अन्नपूर्ण गाउँपालिका ३, पुरानो मैदानस्थित समाजसेवा युवा परिवारको आयोजनामा भएको एकल नृत्य प्रतियोगितामा प्रतीक्षा रसाइली प्रथम भएकी छन्।
क्लबको १८ औं वार्षिकोत्सव अवसरमा भएको उक्त प्रतियोगितामा सुनिता सुनार द्वितीय, वीपना सुनार तृतीय तथा शान्ति बास्तोला र प्रतिमा कुँवर सान्त्वना भए। उनीहरुलाई क्रमशः ८ हजार, ५ हजार, ३ हजार र १ हजार साथमा प्रमाणपत्र पुरस्कार वितरण गरियो।
प्रमुख अतिथि समाजसेवी भेषराज पौडेलले क्लबले राम्रा कार्यहरु गर्दै आएको चर्चा गर्दै क्लबलाई गण्डकी प्रदेशकै उत्कृष्ट क्लब बनाउनुपर्नेमा जोड दिए। उनले क्लबले ट्रष्ट निर्माण गर्नुपर्ने भन्दै क्लबको समुज्ज्वल भविष्यको कामना पनि गरे।
गाउँपालिका उपाध्यक्ष सगुन गुरुङले प्रतियोगिताले प्रतिभा उजागर गर्न सहयोग पुग्ने विश्वास व्यक्त गर्दै क्लबलाई अझै सक्रिय बनाउँदै लानुपर्नेमा जोड दिइन्।
क्लब संस्थापक अध्यक्ष समेत रहेका पत्रकार इन्द्रप्रसाद पौडेलले स्थापनाकालको अनुभव सुनाए। उनले संस्था स्थापना ठूलो नभई निरन्तरता ठूलो भएको पनि जनाए। उनले क्लबको ट्रष्ट निर्माणमा आफ्नो सहयोग रहने प्रतिबद्घता पनि जनाए। कार्यक्रममा संस्थापक सदस्य तथा कलाकार टेक क्षेत्री, पूर्व अध्यक्ष सूर्यबहादुर केसी, वडासदस्य कमला केसी, मूल्याङ्कन समिति संयोजक कलाकार जयकुमार परियार, भकरजुङ सामुदायिक वनका अध्यक्ष दुर्गाप्रसाद पौडेल लगायतले क्लबका कार्यक्रमले समाजमा सकारात्मक सन्देश छर्दै गएको जनाउँदै क्लबलाई अन्नपूर्ण ३ कै नमूना क्लबको संज्ञा पनि दिए।
कार्यक्रममा कलाकार जयकुमार परियारको संयोजकत्वमा युवराज गुरुङ र मेलिना सुवेदी सदस्य रहेको निर्णायकमण्डल रहेको थियो।
सो अवसरमा सहयोगी संघसंस्था एवम् व्यक्तिलाई सम्मान गरिनुका साथै कलाकार टेक क्षेत्रीले आफ्नो प्रस्तुति राखेका थिए।
क्लब अध्यक्ष शिवकुमार पौडेलको अध्यक्षतामा भएको उक्त कार्यक्रममा द्वितीय उपाध्यक्ष शिवप्रसाद पौडेलले स्वागत र क्लब सचिव नारायण पौडेल (नयन) ले संचालन गरेका थिए।
Related News
सम्बन्धित समाचार
गण्डकीका ४ सय ६७ स्थानमा डढेलो
बझाङ प्रदेशसभा–१ मा एमालेका भण्डारी विजयी
बिपिसीले ल्यायो विद्युत् महसुल बढाउने प्रस्ताव
क्षत्री समाज नेपालमा पोखराका रिव, महासचिवमा कृष्ण
झोलाबाट अफिस चलाउँदै बाल संगठन
hero news full width
मुख्य समाचार
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१