पोखरा, ५ चैत। पोखरा महानगरपालिकाले नगरका विभिन्न ठाउँमा राखिएका होर्डिङ बोर्ड हटाउन शुरु गरेको छ।
होर्डिङ बोर्ड राख्न महानगरले पोखरा उद्योग वाणिज्य संघले गरेको सम्झौता अवधि सकिएको भन्दै मंगलबारदेखि होर्डिङ बोर्ड हटाउन शुरु गरेको हो। कर तिर्छु भन्दाभन्दै पनि जबर्जस्ती सो कार्य भएकोमा कतिपयले भने विरोध जनाएका छन्।
पोखरा महानगरपालिकाका सूचना अधिकृत गंगालाल सुवेदीले होर्डिङ बोर्डलाई समयक्रम अनुसार डिजिटलाइज गर्ने उद्देश्यका साथ पुराना हटाउन थालिएको जनाए।
होर्डिङ बोर्ड हटाउन यसअघि ३ पटकसम्म सार्वजनिक सूचना प्रकाशित गरेकोमा अटेरपछि महानगर आफैले होर्डिङ बोर्ड हटाउन थालेको उनले बताए।
महानगरले पृथ्वीचोकस्थित चाइनापुल, रंगशाला अगाडि रहेका होर्डिङ बोर्ड हटाएर सो कार्यको थालनी गरेको हो।
महानगरले बिनातयारी बजार क्षेत्रको होर्डिङ बोर्ड हटाउन थालेको पृथ्वीचोकका व्यवसायी सुदर्शन रञ्जितले गुनासो गरेका छन्। उनले लिखतपत्र आधारमा एक दुई दिनमै होर्डिङ बोर्ड आफैले हटाउने बताएपछि नगरप्रहरी टोली चाइनापुलतर्फ लागेको थियो।
यता, परिचय एडभरटाइजिङ कम्पनीका संचालक सोभित बस्यालले महानगरले कुनै नीति नियमबिनै आफूहरुलाई विकल्प नदिईकन एकाएक होर्डिङ बोर्ड हटाएको बताएका छन्।
यसअघि पनि आफूहरुले बोर्ड परिमार्जित गरेर कसरी जाँदा हुन्छ भनी आग्रह गर्दा पनि कुनै पनि सुनुवाइ नगरी कर लिन नमानेको र आज एकाएक बोर्ड हटाइनु दुःखद भएको गुनासो गरे। लामो समयदेखि यसै व्यवसायमा आबद्ध बस्याल भन्छन्, ‘महानगरले आफूहरुले सहकार्य गरेन, कर तिर्छुभन्दा पनि कर नलिएको र कुनै दायित्व बहन गर्न चाहेन। आफूहरुको लागि विकल्प दिइनुपर्छ। ’
बिना टेण्डर भएका सबै योजना खारेज गरी पुनः टेण्डरबाट जानुपर्ने परिचय एड्भरटाइजिङ कम्पनीको माग छ।
महानगरपालिकाका राजश्व शाखा प्रमुख छवि शर्माका अनुसार महानगरले दिएको साइज आधारमा व्यवसायीहरुले बोर्डहरु राख्न पाउने अन्यथा शुल्क लाग्नेछ।
महानगरमा दर्ता आधारमा व्यवसायी तथा कम्पनीले ३ वाई १० फिट साइजमा निःशुल्क बोर्ड राख्न पाउने जनाएको छ। यसबाहेक प्रतिवर्ग फिट १ सय रुपैयाँ दरले शुल्क तिर्नुपर्ने हुन्छ।
महानगरबाट होर्डिङ बोर्डको ठेक्का लिएको पोखरा उद्योग वाणिज्य संघले आकृति कम्पनीलाई पुनः ठेक्का दिएको थियो। पोखरामा परिचय एड्भरटाइजिङ, सैनिक आर्टस्, आकृति, डिजिटल मिडिया लगायत कम्पनीहरुले होर्डिङ बोर्ड राख्ने गरेका छन्।
Related News
सम्बन्धित समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
hero news full width
मुख्य समाचार
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१