पोखरा । अन्नपूर्ण बेस क्याम्प नजिक हिम्कुमा गएको हिउँ पहिरोमा हराईरहेका पर्यटक र नेपालीको अवस्था अझै अज्ञात छ । मौसम प्रतिकुल परेका कारण आइतबार पनि खोजतलास हुन सकेन । स्थानीय केही ब्यक्तिहरु घटनास्थलमै भएपनि हिमपात नरोकिएका कारण बेपत्ता ब्यक्तिहरु खोज्न सकेका छैनन् ।
निरन्तरको हिमपात र हिमपहिरोका कारण उद्धार टोली पनि फर्किएको छ । छोम्रोङ पर्यटन व्यवस्थापन समिति र वडा कार्यालयको आग्रहमा स्थानीय १२ जनाको टोली देउरालीमा बसेको थियो । तर, हिमपात नरोकिएपछि उद्धारको काम गर्न नसक्ने भन्दै फिर्ता बोलाइएको अन्नपूर्ण गाउँपालिका ११ नम्बर वडाका अध्यक्ष हिमबहादुर गुरुङले जानकारी दिए ।‘१२ जना युवालाई त्यहाँ खटाएका थियौं । तर, मौसम निरन्तर प्रतिकूल भो। हिमपात अझै रोकिएन । हिमपहिरोको डर भएपछि उनीहरूलाई फिर्ता बोलाएको छु,’ उनले भने, ‘टोली फर्कियो । अहिले उद्धारको कुनै पनि काम गर्न सक्ने अवस्था छैन ।’ मौसममा केही सुधार भएपछि मात्रै उनीहरूलाई पुनः घटनास्थल पठाउने गुरुङले बताए । हिउँ नपग्लिएसम्म त्यहाँ बेपत्ताको आधिकारिक तथ्यांक नआउने उनको भनाई छ ।
हिमपातका कारण छोम्रोङभन्दा माथि पर्यटकलाई प्रवेश रोक्ने निर्णय शनिबार भएको छ । त्यस क्षेत्रका होटलमा काम गर्ने कामदार र अन्य व्यक्तिलाई पनि होटल बन्द गरेर छोम्रोङ झारिएको छ । घटनास्थलमा अहिले ७ फिटसम्म हिउँ जमेको वडाध्यक्ष गुरुङको भनाइ छ । बिहानैदेखि उद्धारमा खटिने भनिए पनि हिमपातका कारण हेलिकोप्टरसमेत उड्न सकेको छैन ।हराईरहेका पर्यटकको खोजी गर्न सरकारले भने खासै चासो दिएको छैन । छोम्रोङ पर्यटन व्यवस्थापन समितिको अगुवाइमा त्यस क्षेत्रमा भएका पर्यटक र होटलका कामदारलाई हेलिकोप्टरमार्फत् छोम्रोङ र पोखरामा झारिएको छ । हराइरहेका पर्यटकको हकमा भने ग्राउण्ड लेवलबाट अझै खोजी हुन सकेको छैन ।
प्रमुख जिल्ला अधिकारी रमेशकुमार केसीले टान र अन्य संघ सस्थासँग समन्वय गरेर उद्धारको काम गरिएको बताए । ‘टान र ट्रेकिङ सम्बन्धी अरु संघ संस्थासँग समन्वय गरेर सयभन्दा बढी मान्छेलाई सुरक्षित ठाउँमा सारिएको छ । ईन्स्पेक्टरको नेतृत्वमा एउटा टोलील गएर रेकी पनि गरेर फर्कियो,’ उनले भने, ‘हामी समन्वयमा काम गरिरहेका छौं ।’ उनले हराइरहेकाहरूको खोजी भइरहेको बताए । तर घटनास्थलमा केही स्थानीय र टानले पठाएको उद्धार टोली बाहेक अरु पुग्नै सकेनन् । हिउँ पहिरोमा बेपत्ता भएकाहरूको संंख्या समेत अझैसम्म एकीन हुन सकेको छैन ।
यसैबीच, ट्रेकिङ एजेन्सिज एशोसियनस अफ नेपाल टान पोखराले पत्रकार सम्मेलन गरी उद्धारमा आफुहरु लागिरहेको जनाएको छ । त्यस क्षेत्रमा भएका अरु पर्यटकलाई सुरक्षित ठाउँमा सारिएको र हराएकाहरुको खोजीमा पनि लागिरहेको टान पोखराका अध्यक्ष हरि भुजेलले जानकारी दिए । शुक्रबार हिउँपहिरोमा परि विदेशी नागरिक सहित ७ जना बेपत्ता भएको प्रमाणित भएको छ । हिउँपहिरोमा दक्षिण कोरियाली नागरिक जोङपिल डोङ, ली मिन सु, टोयो हायो वन र किम सुक, नेपाली गाइड सरोज परियार, मीनबहादुर लामा र टिरिङ भोटे हराएका छन् । प्रत्यक्षदर्शीहरु चाहीँ हराउनेको संख्या त्यो भन्दा पनि बढी हुन सक्ने बताउँछन् । हिम्कु आसपासमा ६ वटा हिउँपहिरो खसेको घटनास्थल पुगेर फर्किएका विजय केसीले जानकारी दिए । उनका अनुसार अहिले उद्धारका लागि केही गर्न सक्ने अवस्था छैन ।
मनाङबाट हराएका चिनियाँ पर्यटक भेटिए
अन्नपूर्ण पदयात्राका क्रममा मनाङबाट हराएका भनिएका चिनियाँ पर्यटक सम्पर्कमा आएका छन् । विहिबारदेखि परेको हिमपातका कारण थोरङ पास गर्न निस्किएका ४ चिनियाँ पर्यटक सम्पर्क विहिन भएको समाचार आएको थियो । तर उनीहरु थोरङ भञ्ज्याङ पास गरेर पोखरा हुँदै काठमाण्डौं फर्किसकेको जिल्ला प्रशासन कार्यालय मनाङले जनाएको छ ।
मनाङका नि. प्रमुख जिल्ला अधिकारी कमलप्रसाद अर्यालका अनुसार सबै पर्यटक सुरक्षित छन् । ‘ती पर्यटकले मुस्ताङ निस्कने क्रममा एक्याप र मुक्तिनाथ चेकपोष्टमा नाम दर्ता गराएका रहेनछन् । त्यसैले सम्पर्क विहिन भनिएको हो,’ उनले भने, ‘उनीहरूमध्ये एक जना मुस्ताङ, एकजना पोखरा र बाँकी २ जना काठमाण्डौं पुगिसकेको खवर पाएका छौं ।’मनाङको सदरमुकाम चामे लगायतका क्षेत्रमा नेपाल टेलिकमको मोवाइल तथा ल्याण्डलाईन सेवा १० दिनदेखि अवरुद्ध छ ।
Related News
सम्बन्धित समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
hero news full width
मुख्य समाचार
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१