पोखरा । गैरआवासीय नेपाली संघ (एनआरएनए) ले गोरखाको लाप्राकमा एकीकृत नमुना बस्ती निर्माण गरिरहेको छ । निर्माण थालिएको ३ वर्ष पुगिसक्दा पनि घरहरु तयार भएका छैनन् । घर पूरा नहुँदा भूकम्पपीडित नागरिक अझै त्रिपालमुनी रात कटाइरहेका छन् । यद्यपि भवन निर्माणको काम पूरा भएको र शौचालयको काम भइरहेकोमा हिउँ परेका कारण निर्माणमा समस्या परेको जनाइएको छ ।
हिउँ पर्न रोकिएलगत्तै लाप्राक बस्ती निर्माण सकेर हस्तान्तरण गरिने एनआरएनएका अध्यक्ष कुमार पन्तले पोखरामा सोमबार भएको पत्रकार सम्मेलनमा जानकारी दिए । ‘हिउँ धेरै परेको वर्ष किसानलाई खुसी लाग्ने रहेछ । तर हामीलाई हिउँले गर्दा समयमा काम गर्न अवरोध भयो,’ उनले भने, ‘हिउँ पग्लेको ३ हप्तामै काम सकेर हस्तान्तरण गर्छौं ।’ सम्झौता गर्दा शौचालय निर्माणको जिम्मा स्थानीयकै भए पनि अहिले स्थानीयले शौचालय समेत निर्माण गरिदिन आग्रह गरेपछि केही काम लम्बिएको उनले सुनाए ।
‘शौचालय निर्माणको पनि ५० प्रतिशत काम सकिएको छ । प्रतिशौचालय थप ४० हजार खर्च हुनेछ,’ उनले थपे । २०७२ को विनासकारी भूकम्पका कारण बस्ती ध्वस्त भएपछि विस्थापित लाप्राकीका लागि एनआरएनएले गुप्सीमा एकीकृत नमुना बस्ती निर्माण जिम्मा लिएको थियो । बस्तीका लागि सरकारले १८.३२ हेक्टर क्षेत्रफल जग्गाको भोगाधिकार दिएको छ । तर लालपुर्जाको प्रक्रिया भने अझै टुंगिएको छैन ।
‘बाहिर घर भएकालाई त्यहाँ दिन मिल्दैन । लाभग्राही सूची नै गाउँपालिकाले निकाल्न सकेको छैन,’ अध्यक्ष पन्त भन्छन्, ‘लाभग्राही सूचीका आधारमा लालपूर्जा बाँड्ने हो । सरकारी प्रक्रिया अझै बाँकी छ ।’ त्यस ठाउँमा ५ सय ७३ वटा घर निर्माण गरिएको छ । पन्तले लाप्राक बस्तीलाई पर्यटकीय गन्तव्य रुपमा विकास गर्न सरकारसँग आग्रह पनि गरे । त्यहाँ स्वास्थ्य चौकी, सामुदायिक भवन, बस्तीभित्रको सडक लगायत पूर्वाधारको काम पनि भैरहेको छ ।
काठमाडौंमा स्मार्ट शौचालय
एनआरएनएको ७१ औं बैठक गत शुक्रबार र शनिबार कास्कीको रुपाकोटमा बसेको थियो । बैठकका निर्णय सोमबार सार्वजनिक गर्दै एनआरएनएले काठमाडौंमा स्मार्ट शौचालय बनाउने घोषणा पनि गरेको छ । नमुना शौचालय निर्माणका लागि महानगरसँग सम्झौता भैसकेको अध्यक्ष पन्तले जानकारी दिए । ‘हामीले शौचालय बनाएर हस्तान्तरण गर्नेमात्रै होइन । शौचालय व्यवस्थापन कसरी हुनुपर्छ भनेर पनि सिकाउन लागेका हौं,’ उनले भने, ‘जहाँ धेरै फोहोर छ, त्यहाँको सरसफाइ पहिले गर्नुपर्छ । हाम्रो राजधानी अहिले बढी फोहोर छ ।’
बैठकले ग्रामीण विद्यालयहरुमा शौचालय निर्माण अघि बढाउने निर्णय पनि गरेको छ । नमुना शौचालय निर्माणका लागि बैठकबाटै ४० लाख रुपैयाँ संकलन भैसकेको उपाध्यक्ष रवीना थापाले जानकारी दिइन् ।
यस्तै, नेपाल भ्रमण वर्ष २०२० सफल पार्न विभिन्न कार्यक्रम गरिने बैठकको निर्णय छ । अन्तर्राष्ट्रिय शहरहरुमा महोत्सव सञ्चालन गर्ने र नेपालको प्रचारप्रसार गर्ने योजना अघि सारिएको हो । राष्ट्रिय र अन्तर्राष्ट्रिय समन्वय परिषद्को वार्षिक कार्यक्रम रणनीतिक योजनासहित एकमुष्ट विवरण आगामी १ महिनाभित्र सार्वजनिक गर्ने थापाले बताइन् । यस्तै, सन् २०२० भित्रै नेपाल सरकारसँग समन्वय गरेर विश्व विज्ञ सम्मेलन गर्ने, मानव कल्याणकारी काम गर्न श्रोत जुटाउने उद्देश्यले एनआरएनए फाउण्डेसन स्थापना गर्ने, ६ महिनाभित्र स्मार्ट एनआरएनए परियोजनाको प्रस्तावना तयार गर्ने लगायत निर्णय पनि भएका छन् ।
वैदेशिक रोजगारीबारे श्वेतपत्र
वैदेशिक रोजगारीमा परेका समस्या, समाधान र सम्भावना खोजी गरी श्वेतपत्र जारी गर्ने भएको छ । ६ महिनाभित्रै श्वेतपत्र निकाल्ने र सोही अनुसार कार्ययोजना बनाएर काम गर्ने संघले जनाएको छ । वैदेशिक रोजगारीबाट फर्केका व्यक्तिको सीप र क्षमताको सदुपयोग गर्न उनीहरुको विवरण संकलनका लागि सरकारले अघि सारेको श्रम बैंक कार्यक्रममा सहकार्य गर्ने निर्णय समेत बैठकले गरेको छ । वैदेशिक सामाजिक सुरक्षा कोषको कार्यान्वयन तत्काल गर्न सरकारको ध्यानाकर्षण गराएको छ भने नागरिकता ऐन पारित गरी संविधानमा व्यवस्था भएअनुरुप गैरआवासीय नेपालीलाई नागकिता दिने व्यवस्था प्र्रारम्भ गर्न पनि आग्रह गरेको छ ।
लगानी, सम्पत्ति र गैरआवासीय नेपालीको आर्थिक, सामाजिक र सांस्कृतिक अधिकारसँग जोडिएका गैरआवासीय नेपालीसम्बन्धी ऐनको पुनर्लेखन गर्न र त्यसमा संघले पेस गरेका सुझाव समेट्न पनि बैठकबाट आग्रह गरिएको छ । संघको संरचना प्रयोग भइ प्रवद्र्धन भइ आएका व्यावसायिक कम्पनीको नाफाको निश्चित प्रतिशत संघको कोषमा जम्मा गर्न सम्बन्धित सबैलाई अनुरोध गर्नेसमेत निर्णय गरिएको छ ।
Related News
सम्बन्धित समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
hero news full width
मुख्य समाचार
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१