पाल्पा, ११ असोज । जिल्लाका चुनढुंगा खानीमा चल्ने टि्रपरको अत्यधिक गतिले दुर्घटना बढेपछि गति नियन्त्रणको उपाय खोजिएको छ । राजमार्गहरुमा दुर्घटना बढेपछि टि्रपरलाई र्टाईम कार्डको व्यवस्था गरेर निश्चित समयभन्दा छिटो गन्तव्यमा पुग्न रोक लगाइएको छ ।
जिल्ला ट्राफिक प्रहरीको सक्रियतामा तानसेन-तम्घास खण्डको हार्थोकदेखि तानसेनहुँदै दोभानसम्म पुग्ने सयम निर्धारण गरिएको छ । रैनादेवी छहरा र रिब्दीकोट गाउँपालिकाका स्थानीयहरुको चर्को दबाबपछि सिजी र सर्वोत्तम सिमेन्टको खानीबाट ढुवानी गर्ने टि्रपरहरुलाई र्टाईम कार्ड लागू गरेको हो ।
हार्थोकबाट दोभान ५० किलोमिटर दुरीको २ घण्टा ३० मिनेट समय राखिएको छ । प्रहरी चौकीमा कार्डमा समय लेखाउने र गन्तव्यमा पुगेपछि देखाउने व्यवस्था गरिएको छ । हाथोर्कमा लु२ख २२६६ नं का टि्रपरचालक रामकुमार लामालाई टाइम कार्ड दिएर समयको पालना गराउन थालिएको छ । कार्डमा उल्लेख गरिएको सयम ख्याल गरेर गति नियन्त्रण गर्ने चालक र प्रहरीलाई प्रमुख जिल्ला अधिकारी मनोहर प्रसाद खनालले निर्देशन दिँदै यसले जिल्लामा दुर्घटना न्यूनीकरणमा सहयोग गर्ने बताए ।
जिल्लामा रैनादेवी छहरा, रिब्दीकोट, तिनाउ, माथागढी गाउँपालिमा रहेका चुनढुंगा खानीबाट दैनिक एक हजारभन्दा बढी टि्रपरले चुनढुंगा ओसारपसार गर्ने गरेका छन् । टाइमकार्ड अन्य स्थानका टि्रपरहरु र सार्वजनिक यातायातलाई समेत विस्तारै टाइम कार्ड लागू गर्ने योजना रहेको छ ।
यसबाट सवारी दुर्घटना न्यूनीकरणमा सहयोगी हुने बन्ने विश्वास प्रहरीले लिएर जिल्ला ट्राफिक कार्यालय पाल्पाका प्रमुख डम्बर गिरीले बताए ।
टि्रपर व्यवसायी र चालकले पनि टाइम कार्ड लागू गर्ने प्रतिबद्धता जनाएका छन् । टि्रपर व्यवसायीलाई व्यवहारप्रति सकारात्मक हुन जरुरी रहेको र सबै खानीमा चल्ने टि्रपरमा लागू गर्न माग उनीहरुको रहेको छ । खानी क्षेत्रमै चुनढुंगा अन्दाजको भरमा बोक्ने हुँदा क्षमताभन्दा कम र बढी हुन सक्ने भएकाले धर्मकाँटा भए राम्रो हुने टि्रपर व्यवसायी अरविन्द्र पाण्डेले भनाइ छ ।
टाइम कार्डले तीव्रगतिलाई रोक्ने, दुर्घटना कमी ल्याउने, यात्रुलाई सहज हुने र टि्रपर व्यवसाय पनि मर्यादित र व्यवस्थित हुने अपेक्षा गरिएको छ ।
Related News
सम्बन्धित समाचार
अकला आयोजना सञ्चालनमा खानेपानी संस्थान नै बाधक !
सडक आश्रित मानवमुक्त जिल्ला कार्यान्वयनका लागि समन्वय बैठक
सांस्कृतिक कार्यक्रम एवं भजन प्रतियोगिताको तयारी पूरा
पृथ्वीराजमार्ग विस्तार : मुआब्जा बुझाइयो तर घर भत्काइएन
शिवशक्ति मार्ग टोल विकास संस्थाद्वारा ४४ ज्येष्ठ नागरिकको सम्मान
hero news full width
मुख्य समाचार
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१