लेखनाथ । पोखरा २८ स्थित धार्मिक, ऐतिहासिक एवं पर्यटकीय दृष्टिकोणले सम्भावना बोकेको क्षेत्र ठूलाकोटको विकासको लागि अन्तक्र्रिया गरिएको छ । ठूलाकोटको विकासको लागि गठित पर्यटन प्रवद्र्वन समितिले लेखनाथ उद्योग वाणिज्य संघका पदाधिकारीसँग गरेको अन्तक्र्रियामा वक्ताले ठूलाकोटको विकासका लागि गुरुयोजना नै बनाएर अगाडि बढ्नुपर्नेमा जोड दिएका छन् ।
कार्यक्रममा ठूलाकोट धार्मिक पर्यटन विकास समितिका अध्यक्ष ऋषिराम त्रिपाठीले ठूलाकोट क्षेत्रमा धार्मिक रुपमा प्रसिद्ध शक्तिशाली कालभैरव देवीको मन्दिर रहेको, ऐतिहासिक रुपमा १५ औं शताब्दीमा कुलमण्डल शाहका माईला छोरा चैते शाहले राज्य गरेको ठाउँ भएको र प्राकृतिक, सांस्कृतिक दृष्टिकोणले अत्यन्त महत्वपूर्ण ठाउँ भएको उल्लेख गर्दै पर्यापर्यटन, धार्मिक पर्यटन र साहित्यिक पर्यटनका लागि प्रचूर सम्भावना रहेको बताए ।
लेखनाथ उद्योग वाणिज्य संघ अध्यक्ष बलराम ढकालले ठूलाकोट क्षेत्रमा प्रशस्त सम्भावना रहेको र यसलाई पर्यटन क्षेत्रको रुपमा विकास गर्न योजनाबद्ध ढंगले अगाडि बढ्नुपर्ने बताए । उनले ठूलाकोटको विकासका लागि निजी क्षेत्रको तर्फबाट जस्तोसुकै सहयोग गर्न संघ तयार रहेको बताए ।
कार्यक्रममा संघका पूर्व अध्यक्ष चतुराखर अधिकारी, बाबुराम गिरी, द्वितीय उपाध्यक्ष राजेन्द्र ओझा, प्राध्यापक सुरेन्द्रबाबु तिवारी, पर्यटन व्यवसायी दामोदरभक्त थापा, अर्जुन भण्डारी, कृष्णप्रसाद तिमिल्सिना, वेगनासताल धार्मिक तथा पर्यटन विकास समिति सदस्य कृष्णप्रसाद ढुंगाना लगायतले सम्भावनामा आधारित रहेर गुरुयोजना तयार गर्नुपर्नेमा जोड दिए ।
ठूलाकोटको पर्यटकीय विकासका लागि गठित धार्मिक तथा पर्यटन विकास समितिले विभिन्न पक्षहरुसँग छलफल तथा अन्तक्र्रियालाई तीव्रता दिइरहेको छ । समितिकै पहलमा पोखरा महानगरले गुरुयोजनाको लागि अग्रसरता लिएको समितिले जनाएको छ ।
Related News
सम्बन्धित समाचार
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
hero news full width
मुख्य समाचार
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१