकेजको मूल्यांकन १२ सय बरावरको रकमले राखेको छ । जसअनुसार संकलित जिन्सीको मुल्यांकन ३ लाख ७३ हजार २ सय रुपैयाँ रहेको नगरपालिकाले जनाएको छ । त्यस्तै, राहत कोषमा २ लाख ८ हजार १ सय पच्चीस रुपैंया नगद मौज्दात गरेको उपप्रमुख मर्दनियाले बताए । उनले संकलित जिन्सीमा ८ सय थान कपडाको मास्क, ९० वटा साबुन रहेको पनि उल्लेख गरे ।नगरपालिकाले उपलब्ध गराएको तथ्याङ्क अनुसार कावासोती १५ को अमलटारी मध्यबर्ती सामुदायिक होमस्टे र हमार दिगो गाउँ पर्यटन सहकारी संस्था ६० प्याकेज, कावासोती १२ को लामीचौर उपभोक्ता समितिले ५० प्याकेज, एन् आई सी एसिया बैक कावासोती शाखाद्धारा ५० प्याकेज, कावासोतीका सहयोगी युवाहरुको समुहले ५० प्याकेज, कावासोती ८ को नोबेल एकेडेमीले ५० प्याकेज, कावासोती १६ को नवलपुर एकेडेमीले ५० हजार बरावरको ४१ प्याकेज, कावासोती १२ को वाईजभिजन बोर्डिङ र कावासोती ११ को आईन्टाईन बोर्डिङ स्कुलले १० प्याकेज खाद्य सामाग्री प्रदान गरेका छन् ।
यस्तै कावासोती नगरपालिका अन्तर्गतका ३९ वटा सामुदायिक विद्यालयहरुवाट १ लाख १ हजार रुपैंया, कावासोती ३ को सेण्ट जोसेफ स्कुलबाट ४० हजार रुपैंया, ईको कोरिडोरसमिति अन्तर्गत कावासोती १५ को गुन्द्रही ढकाहा, १० को कृष्णसार र शान्तिकुञ्ज, तथा ७, १२, १३ नम्वरको नमूना मध्यवर्ती सामुदायिक वनबाट ५० हजार रुपैया, मौलाकालिका रि–कण्डिसन हाउस कावासोती ३ बाट १२ हजार रुपैया तथा ब्यक्तिगत रुपमा नेपाल बातावरण पत्रकार मञ्च, नवलपुरका अध्यक्ष शालिकराम कोईरालाबाट ५ हजार १ सय पच्चीस रुपैंया प्राप्त भएको उल्लेख छ ।
यस्तै अन्य जिन्सी सामानमा रिटर्नी माईग्रेनमार्फत ३ सय थान मास्क र कावासोती ३ का मीनबहादुर लामाबाट ५ सय थान मास्क तथा ९० वटा डिटोल साबुन प्राप्त भएको जनाइएको छ । नगर उपप्रमुख एवं कोरोना रोकथाम तथा राहत बितरण समितिका संयोजक प्रेमशंकर मदििननयाले अहिलेसम्म संकलित सामग्री बिपत ब्यवस्थापन समितिको बैठक बसी भोलिसम्ममा तथ्याङ्क बमोजिम वडा–वडामा पठाइने बताए ।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
सीता सुन्दास र बेदबहादुरलाई मन्त्री बनाउँदै खगराज
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१